Apocalipsis 14:20 - Qullan Arunaca

²⁰ Uca uvanacasti marca ankäjjan ch'irwsutänwa, cawqhantï imatäcän ucqhatsti wilaw mistuni. Uca wilasti mä kotaw tucuwayi caballonacan lacapar puriñcama, ucatsti wali jach'aruw saratati, quimsa pataca kilometrjama.

Aymar Bibliia 1986

²⁰ Uca uvanacasti marca ankäjjan ch'irwsutänwa, cawqhantï imatäcän ucqhatsti wilaw mistuni. Uca wilasti mä kotaw tucuwayi caballonacan lacapar puriñcama, ucatsti wali jach'aruw saratati, quimsa pataca kilometrjama.

Qullan Arunaka DC

²⁰ Uka uvanakasti marka anqäxan ch'irwsutänwa, uva uchañatsti wilax waljapuniw mistunïna, kimsa metro chikatankam makhatasa, kimsa patak kilómetro ukch'ar llumitatasa.

Apocalipsis 14:20 Jak'a apnaqawi uñst'ayäwi

Génesis 49:11

Qhititejj asnopa uva yapunacan chint'asqui, isipsa vinompi t'ajjsuscaraqui, ¡uvana umapampi!

Isaías 66:24

“Jutapjjaniwa, ucatsti qhitinacatejj nayataqui sayt'asipcän uca jakenacan jiwat janchinacapwa uñjapjjani. Cuna lak'onacatejj uca janchipan mank'qui ucanacasti janiw jiwapcaniti, jupanacar naqhantir ninasti janipuniw jiwarcaraquiniti. ¡Take jakenacataquisti wali ajjtascañaraquïniwa!”

Lamentaciones 1:15

Tatitojj qhitinacatejj nayaru ch'amampi arjjatapquitäna take ucanacarojja jayaruw apanucjje. Nayjjarusti mä ch'amani ejército apayaniraqui, uqhamat nayan jan ajjsariri jakenacajjaru tucjañataqui. Tatitojj Judá marcarojj mä wawa tawakorjamaw tacsu, cunjämatejj uvajj vino ch'irwsuñataquejj tacsutajj uqhama.

Ezequiel 32:6

Oraksa wilamampiw ch'allsuraquëjja, ucasti kollunaccamaw puriraquini, jawiranacasa uca wilampiraquiw phokt'asipjjaraquini.

Joel 3:13

Jupanacasti wali khorunacäpjjewa, k'ellurat trigor uñtat yawthapipjjam, cosech apthapiñasti horasäjjaraquiwa; uvarjam ch'irwsupjjam, vino lurañataquisti waliquëjjaraquiwa.

Deuteronomio 32:14

uywanacamatsti lechempi mantequillampwa churapjjtam, suma liq'i oveja mank'aractajja, Basán orakenquir orko ovejanaca, orko cabritonacampi. Suma trigo achunac mank'apjjaraquïna, uvan umapjja vinjamwa umapjjaraquïna.

Apocalipsis 11:8

Amayanacapasti, cawquintejj Tatitojj ch'accatatäcäna uca jach'a marcan callenacapanwa jiwat jaktatäscani. Uca marcasti mä arunjja Sodoma, uqhamarac Egipto sataraquiwa.