Apocalipsis 9:20 - Qullan Arunaca

²⁰ Qhitinacatejj jan aca t'akhesïwinacampi jiwarapcän uca jakenacajj janiw arrepientisipcänti jan wali luratanacapatjja, uqhamaraquiw cunayman casta ajayunacarus yupaychasipcaquïna, uqhamarac korit, kollket, broncet, kalat, lawat lurat diosanacarus yupaychasipcaquïnwa. Uca diosanacasti janiw uñjquisa, ist'quisa, ni sarnakcaraquisa.

Aymar Bibliia 1986

²⁰ Qhitinacatejj jan aca t'akhesïwinacampi jiwarapcän uca jakenacajj janiw arrepientisipcänti jan wali luratanacapatjja, uqhamaraquiw cunayman casta ajayunacarus yupaychasipcaquïna, uqhamarac korit, kollket, broncet, kalat, lawat lurat diosanacarus yupaychasipcaquïnwa. Uca diosanacasti janiw uñjquisa, ist'quisa, ni sarnakcaraquisa.

Qullan Arunaka DC

²⁰ Uka t'aqhisïwinakampi jan jiwarir jaqinakasti, jichhax janirakiw jan wali luratanakap apanukupkänti, kunayman ajayunakar yupaychañsa janirakiw apanukupkänti; qurita, qullqita, bronceta, qalata, lawat lurat diosanakarus yupaychasipkakïnwa, jan uñjiri, jan ist'iri, jan sarnaqiri diosanakaru.

Apocalipsis 9:20 Jak'a apnaqawi uñst'ayäwi

2 Reyes 22:17

Jupanacasti nayar apanucusinjja yakha diosanacaruwa inciensonaca naqhayapjje, uqhamatwa take luratanacapampi nayar colerayapjjetu; ucatwa nayan colerajjajj akti aca chekataqui, ucasti janiw t'acurcaniti’ ”.

2 Crónicas 28:22

Acaz reyejj uqham jan walt'añanccasasa, Tatitutaquejj sayt'asiscaquïnwa. ¡Uqhamänwa Acaz reyejja!

2 Crónicas 34:25

Jupanacasti nayarojj apanucupjjetuwa, uqhamarac yakha diosanacaruwa incienso naqhayapjje, uqhamata nayar colerayasa take luratanacapampi. Ucatwa nayajj colerasta aca chekataquejja, ucatsti colerajjajj janiw saraktcaniti.’

Salmos 106:37

ñankhanacaruw yokanacapamp phuchanacapamp jiwayasajj loktapjjäna.

Isaías 2:8

¡Uqhamarus yakha diosanacampi wali phokhantataraquiwa! Jakenacasti jupanacan pachpa amparanacapampi lurat diosanacaruquiw yupaychapjje, luc'ananacapampi luratanacaru.

Isaías 41:7

Yakha diosanac luriristi joyero jakeruw ch'amañchi, martillompi lek'eristi yunque lek'eriruw ch'amañcharaqui, soldatapas waliquïsquiw saraquiwa, ucatsti uca diosa luratapjja clavonacampiw sum sayt'ayi, jan liwisiñapataqui.

Jeremías 1:16

Ucäniwa mutuyäwejja, nayan arsutajjarjama, qhitinacatejj nayar apanucusin, jupanacpachan lurasita yakha diosanacaru, inciensonaca loktasipjje, quillisipjjaraqui uca jucharara jakenacataquejja.

Jeremías 25:6

Jan yakha diosanacaru arcapjjamti, janiraqui jupanacarusa yupaychapjjamti ni quillt'asipjjaraquimsa. Jan Tatiturojj colerayapjjamti jumanac pachpan lurasit diosanacaru yupaychasajja, jupasti janiraquiw cuna jan walt'añsa apayanipcätamti.

Jeremías 44:8

¿Cunatsa jumanacajj nayaru ñankhachapjjesta aca Egiptor jaquiri jutasinjja incienso yakha diosanacaru loktasisajja? Uca luratanacamampejj jumanacpachaquiw ñankha lurasisipctajja, take marcanacan uñjcañaraquiw jumanacajj t'unjatäpjjäta, mä p'enkaw tucupjjaraquïta take marcanac nayrakatana.

Jeremías 5:3

Tata, jumajj cheka chuymani jakenac thaktajja. Mutuyaractawa, ucampisa janiw usuyasipquiti; Aynacht'ayascaractawa, ucampisa janiw yatekañ munapquiti. Kala chuymanïpjjewa, wali khorunacäpjjaraquiwa, janiraquiw cheka thaquiru cuttaniñsa munapquiti.

Jeremías 51:17

Take jakenacasa pisi amuyuni jan cuna yatirïpjjaraquiwa, diosanacasti qhititejj jupanacaru lurqui ucanacarojj sallkjapjjaraquiwa. Inamaya uñtasit luratanacaquiwa, janiw jacañanïpcaraquiti.

Daniel (hebreo) 5:23

Jan ucasti alajjpachanquiri Tatitutjja larustawa, uca copanaca, jarronaca, cunatejj templot apanitäcäna, ucanac apayanisajja, jawsayata jakenacamampi chicaraquiw uca copanacata, jarronacatsa vino umtajja; uqhamarusa korita, kollketa, bronceta, hierrota, lawata, kalata lurat diosanacamaruw yupaychapjjaractajja; uca diosanacasti janiw uñjapquiti, janiw ist'apcaraquisa, janiw cunsa yatipcaraquiti. Ucampisa janiw Diosarojj yupaychctati, uca Diosan amparapancaraquiw jacañamajja, take cuntejj lurcta ucasa jupatwa jutaraqui.

