Apocalipsis 6:12 - Qullan Arunaca

¹² Cunapachatejj Corderojj sojjtïri sello ch'iyjqui ucqhajja, uñjaractwa mä jach'a orak qhathati. Intisti luto isjamawa ch'iyart'awayjjäna, phajjsisa wilaraquiw tucuwayjjäna.

Aymar Bibliia 1986

¹² Cunapachatejj Corderojj sojjtïri sello ch'iyjqui ucqhajja, uñjaractwa mä jach'a orak qhathati. Intisti luto isjamawa ch'iyart'awayjjäna, phajjsisa wilaraquiw tucuwayjjäna.

Qullan Arunaka DC

¹² Corderox suxtïr sello ch'iyaqkän ukkhasti, mä jach'a uraq khathati uñjarakta. Intix ch'amakt'awayxänwa, phaxsisti wilaruw tukuwayxäna.

Apocalipsis 6:12 Jak'a apnaqawi uñst'ayäwi

Isaías 24:23

Cunapachatejj take ch'amani Tatitojj reyjama take cunsa lurcan ucqhajj Sión kollunsa, Jerusalén marcansa, ucapachasti intis phajjsis ch'amact'aniwa, marcapanquir jilïrinacasti Tatitun jach'a cancañapwa uñjapjjaraquini.

Isaías 34:4

Alajjpachan warawaranacas t'unthaptaniwa, alajjpachasti mä papeläcaspas uqhamaw llawthaptawayani, take warawaranacas jiwarjjapjjaniwa cunjämtejj uva alitsa, higo alitsa laphinacapajj wañsusin willirtquejj uqhama.

Isaías 50:3

Nayaw alajjpacharojj lutot isthapiyta, llaquisiñ isimpiw isthapiyaracta.”

Joel 2:10

Aca orakesti jupanac uñjasajj qhathatiraquiwa, alajjpachas ajjsarañatsa qhathatiraquiwa, intis, phajjsis ch'amact'iwa, warawaranacas janiraquiw sum c'ajcjjeti.

Joel 3:15

intis, phajjsis ch'amact'iwa, uqhamarac warawaranacas janiw c'ajcjjeti.

Amós 1:1

Aca arunacsti Amós chachaw catokäna, jupasti oveja awatirïnwa Tecoa marcanquiriraqui, uca arunacsti Diosatwa catokäna Israel marcjjata, orak qhathati pasañapataqui janïr pä maräquipana, uca urunacansti Judá marcanjja Uziasaw reyïscäna, Israel marcansti Joasan Jeroboam yokaparaquiw reyiscaraquïna.

Amós 8:9

Dios Tatitojja siwa: “Uca urunjja intisa chica ururuw ch'amact'anejja, urojj sum khancasaw orakjj ch'amactayäjja.

Zacarías 14:5

Jumanacasti uca pä kollu taypin valle kheparcanejja ucanjama jaltjjapjjaraquïta, ucasti puriniwa maysäjjanquiri Azal orakcama. Jumanacasti jaltjjapjjätawa cunjämatejj nayra awquinacamajj Uzías rey Judá marca apnakcän ucqhajj orake qhatati sartipanjja jaltjjapjjänjja uqhama. Tatitu Diosajjasti takpacha cheka jakenacampiw jutani.

Mateo 11:21

“¡Llaccañätaw jumajj, Corazín marca! ¡Camachcaquït jumajj, Betsaida marca! Tirompina Sidonampintejj take aca milagronacajj lurasispäna ucajja, ucspachaw jupanacajj take jan wali luräwinacapat arrepientisisinjja nayan ucar jutjjapjjasapäna, llaquisiñ luto isinacamp isthapita.

Mateo 24:29

“Uqham llaquisiñ urunac pasjjepanwa intejj ch'amact'jjani, phajjsisa janiraquiw khantcjjaniti, warawaranacasti alajjpachat willirtaniraquiniwa, alajjpachanquir ch'amanacasa ucürojj qhathatiniwa.

Mateo 24:7

Mä jach'a marcajj yakha jach'a marca contraw nuwasini, mä marcasti yakha marca contraraquiw sartani, ucapachaw mank'at pist'añajj utjani, usuñanacasa, orak qhatatinacas walja chekanacana.

Mateo 27:45

Ucapachaw take orakpachajj ch'amact'äna, chica urut kalltasina quimsa horascama.

Mateo 27:54

Ucanccän uca capitanasti mayninacampejja, orak qhathatimpi, uqhamarac yakhanacampi uñjasinjja wal ajjsarapjjäna, ucat sapjjaraquïna: “Chekpachapuniw aca jakejj Diosan Yokapäpacha” sasa.

Mateo 28:2

Ucatsti acatjamatwa orak qhathatejj sartäna, alajjpachata mä angelan sarakanitap laycu. Sepulturar jac'achasisinjja uca jach'a kaljja apakänwa, ucatsti uca patjjaruraquiw kont'asïna.

Marcos 15:33

Chica ururusti acapachajj ch'amact'änwa quimsa horascama.

Apocalipsis 11:13

Uca horasasti uca marcanjja mä jach'a orak qhathatiw utjäna. Uca marcata tunquïri partesti chhaktänwa, pakallko waranka jakenacaraquiw uca orake qhathatimpejj jiwarapjjäna. Chicat jakesti ajjsarañatsa alajjpachanquir Diosaruw yupaychapjjäna.

Apocalipsis 16:18

Ucatsti utjaraquïnwa llijullijunaca, khejjokhejjonaca, ojjoñanaca, mä jach'a orak qhathatiw orakjja qhathatiyaraquïna. Uca orak qhathatjamajj janipuniw cunapachas utjcänti cuna horasattï jakejj oraken utjqui ucqhatpachajja.

Apocalipsis 16:8

Pusïri angelasti copapjja intjjaruraquiw warjjatäna, ucatsti intejj ch'amanïnwa take jakenacar naqhantañataqui.

Apocalipsis 8:12

Ucjjarusti pusïri angelaraquiw trompetap phust'asïna, ucatsti intejja quimsïri partewa t'unjatäjjäna, uqhamarac phajjsisa, warawaranacasa. Uqhama quimsïri parte intis phajjsis t'unjatäjjatapatsti, quimsïri partewa jan khanajj khant'cjjänti, ni urus ni arumasa.

Apocalipsis 8:5

Ucatsti angelajj incensario catusinjja, altarancquis uca nina sanc'anacampiw phokhantäna, ucatsti aca orakeruw ucjja wartanjjäna. Aca orakensti khejjokhejjonaca, ojjoñanaca, llijullijunaca, mä orak qhathati cunaw utjaraquïna.