Daniel (hebreo) 1:2 - Qullan Arunaca

² Tatitusti Joacim reyirojj Nabucodonosor reyimpiw catuntayäna, cuna yänacatejj templon utjcäna ucanacsa Nabucodonosor reyiruw catuyaraquïna. Nabucodonosor reyisti jakenacjja preso apasjjäna Babilonia marcaru, Diosan templopata apsuta kollana yänacsa diosanacapan yänacapampi chicwa uscjjaraquïna;

Aymar Bibliia 1986

² Tatitusti Joacim reyirojj Nabucodonosor reyimpiw catuntayäna, cuna yänacatejj templon utjcäna ucanacsa Nabucodonosor reyiruw catuyaraquïna. Nabucodonosor reyisti jakenacjja preso apasjjäna Babilonia marcaru, Diosan templopata apsuta kollana yänacsa diosanacapan yänacapampi chicwa uscjjaraquïna;

Qullan Arunaka DC

² Tatituw Joacín reyirux Nabucodonosor reyimp katuntayäna, kuna yänakatix Tatitun utapan utjkäna ukanaksa Nabucodonosor reyiruw katuyarakïna. Nabucodonosor reyisti Babilonia markaruw jaqinak katuntat apasxäna, Tatitun utapat apsuta qullan yänaksa diosanakapan yänakapamp chik uskurakïna;

Daniel (hebreo) 1:2 Jak'a apnaqawi uñst'ayäwi

Génesis 10:10

Jupan jach'a marcanacapasti, orakep tokenjja acanacaraquïnwa: Babel, Erec, Acad, uqhamarac Calne ucanaca, jupanacasti Sinar tokenacanwa jacapjjäna.

Génesis 11:2

Cunapachatejj inti jalsu toket mistunipjjäna ucapachajj, Sinar sisqui ucsa token mä pampa orake jicjjatapjjäna, ucatsti ucanwa jacapjjäna.

2 Reyes 24:1

Joacim reyejj apnakascäna ucqhajja, Babilonianquiri Nabucodonosor reyiwa Judá orakeru catuntir mantanïna. Ucatsti Joacim reyejj quimsa marawa jupar jaysäna. Ucatjja janiw jaysañ muncjjänti, jan ucasti jupataquiw sayt'asjjäna.

2 Crónicas 36:5

Joacim reyejj cunapachatï pä tunca pheskan maranïna ucqhawa apnakaña kalltäna, ucatsti Jerusalenanjja tunca mayan maraw apnakäna. Ucampis jupan luratanacapasti jan walinacänwa Tatit Diosapan nayrakatapana.

2 Crónicas 36:7

Nabucodonosor reyisti Tatitun templopatjja mä chicat yänacapwa Babiloniaru apasïna, ucatsti Babilonianjja temploparuwa uchäna.

Esdras 1:7

Ciro reyisti partepatjja churjjänwa Tatitun templopana yänacapa, Nabucodonosor reyejj Jerusalén marcata apsusina diosanacapan temploparu apcäna ucanaca.

Isaías 11:11

Uca urunacanjja Tatitojj wasitatwa ch'amap uñacht'ayani, marcapat jilt'irinacaru wasitat jicjjatjjasa, Asiriatsa, Egiptotsa, Patrosatsa, Etiopiatsa, Elamatsa, Sinaratsa, Hamatatsa, kota tokenquir marcanacatsa cuttayanjjaraquiniwa marcaparojja.

Isaías 42:24

¿Qhitis Israelarojj, Jacobon marcaparojj, atipjatäpan lunthatataraquïpan sejja? ¿Janiti Tatitu take ucanacjja lurayquejja? Jupanacasti Tatitutaquiw juchañchasipjje, janiraquiw cuna thactejj Tatitojj uñacht'ayqui ucanjam sarañ munapquiti, janiraquiw yatichäwinacaparus jaysapquiti.

Jeremías 25:1

Cunapachatejj Josiasan yokapa Joacim reyejj Judá orake pusi mara apnakcäna, ucapachaw Tatitojj Jeremiasaru parläna, aca yatiyäwinaca take Judá marcpachataqui. Uca maraw Nabucodonosorajj mä mara Babilonia orake apnakañ kalltascäna.

