Amós 6:4 - Qullan Arunaca

⁴ Marfilat c'achachat suma iquiñanacan wincurapjje, suma konuñanacapjjaruw jipirapjjaraqui, ucatsti jach'a mank'äwinacapataquisti ovej kallunacampi, liq'ïri vaca kallunacampi qharsuyasipjjaraqui.

Aymar Bibliia 1986

⁴ Marfilat c'achachat suma iquiñanacan wincurapjje, suma konuñanacapjjaruw jipirapjjaraqui, ucatsti jach'a mank'äwinacapataquisti ovej kallunacampi, liq'ïri vaca kallunacampi qharsuyasipjjaraqui.

Qullan Arunaka DC

⁴ Jumanakax marfilat k'achachat suma ikiñanakan winkurapxtaxa, jach'a manq'äwinakansa suma qunuñanakxaru qunurata; ovej qallunakampi, lik'i vaca qallunakampi kharsuyasin manq'asa;

Amós 6:4 Jak'a apnaqawi uñst'ayäwi

Génesis 37:25

Ucjjarusti mank'asiñataquiw kont'asipjjaraquïna. Uqhamäquipanwa uñjapjjän mä viajero jakenac jutasquiri, ucanacasti ismaelitanacänwa, Galaad toketwa jutasipcaraquïna, camellonacatsti suma k'apquir perfumenaca, bálsamo, mirra ucanaca Egiptor apasipcaraquïna.

Ester (hebreo) 1:6

Palacio patiosti suma c'achachatänwa suma fino jank'o, azula cortinanacampi. Aca cortinanacasti mä linota lurt'at wiscar catuyätänwa, ucajj k'ellu wilänwa, ucsti kollketa lurata anillonacnäma pasayasinsti marmolat lurat columnanacaru acht'ayatänwa. Ucjjarusti uchapjjaraquïnwa korita, kollketa lurat konuñanaca, uqhamarac patio orakejja suma fino c'ajir marmol jank'o, ch'iyara kalanacampi luratänwa.

Salmos 73:7

ñankha lurañamp pokontatäpjjewa, nayranacapajj thokorirjamawa, chuymapasti ñankha amtäwinac phullch'irayi.

Isaías 22:13

Ucampis jichhajj sinti cusisiñaquiw utji, vacanaca, ovejanaca jiwarayaña, aycha mank'aña, vino umañampi ucanacaquiw utji. “Mank'asiñäni, umt'asiñäni, kharürojj jiwcjjchiñanïya” sapjjaractawa.

Isaías 28:1

¡Ay Samaria, Efrainan jach'a jach'a tucuñapa, uqhamaraqui machiri marca; ancuntat pankaranacampi lurat pankar arco, uca suma valle patan utjasiri jakenacapas vinompi atipjata jakenaca!

Jeremías 16:8

“Cawquïri utantejj jach'a mank'añajj utji ucarusti janiraqui mantamti, jupanacampi chica kont'asisin mank'añataquejja.

Ezequiel 16:49

Sodoma cullacamana, jisc'a marcanacapan juchanacapasa acawa: Jupanacajja, mank'añapas phokt'atïpanjja, take cunan phokt'ata jacäwinacapatsti wali jach'a jach'aw tucupjjänjja, ucampisa jupanacajj janipuniw cunapachasa pobrenacarojja, qhitinacatejj pist'ata sarnakapjje ucanacarus qhuyapt'ayapcänti.

Ezequiel 23:41

Mä suma iquiñjjaruw kont'asipjjaraquïna, mank'aña mesas suma waquicht'atpacharaqui, ucaruw incienso uqhamaraqui aceite uchapjjaraquïna cawquïrinacatejj nayaru loktatäcän ucanaca.

Amós 3:12

Aqham siw Tatitojja: “Cunjämatejj awatirejja leonan lacapat pä chhuchhulliqui khespiyejja, jan ucajj mä jinchu puntacsa, uqhamaraquiw Samaria marcan jacapqui uca israelitanacatjja juc'aniqui khespipjjani, qhitinacatï Damasco marcat apanita suma konuñanacan jipipqui ucanacajja.”

Amós 8:3

Uca urojj palacion k'ochutanacasa llaquisiñaquïniwa; waljaniraquiw jiwarapjjani, jiwat janchinacapasti ankaru jaktatäjjaraquiniwa. Tatituw ucjja arsu.

Miqueas 6:12

Aca marcanquir kamiri jakenacajj takenis jaker t'akhesiyircamaquiwa; c'arinaca, sallkjirinaccamaquïpjjewa takenisa.

Lucas 16:19

“Mä kamir jakew utjäna, ucasti wali suma lliphipquir isimpiw isthapisirïna, sapüruraquiw jach'a mank'añanaca waquichirïna, jach'a cancañampi.

Santiago 5:5

Aca orakenjja jumanacajj take phokt'ata cusisiñanwa sarnakapjjtajja, animalanacjamaw pokopjjtajja, jichhasti jumanacar jiwarayañ urojj puriniwa.