Amós 6:3 - Qullan Arunaca

³ Jumanacajj uca jan wali urutjja janiw amuyt'añ munapctati, ucampisa jumanacpachaw mä jach'a t'akhesiñanaca mayisipctajja.

Aymar Bibliia 1986

³ Jumanacajj uca jan wali urutjja janiw amuyt'añ munapctati, ucampisa jumanacpachaw mä jach'a t'akhesiñanaca mayisipctajja.

Qullan Arunaka DC

³ Jumanakax uka jan wali urutxa janiw amuyt'añ munapktati, jumanakpachaw jach'a t'aqhisiñanak mayisisipktaxa.

Amós 6:3 Jak'a apnaqawi uñst'ayäwi

Salmos 94:20

Ñankha lurir taripirinacasti, ¿jumamp mayachasispati? leyin sutipar jan chekapar uñjirinacasti, ¿jumamp chicäspati?

Eclesiastés 8:11

Jan wali luratanacapata jan jucha uñt'ayatajja, jakenacarojj jan walinaca luraña juc'amp yatichi.

Isaías 47:7

Saractawa: ‘Wiñayataquiw nayajj reinäyäjja’ sasa; janiw take ucanacjjarojj amuyt'asctati, janiraquiw lup'caractati cunjämarus tucuyapjjani ucjja.

Isaías 56:12

Sapjjaraquiwa: “Vinomp, wali umjayasir umañanacamp thakhasir sarapjjañäni ucat machapjjaraquiñäni, kharürusa, jichhürjamaraqui lurapjjañäni, ucat sipansa juc'ampi lurapjjañäni” sasa.

Lamentaciones 4:5

Qhitinacatejj nayrajj sist'asiñcama mank'apjjäna ucanacasti jichhajj callenacan mank'atjamaw jiwarasipqui. Qhitinacatejj nayrajj wali kamiri cancañan jilapjjäna ucanacasti jichhajj wanu taypin jacapjje.

Ezequiel 12:22

“¿Cunsa israelitanacajj sañ munapjje uca säwipampejja: ‘Urunacajj pasjjaquiwa, profetan unañchäwi uñjatanacapasti janiw phokhascaraquiti’ sasajja?

Ezequiel 12:27

“Israelitanacajj parlapjjaraquiwa juman unañchäwi uñjatanacamajj jaya urunacata phokhasirïtapa.

Ezequiel 23:42

Walja jakenacan ojjotanacapaw ist'asiraquïna, fiestsa lurapcaspa uqhama; wasara toket jutiri jakenacaraquïnwa, uca jakenacasti warminacarojj brazaletenaca uchasa, uqhamaraqui p'ekenacaparusa suma coronanac uchasawa c'achachapjjäna.

Amós 3:10

Aqham siw Tatitojja: “Janiw cheka lurañjja yatipquiti, palacionacaparusti ch'amamp lunthatat yänacaqui imapjjejja.”

Amós 3:9

Asdod marcan palacionacapana, uqhamarac Egipton palacionacapansa yatiyapjjam, “Samaria oraken kollunacapar jutapjjam, ucatsti uñjapjjam cuna jan walt'añanacampi, cuna t'akhesiyañanacampitejj ucan utjqui ucanaca.”

Amós 5:12

Nayajj yattwa walja ñankha lurapjjatanacama, uqhamarac jach'a juchanacamsa; asqui jakerojj t'akhesiyapjjtawa, kollke catokasina, quejanacansti pobrerojj janiw arjjatapctati.

Amós 5:18

¡Ay cunaquïcani Tatitun urupan puriniñap munapqui ucanacataquejja! ¿Yatipjjtati cunjämäcanitï uca urojj jumanacataqui ucjja? Uca urojj ch'amacäniwa, janiw khanäcaniti.

Amós 6:12

¿Caballonacajj karkanac pataru misttapjjaspati? ¿Kotanjja kholliñajj waquisispati? ¡Ucampis jumanacajj cheka uñjäwjja venenoruw tucuyapjjtajja, uqhamarac asqui luräwin achupsti c'allc'ururaqui!

Amós 9:10

Take jucharar jakenacaw marcajjatjja ari espadampi jiwarayatäpjjanejja; take qhitinacatejj sapqui: ‘Janiw cunas ucajj pasquistaniti, janiraquiw cuna jan walis catjquistaniti’ sasa, ucanacajja.

Miqueas 6:12

Aca marcanquir kamiri jakenacajj takenis jaker t'akhesiyircamaquiwa; c'arinaca, sallkjirinaccamaquïpjjewa takenisa.

Mateo 24:48

Ucampis uca uywatatejja jan wali lurcanejja, ucatsti chuymapan saraquini: ‘Utanejjajj janiw janc'a purincaniti’ sasa,

1 Tesalonicenses 5:3

Cunapachatejj jakejj aqham siscani: “Take cunas sumaquïsquiwa, janiw cunas pascaniti” sasa, ucqhawa acatjamata jupanacjjaru t'unjäwejj jutani, cunjämtejj mä usur warmerojj parto usojj catuntqui uqhama; ucatjja janiw jaltapcaniti.

2 Pedro 3:4

ucatsti jisct'apjjaraquiniwa: “¿Cawquirac Criston ‘Jutäw’ satapasti? Awquinacasas jiwarawayjjewa, take cunas pachpaquïscaraquisä, aca orakes utjquis ucqhatpacha” sasa.

Apocalipsis 18:17

¡Janc'aquiraquis take uca kamir cancañajj tucusjjejjä!” sasa. Take barco apnakeri capitananacasa, marineronacasa, pasajeronacasa, qhitinacatï jach'a kotan irnakapqui ucanacasa, ajjsarañatsa jayjatacwa sayt'anipjjäna.