Jeremías 27:16

Uqhamaraquiw sacerdotenacarusa, take jakenacarusa parlaracta, jupanacarusti saractwa: “Aqham siw Tatitojja: ‘Cawquïri profetanacatejj janc'aquiw Babiloniatjja cuttanjjañäni, sasa parljjayapjjtam, uca quipcaraqui cuntejj Tatitun templopata apapqui ucanacasa janc'aquiw cuttayanitäjjani sasa parljjayapctam uca profetanacarojj jan ist'apjjamti.’ Cuntejj jupanacajj parljjayapjjtam uca arunacajj c'aricamaquiwa.

Jeremías 28:3

acat quimsa mararusti aca chekaruw cuttayanjjaraquï cuna yänacatejj templota Babilonianquiri Nabucodonosor reyejj apascäna take ucanaca.

Jeremías 35:11

Ucampisa, cunapachatejj Babilonianquiri Nabucodonosor reyejj aca marcaru nuwantiri jutantcän ucapachaw nanacajj caldeonacan uqhamaraqui arameonacan ejercitopat jaltanjjapjjta, ucatsti aca Jerusalén marcaru jaquiriw jutjjapjjaracta; ucatwa aca Jerusalén marcan jacasipctjja” sasa.

Jeremías 50:2

“Aca arunac yatiyapjjam, take marcanac taypina. Yatiyäwi unañchanacsti aptapjjaraquim; jan cunsa imt'apjjamti. Sapjjaraquim: ‘¡Babiloniajj catuntatawa, Marduc diosasti alekaquiw qhathatjjaraqui! ¡Yakha diosanacapasa c'ari diosanacapasti laruscaña p'enkaquëjjapjjewa, ajjsarañan phokhantatäjjapjjaraquiwa!’ sasa

Jeremías 51:44

“Bel sat diosarusti Babilonia chekanjja mutuyaraquïwa, cuntejj mank'antqui ucsa wak'aksuyaraquïwa, janiraquiw marcanacajj juc'ampi ucaru cuttcjjapjjaniti cuna yanapa mayisasa. ¡Babilonian perkanacapajj liwirtjjewa!

Daniel (hebreo) 5:13

Daniel chachasti reyin nayrakataparu irpataw uñjasïna, reyisti juparojj jisct'araquïnwa: —¿Jumajj Danielätati, cawquïrirutejj rey Nabucodonosor awquejjajj Judea oraket judionacampi chica preso apanqui ucajja?

Daniel (hebreo) 5:18

“Alajjpachanquir jach'a Diosajj Nabucodonosor awquimarojj churänwa reino, jach'a cancaña, kamir cancaña, uqhamaraqui take jach'añchäwinacsa.

Habacuc 1:16

Ucatwa chawlla caturejj känanacaparu, ansuelonacaparu yupaychejja, sacrificio loktäwinac churasa, uqhamarac inciensonacampi k'apichasa suma mank'a walja utjayatapata.

Zacarías 5:11

Jupasti saraquituwa: —Babiloniaruw mä templo luriri sarapjje. Cunapachatejj templojj tucutäjjanejja, ucaruw utt'ayapjjani mä cimientjjaru —sasa.

Deuteronomio 32:30

¿Cunjämaraqui mayni sapaqui warankaru jaltayisti? Ucatsti ¿cunjämaraqui paninisti waljaniru jaltayisti? ¡Arjjatir Dios sapaquiw uñisirinacapar catuyañ amti!

Jueces 2:14

Uqham uñjasinsti Diosajj Israel marca contra colerasisajja lunthatanacampiw cunanacapatejj jupanacan utjqui ucanaca aparayäna, uqhamarac uca thiyanacan jaquir uñisirinacapampiraquiw tucjayaraquïna, jupanacajja janiw sayt'asipcänti.

Jueces 3:8

Diosasti uqham uñjasinjja jupanacatac colerasisasti Cusan-risataim sat Mesopotamia marcanquir reyin amparaparuw catuyäna. Ucatsti israelitanacajj Cusan-risataim sat reyirojj quimsakallko marawa sirvipjjäna.

Jueces 4:2

Uqham uñjasinsti Diosajj cananeonacan Jabín sat reyipan ch'amaparuw catuyäna. Aca reyisti apnakänwa Hazor sat marcana. Jupan ejercitopan jilïripasti Sísara sataraquïnwa, aca jilïristi jacänwa Haroset-goim sat marcana.

1 Samuel 5:2

Ucatsti Dagón sat diosan temploparu apantasinjja, uca diosap jac'aruw uchapjjäna.