Apocalipsis 15:1 - Qullan Arunaca

¹ Ucatsti alajjpachanjj yakha jach'a unañchäwiraqui uñjta, ucasti wali muspharcañänwa. Pakallko angelanacaw uñstanïna pakallko khepa t'akhesïwimpi, uca t'akhesïwinacampisti Diosan colerasiñapajj tucusjjänwa.

Aymar Bibliia 1986

¹ Ucatsti alajjpachanjj yakha jach'a unañchäwiraqui uñjta, ucasti wali muspharcañänwa. Pakallko angelanacaw uñstanïna pakallko khepa t'akhesïwimpi, uca t'akhesïwinacampisti Diosan colerasiñapajj tucusjjänwa.

Qullan Arunaka DC

¹ Ukatsti alaxpachan yaqha jach'a chimpurak uñjta, ukasti wali muspharkañänwa. Paqallqu angelanakaw paqallqu mutuyäwimpi uñstanïna, ukanakasti qhip qhipa mutuyäwinakawa, ukanakampiw Diosan q'apisiñapax tukusxäna.

Apocalipsis 15:1 Jak'a apnaqawi uñst'ayäwi

Daniel (hebreo) 6:27

Jupaw khespiyirejja, arjjatirisa; alajjpachansa, acapachansa, luratanacapajj muspharcañawa. Leonanacan lacapatsa jupaw Daniel sirviriparojj khespiyaraqui” sasa.

Levítico 26:21

“Jumanacatejj naya contra sayt'asaquipuni sarnakasipcäta, uqhamarac jan nayar jaysas sarnakapjjäta ucapachasti, nayajj jumanacarojj pakallko cutimpwa mutuyapjjäma, jucha luratanacamarjama.

Apocalipsis 10:3

Ucatsti mä leonar uñtataraquiw wali jach'at art'asïna. Cunapachatï art'ascäna ucqhajj pakallko khejjokhejjonacaw ist'asiraquïna.

Apocalipsis 11:14

Payïri t'akhesiñajj pasjjewa, quimsïrïqui ucasti jutaraquiniwa.

Apocalipsis 14:10

Diosat jutcani uca jach'a mutüwi catokani, Diosan uca colerasiñapasti waquichatawa; asufrempi ninampi t'akhesiyatäpjjaniwa, Diosan angelanacapana, uqhamarac Corderon nayrakatapan t'akhesiyatäpjjaniwa.

Apocalipsis 14:19

Angelasti hosipampejj take aca orakpachwa yawthapi uvanac apthapisa, ucatsti mä jach'a imañäwjaruw warantjje ch'irwsutäñapataqui. Ucasti Diosan mutuyäwipajj uqhamäniwa sañ muni.

Apocalipsis 16:1

Ucatsti mä jach'a aru ist'aracta santuariot mistuniri, pakallko angelanacarusti aqham saraquïnwa: “Sarapjjam, ucatsti waranucunipjjam orakjjaru cuna mutuyañanacatejj uca pakallko copanacan phukhantatäquis ucanaca, uca mutuyäwinacasti Diosatwa juti” sasa.

Apocalipsis 17:1

Ucatsti uca pakallko angelanacata, cawquïritï pakallko copanïcäna ucanacata mayniw nayan ucar juti, ucat saraquitu: “Jutam, uñacht'ayämaw cawquïr warmitï k'añu lurañanacan sarnakqui, uqhamarac kotanacjjaru kont'atäqui ucan mutuyäwipa.

Apocalipsis 19:15

Lacapatsti mä ari espadaraquiw mistüna marcanacaru ucampi chhojjriñchnokañataqui. Ucatsti wali khoru cancañampiraquiw apnakani, cunjämtï uva uma ch'irwsurejj cayumpi taquis ch'irwsojja uqhama. Diosan colerasiñapsti mä vinöcaspas uqhamwa jakenacarojj umarayani, uca mutuñasti take ch'amani Diosan colerasiñapatwa juti.

Apocalipsis 21:9

Ucatsti mä angelaw juti, uca angelasti pakallko angelat maynïriwa qhitinacatï khepïri pakallko t'akhesïwi copanaca ast'atäpcänsa ucanacata. Uca angelasti saraquituwa: “Jutam, uñacht'ayämawa cawquïritejj Corderon esposapäcani uca” sasa.

Apocalipsis 8:13

Ucat uñtasinsti mä angelaruw uñjta chica alajjpachan jalnakasquiri, wali jach'at aqham sas art'asisa: “¡Ay! ¡Cunaquïcani aca oraken jaquir jakenacatjja, cunapachatï yakha quimsa angelanacajj trompetanacapa phust'asipcani ucapachajja!”

Apocalipsis 8:2

Ucatsti uñjaractwa pakallko angelanacaru Diosan nayrakatapancasquiri. Jupanacarusti pakallko trompetanacaraquiw churatäna.

Apocalipsis 8:6

Ucatsti trompetanaca apt'atäpcän uca pakallko angelanacajj phust'añataquiw waquichasipjjäna.

Apocalipsis 9:20

Qhitinacatejj jan aca t'akhesïwinacampi jiwarapcän uca jakenacajj janiw arrepientisipcänti jan wali luratanacapatjja, uqhamaraquiw cunayman casta ajayunacarus yupaychasipcaquïna, uqhamarac korit, kollket, broncet, kalat, lawat lurat diosanacarus yupaychasipcaquïnwa. Uca diosanacasti janiw uñjquisa, ist'quisa, ni sarnakcaraquisa.