Apocalipsis 1:15 - Qullan Arunaca

¹⁵ Cayunacapasti wali lliphipquirïnwa mä suma llijquiri, uqhamarac hornon ninamp nacsuyata broncer uñtata. Arupasti wali ch'amaniraquïnwa, walja jawiranacas sarcaspa uqhama.

Aymar Bibliia 1986

¹⁵ Cayunacapasti wali lliphipquirïnwa mä suma llijquiri, uqhamarac hornon ninamp nacsuyata broncer uñtata. Arupasti wali ch'amaniraquïnwa, walja jawiranacas sarcaspa uqhama.

Qullan Arunaka DC

¹⁵ Kayunakapasti wali lliphipkirïnwa, hornon parintayata, mä suma llijsuyat broncer uñtata; arupasti wali ch'amanirakïnwa, uma phaxchanakan qhututitapjama.

Apocalipsis 1:15 Jak'a apnaqawi uñst'ayäwi

Salmos 93:4

Tatay, jumasti alajjpachanjja, ch'aman mathapinacat juc'amp ch'amanïtawa, lamar kotanacan ojjenacapat jila ch'amanïtawa.

Isaías 17:13

Ucampisa cunapachatejj Diosajj jupanacar tokenoke uqhajj jayaruw jaltjjapjjani, cunjämtejj thayajj kollunacaru t'unjja apasjjejj uqhama, jan ucajj cunjämtejj tutuca thayajj ch'aphinac apasjjejj uqhama.

Ezequiel 1:24

Cunapachatejj uca pusinejj sarantapjjäna ucapachasti uca chhekhanacapan suenatapjja ist'aractwa, uca suenatapasti mä jach'a jawiran umanacapjamänwa, take ch'amani Diosan arupjamaraquïnwa, mä walja soldadonacan saratapäcaspas uqhamaraquïnwa. Cunapachatejj sayt'apjjäna ucapachasti uca chhekhanacapajj janaktjjapjjaraquïnwa.

Ezequiel 1:7

charanacapasti chekaquiraquïnwa, cayu sillunacapasa vaca kallun sillunacapjamaraquïnwa, ucasti mä suma llijquiri broncëcaspas uqhamaw khanaraquïna.

Ezequiel 40:3

Tatitusti ucaruw irpitu, ucansti mä jakeruw uñjaracta, broncet luratäcaspas uqhama. Puncun sayt'atäscänwa, amparaparusti linot lurat thuru hilo apt'ataraquïnwa, uqhamaraqui mä reglampi cawkhäquitejj uc tupt'añataqui.

Ezequiel 43:2

ucansti uñjaractwa Israelan Diosapan khanapajj inti jalsu toket jutasquiri. Ucampi chicasti mä jach'a ojjoñaw ist'asiraquïna, mä jach'a walja umani jawiran saratapjama, orakesti uca khanampi phokhantataw uñjasiraqui.

Daniel (hebreo) 10:6

Janchipasti topacio sisqui ucar uñtataw khanaraquïna, ajanupasti mä llijullijur uñtataw khantaraquïna, nayranacapasti akquir ninjamaraquïnwa, amparanacapasa, cayunacapasa broncer uñtataw khanaraquïna, parlatapasti walja jakenacan parlatanacapjamaraquïnwa.

Apocalipsis 10:1

Ucatsti mä wali munañani angelaruw alajjpachat sarakasinquir uñjta mä kenayampi muyuntata, p'ekeparusti mä cürmini cuna. Ajanupajj intir uñtataw khanäna, cayunacapasti ninar uñtataraquïnwa.

Apocalipsis 14:2

Ucatsti alajjpachatjja mä jach'a sueniri ist'ta, ucasti walja jawiranacas suencaspa, jan ucajj mä jach'a khejjokhejjos suencaspa uqhama. Walja arpa toquiri jakenacas arpanacap toct'asipcaspas uqhamänwa.

Apocalipsis 19:6

Ucatsti walja jakes arnakascaspa, jan ucajj walja jawiranacana, uqhamarac jach'a khejjokhejjonacan suenapäcaspas uqhäm ist'aracta, aqham siri: “¡Aleluya! Take munañani Dios Tatitusawa jichhajj aca mundor apnakaña kallti.

Apocalipsis 2:18

“Tiatira iglesiancquis uca angelarojj kellkasin apayaraquim aqham sasa: ‘Aqham siw Diosan Yokapajj, qhititï ninjam nayranïquis uqhamarac cayunacapas mä suma lliphipquir broncer uñtatäquis ucajja: