Apocalipsis 6:12 - Qullan Arunaka DC

¹² Corderox suxtïr sello ch'iyaqkän ukkhasti, mä jach'a uraq khathati uñjarakta. Intix ch'amakt'awayxänwa, phaxsisti wilaruw tukuwayxäna.

Aymar Bibliia 1986

¹² Cunapachatejj Corderojj sojjtïri sello ch'iyjqui ucqhajja, uñjaractwa mä jach'a orak qhathati. Intisti luto isjamawa ch'iyart'awayjjäna, phajjsisa wilaraquiw tucuwayjjäna.

Qullan Arunaca

¹² Cunapachatejj Corderojj sojjtïri sello ch'iyjqui ucqhajja, uñjaractwa mä jach'a orak qhathati. Intisti luto isjamawa ch'iyart'awayjjäna, phajjsisa wilaraquiw tucuwayjjäna.

Apocalipsis 6:12 Jak'a apnaqawi uñst'ayäwi

Isaías 24:23

Kunapachatix taqi ch'aman Tatitux reyjama taqi kunsa lurkan ukkhaxa, Sión qullunsa, Jerusalén markansa, intis phaxsis ch'amakt'aniwa, markapankir jilïrinakasti, Tatitun qhapaq kankañap uñjapxani.

Isaías 34:4

Alaxpachankir warawaranakax t'unthaptaniwa, alaxpachasti mä papeläkaspas ukhamaw llawthaptani, taqi warawaranakas janiw qhankxaniti, kunjämtix uva alina, higo alin laphinakapax wañsusin willirtki ukhama.

Isaías 50:3

Nayaw alaxpacharus ch'amakt'ayta, llakisiñ isimpjamaw isthapiyta.”

Joel 2:10

Aka uraqisti jupanak uñjasax khathatiwa, alaxpachas axsarañat chhijthaptiwa, intisa, phaxsis ch'amakt'xiwa, warawaranakas janirakiw sum k'ajtkxiti.

Joel 3:15

15 (15) Tatitux purinkani uka uruxa, intisa, phaxsis ch'amakt'aniwa, warawaranakas janiw k'ajtkxaniti.

Amós 1:1

Amós Profetax Judá uraqin, Tecoa sat mä jisk'a markankirïnwa, jupasti ovej awatirïnwa, ukhamaruw Tatitux jupan yatiyäwi arunakap Israel markar parlir sarañapatak jawsäna, Tatitusti uka arunakxa pä mara janïr uraqi khathati purinkipan parläna, uka pachasti Judá markanxa Oziasaw reyïskäna, Israel markansti Jeroboam sat Joás chachan yuqapaw reyïskarakïna.

Amós 8:9

Tatitux siwa: “Uka urunsti, chika uruw intirux ch'amakt'ayä, qhanaskir urunpach uraqir ch'amakt'ayä.

Zacarías 14:5

jumanakasti uka pä qullu taypin utjkani uka qhirwanjam jaltxapxäta, uka qhirwasti maysäxankir Asal uraqkamaw purini. Jumanakax jaltxapxätawa kunjämatix Ozías reyin Judá marka apnaqäwipan nayra awkinakamax, uraqi khathati sartipan jaltxapxänxa ukhama. Tatitu Diosaxasti taqpach aski jaqinakapampiw jutani.

Mateo 11:21

“¡Corazín marka, jumax llakkañätawa! ¡Betsaida marka, jumax kamachkakïta! Tiro markampina, Sidón markampintix taqi aka muspharkañanakax lurasisapän ukaxa, ukspachaw jupanakax llakisiñ isinakampi isthapita, Diosar kutikipstapxasapäna.

Mateo 24:29

“Uka llakisiñ urunak tukusxipansti, intix ch'amakt'xaniwa, phaxsis janiw qhantkxaniti, warawaranakax alaxpachat willirtaniniwa, alaxpachankir ch'amanakas ukürux khathatxaniwa.

Mateo 24:7

Mä jach'a markax yaqha jach'a markampiw nuwasini, mä markasti yaqha markampiw ch'axwani, ukapachaw manq'at pist'añanaka, kunayman usunaka, uraq khathatinakax taqi chiqan utjani.

Mateo 27:45

Ukapachasti chikürut chika jayp'ukamaw taqpach uraqix ch'amakt'äna.

Mateo 27:54

Jesusar uñjir capitanampi, soldadonakampisti, uraq khathatimpi, taqi kunatix luraskäna ukanakampi uñjasax, axsarañat sapxäna: —¡Aka jaqix chiqpachapuniw Diosan Yuqapätayna! —sasa.

Mateo 28:2

Ukatsti akatjamat uraq khathatix sartäna. Tatitun angelapaw alaxpachat saraqanitayna, amay imäwir jak'achasisin uka jach'a qala atiqäna, ukatsti uka patxaruw qunt'asïna.

Marcos 15:33

Chika ururusti akapachax niya chika jayp'ukamaw ch'amakt'äna.

Apocalipsis 11:13

Ukapachaw mä jach'a uraq khathatix sartäna, uka uraq khathatisti markan mä qawqha chiqanakap t'unthapïna, paqallqu waranqa jaqinakarakiw uka uraqi khathatimpix jiwaräna. Qhiparirinakasti, axsarañatsa alaxpachankir Diosaruw yupaychapxäna.

Apocalipsis 16:18

Ukatsti lliju llijunakampi, qhixu qhixunakampi, uxuñanakampi, jach'a uraqi khathatinakampiw utjäna, ukar uñtatax janipuniw kunapachas jaqinakan utjatapatpach uñjaskänti.

Apocalipsis 16:8

Pusïr angelasti intxaruw qirup warxatäna, ukatsti intix munañanïñ kankañ katuqäna, taqi jaqinakar nakhantañataki.

Apocalipsis 8:12

Ukxarusti pusïr angelarakiw trompetap phust'äna, ukatsti intimpi, phaxsimpi, warawaranakampix niya chikatan chikatapaw t'unjat uñjasïna, janiw qhant'kxänti. Ukat intix urun niya chikatan chikatap jan qhant'känti, phaxsimpi, warawaranakampisti niya chikatan chikatapaw aruman jan k'ajapkänti.

Apocalipsis 8:5

Ukatsti angelax incienso q'apichañ katusinxa, altarankir nina sank'anakampiw ukar phuqhantäna, ukatsti aka uraqiruw uk wartanxäna; ukapachasti taqi chiqanakan qhixu qhixunakampi, uxuñanakampi, lliju llijunakampi, uraq khathatimpiw utjarakïna.