Apocalipsis 16:7 - Qullan Arunaka DC

⁷ Ukatsti maynirakiw altarat art'asinïna akham sasa: “Jïsa, taqi ch'aman Dios Tatay, juman taripatamax chiqapapuniwa, askirakiwa” sasa.

Aymar Bibliia 1986

⁷ Ucatsti mayniraquiw altarat art'asinïna aqham sasa: “Jïsa Dios Tata, juman taripatamajj chekapapuniwa jakenacataquejja” sasa.

Qullan Arunaca

⁷ Ucatsti mayniraquiw altarat art'asinïna aqham sasa: “Jïsa Dios Tata, juman taripatamajj chekapapuniwa jakenacataquejja” sasa.

Apocalipsis 16:7 Jak'a apnaqawi uñst'ayäwi

Isaías 6:6

Ukapachaw ninjam k'ajkir serafinanakat maynix nayan ukar jalanïna. Altarat aptanit mä nina sank'a tenazanakar achxaruyat apxäsiskäna,

Ezequiel 10:2

Tatitusti lino isimpi isthapit jaqirux sarakïnwa: “Chhiqhaninakan kayüxapan utjki, uka carron jach'a muyuri muruq'unak taypir mantam; ukatsti mä juk'a nina sank'anak aptanim, uka chhiqhaninak taypin nakhaski ukata, ukatsti uka nina sank'anak markpachar willitatarakim” sasa. Ukatsti kunjämsa uka jaqix uka taypiru mantäna uk uñjarakta.

Ezequiel 10:7

Uka querubines sat chhiqhap manqhansti mä jaqin amparapäkaspas ukhamaw uñstäna. Maynïr angelasti ampar luqtasin mä juk'a nina sank'a aptäna, ukatsti lino isimpi isthapita jaqin amparapxaruw uchäna, ukat uka jaqix uka nina sank'a apt'asitaw sarxäna.

Apocalipsis 1:8

Tatitux siwa: “Nayätwa qalltasa tukuyasa, khitïkitix uka, khitïkäntix uka, khititix jutkani uka; jupasti Taqi Munañaniwa.

Apocalipsis 13:10

“Katuntat apatäñapäki ukanakax, katuntat apatäpxaniwa; espadampi jiwayatäñapäki ukanakax, espadampi jiwarayatäpxaniwa.” Taqi akanakan yatisini, Diosan qullan markapan ch'amanïtapasa, iyawsañanïtapasa.

Apocalipsis 14:10

Diosat jutkani uka jach'a mutuyäwi katuqani, q'apisiñapasti wakichatawa; azufrempi ninampi t'aqhisiyataw uñjasini, qullan angelanakampi, Corderompiw mutupxatap uñjapxani.

Apocalipsis 14:18

Yaqha angelasti altarat mistunirakïna. Uka angelasti ninar apnaqañatak munañanïnwa, ukatsti ari yawiñ ayt'atäkänsa uka angelaruw jach'at art'äna: “¡Uka ari yawiñamampi yawirañ qalltam! ¡Uraqin utjir uva yapunakat uva achunak apthapim, uvasti puquratäxiwa!” sasa.

Apocalipsis 19:2

jupax chiqapar uñjasaw markanakar taripi; jach'a q'añusirirusti juchañchiwa, uka q'añusitapampiw taqi jaqinakar jan walir apaskäna; Diosan luqtirinakapar jiwarayatapat juchañcharaki” sasa.

Apocalipsis 6:9

Corderox phisqïr sello ch'iyaqkän ukkhasti, altar manqhan uñjta, khitinakatix Tatitun arunakap parlapxatap layku jiwarayat uñjasipkatayna ukanakaru.