Daniel (hebreo) 5:4

Takeniw vino umapjjäna ucatsti korita, kollketa, bronceta, hierrota, lawata, kalata lurat diosanacaparuw yupaychapjjaraquïna.

Levítico 17:7

Janipuniw mayampsa uca ñankhanacarojj ofrendanacapjja loktascjjapjjaniti, cawquïrinacarutejj jupanacajj yupaychapjjäna, uqhamarac k'añuchasipjjänsa. Acasti jumanacataquejj wiñaya leyïniwa, awquinacamataqui, uqhamarac wawanacamataquisa.

Miqueas 5:13

c'ari diosanacamsa, ajjsaraña kalanacamsa t'unjäwa, uqhamat jan mayampsa yupaychcjjañamataqui, cawquïr diosanactejj juma quipca lurascta ucanacaru.

Mateo 21:32

Bautisiri Juanajj jutänwa cunjämatejj jumanacan jacañamajj waquisqui ucanac yatichasa. Ucampis jumanacajj janiw juparojj iyawsapctati, jan ucasti uca impuesto cobririnacasa, uqhamarac uca walja chachanacampi sarnaker warminacasa iyawsapjjänwa. Jumanacasti ucanac uñjasinsa jan wali lurañanacamatjja janiw arrepientisiñ munapctati.

Hechos 17:29

Uqham Diosan familiapäcasinjja, janipï amuyañasäquitejj jakenacan amuyunacaparjamajja, Diosajj korita, kollketa, kalata luratäcaspas uqhama.

Hechos 19:26

Jichhasti jumanacajj uñjapjjtawa, ist'apjjaractawa cunjämtï aca Pablo jakejj sarnakasqui: ‘Jaken lurat diosanacajj janiw cheka Diosäquiti’ sasa ucjja. Uqham sasaw jupajj walja jakenacarojj mayjt'ayäna, uca pachpa Éfeso marcansa, uqhamarac niya takpach Asia tokenquirinacarusa.

Hechos 7:41

Ucat jupanacajj mä dios lurapjje, vaca kallur uñtata. Uca diosar yupaychañataquisti sacrificio loktapjjäna. Uqham quicpa amparanacapampi mä dios lursusisinsti, cusisipjjaraquïnwa.

2 Corintios 12:21

Ajjsararactwa, acjjar jutcä ucanjja inas Diosajj jumanacat mä p'enka uñjasiychitani, ucatsti inas jachañajjächini jumanacat waljani nayratpach juch lurasipcatamata, ucatjja janiraqui wachoka juchan sarnakañanacsa, ni yakha juchanacsa, ni k'añu lurañanacs apanucupjjatam laycu.

Deuteronomio 31:29

Nayasti yattwa cunapachatï jiwjjä ucqhajja, jan walt'añanacanwa sarnakapjjani, ucatsti cawquïri ewjjanacajjarutejj arcapjjäta siscta ucatsa sarakapjjaniwa, uqhamaraquiw yatiracta khepa urunacana jumanacjjaru chijinaca jutañapsa, cunatejj Tatituru colerayqui ucanac lurapjjatam laycu.”

Deuteronomio 32:17

Supayanacaruw sacrificio loktapjjaraquïna, jan uñt'at c'ari diosanacaru, machak diosanacaru, ucqha purinitanacaru, cawquïri diosanacarutï awquinacamajj jan yupaychapjjerïqui ucaru.

Deuteronomio 4:28

Ucansti jaken lurat diosanacaruw sirvipjjäta kalata, lawata lurat diosanacaru, jupanacasti janiw uñjapquiti janiraquiw ist'apquisa, mank'apquisa ni samsupquisa.

1 Timoteo 4:1

Kollan Ajayojj khanacwa sasquejja, khepa urunacajj yakhepanacajj iyawsäwitjja cutekjjapjjaniwa, sallkjeri ajayunacar arcasina, uqhamarac ñankhanacat jutir yatichäwinacaru arcasina.

Apocalipsis 15:1

Ucatsti alajjpachanjj yakha jach'a unañchäwiraqui uñjta, ucasti wali muspharcañänwa. Pakallko angelanacaw uñstanïna pakallko khepa t'akhesïwimpi, uca t'akhesïwinacampisti Diosan colerasiñapajj tucusjjänwa.

Apocalipsis 16:8

Pusïri angelasti copapjja intjjaruraquiw warjjatäna, ucatsti intejj ch'amanïnwa take jakenacar naqhantañataqui.

Apocalipsis 9:19

Uca caballonacasti lacampiru wich'inqhampiru wali ch'amanïpjjänwa. Wich'inqhanacapasti catarinacar uñtatänwa, p'eken cuna, ucampiraquiw jakenacarojj t'akhesiyapjjäna.

Apocalipsis 9:21

Janiraquiw arrepientisipcänsa jake jiwayapjjatanacapatjja, laykasitanacapatsa, wachoka juchan sarnakatanacapatsa, ni lunthatasipjjatapatsa.