Apocalipsis 16:7 - Qullan Arunaca

⁷ Ucatsti mayniraquiw altarat art'asinïna aqham sasa: “Jïsa Dios Tata, juman taripatamajj chekapapuniwa jakenacataquejja” sasa.

Aymar Bibliia 1986

⁷ Ucatsti mayniraquiw altarat art'asinïna aqham sasa: “Jïsa Dios Tata, juman taripatamajj chekapapuniwa jakenacataquejja” sasa.

Qullan Arunaka DC

⁷ Ukatsti maynirakiw altarat art'asinïna akham sasa: “Jïsa, taqi ch'aman Dios Tatay, juman taripatamax chiqapapuniwa, askirakiwa” sasa.

Apocalipsis 16:7 Jak'a apnaqawi uñst'ayäwi

Isaías 6:6

Ucapachawa uca mayni ninjam c'ajquir angelajj nayan ucar jalani. Mä tenazampiraquiw apjjäsiscäna altarat aptanit mä nina sanc'a,

Ezequiel 10:2

Lino isimpi isthapitäcän uca jakerusti Tatitojj saraquïnwa: “Uca carronacan ruedanacapa mankharu mantam, uca angelanacan chhekhapawjjaru; ucatsti mä juc'a nina sanc'anaca aptaraquim, cawquïri ninatejj uca angelanac taypin nacqui ucata, ucatsti uca nina sanc'anacjja marcjjaru willitataraquim” sasa. Ucatsti uñjaractwa cunjämsa uca jakejj mantäna uca.

Ezequiel 10:7

Uca angelanacan chhekhanacapa mankhansti mä jake amparäcaspas uqhamwa uñjaracta. Uca amparanacat maynïristi cuna ninatejj uca taypinccäna uca nina sanc'anacat mä juc'a aptanisinsti, cawquïri jaketejj lino isimpi isthapitäcän uca jaken amparapjjaruw uchäna, ucat uca jakesti uca nina apt'ataw sarjjäna.

Apocalipsis 1:8

“Nayätwa kalltasa tucuyasa, A, Z letranacjama”, siw jach'a ch'amani Tatitojja, uca Diosasti utjascapunïnwa, utjascaquiwa, jichhas utjascaquiniwa.

Apocalipsis 13:10

“Qhitinacatejj preso catuntat apatäpcani ucanacaw apatäpjjani. Espadampi jiwarayatäñapäquis ucanacajj espadan jiwayataraquiw jiwarayatäpjjani.” Take acanacanwa Diosan marcapan ch'amanïtapasa iyawsañanïtapasa yatisini.

Apocalipsis 14:10

Diosat jutcani uca jach'a mutüwi catokani, Diosan uca colerasiñapasti waquichatawa; asufrempi ninampi t'akhesiyatäpjjaniwa, Diosan angelanacapana, uqhamarac Corderon nayrakatapan t'akhesiyatäpjjaniwa.

Apocalipsis 14:18

Altaratsti yakha angelaraquiw mistuni. Uca angelasti ninjjaru munañanïnwa, ucatsti uca hoz ayt'atäcänsa uca angelaruw jach'at art'i aqham sasa: “¡Uca ari yawiñ hosimampi apthapim uva achunaca, uvasti pokoratäjjewa!” sasa.

Apocalipsis 19:2

Jupasti chekaparuw marcanacarojj tariparaqui. Acapachan wachoka juchan sarnaker k'añu warmirusti juchañcharaquiwa. Uca warmisti jucha lurañanacapampejj take jakenacaruw jan waliru apascäna. Diosan wawanacapar jiwarayatapatsa Tatitojj juparojj juchañcharaquiwa” sasa.

Apocalipsis 6:9

Cunapachatejj Corderojj pheskëri sello ch'iyjcän ucqhasti, altar mankhansti, qhitinacatejj Tatit laycu, uqhamarac arunacap laycu jiwarapcänsa ucanacan almanacapwa uñjta.