Amós 3:9 - Qullan Arunaca

⁹ Asdod marcan palacionacapana, uqhamarac Egipton palacionacapansa yatiyapjjam, “Samaria oraken kollunacapar jutapjjam, ucatsti uñjapjjam cuna jan walt'añanacampi, cuna t'akhesiyañanacampitejj ucan utjqui ucanaca.”

Aymar Bibliia 1986

⁹ Asdod marcan palacionacapana, uqhamarac Egipton palacionacapansa yatiyapjjam, “Samaria oraken kollunacapar jutapjjam, ucatsti uñjapjjam cuna jan walt'añanacampi, cuna t'akhesiyañanacampitejj ucan utjqui ucanaca.”

Qullan Arunaka DC

⁹ Asdod markankir reyi utanakapan yatiyapxam, Egipto markankir reyi utanakapan yatiyapxarakim: “Samaria uraqin qullunakapar jutapxam; uka markan utjir jan walt'añanakampi, t'aqhisiyañanakampi uñjapxam.”

Amós 3:9 Jak'a apnaqawi uñst'ayäwi

2 Samuel 1:20

Gat sisqui uca chekansti jan yatiyapjjamti, janiraqui Ascalón callenacansa parlapjjamti, uqhamat filisteo warminacajj jan cusisipjjañapataqui, uca jan Diosar uñt'iri warminacajj jan cusisiñat sinc'upjjañapataqui.

Proverbios 1:13

Ucatjja take casta kamir cancañwa jicjjatañäni, ¡utanacassti take lunthatata yänacampiw phokhantaraquiñäni!

Proverbios 11:16

Suma uñnakani warmejj jach'aru aptatäñwa catokani, jan ajjsariri jakesti kamir cancañanacwa jicjjataraqui.

Eclesiastés 4:1

Ucatsti uñjaractwa aca oraken maynir t'akhesiyapqui ucanacsa. Ucatjja uñjaractwa t'akhesiyatanacan jachapjjatapa, ucampis janiw qhiti chuymachiris utjquiti; t'akhesiyirinacapajj ch'amampiw apnakapjje, ucampis janiw t'akhesiyatanacar qhiti chuymachiris utjquiti.

Jeremías 31:5

Samaria kollu tokenacarusti wasitataracwa uva yapuchasjjäta, uva yapunac yapuchasirinacasti, uca achunacatwa mank'asipjjaraquini.

Jeremías 46:14

“Egipton yatiyapjjam, Migdol, Menfis, Tafnes sisqui uca chekanacansa; ¡takenisa, janc'aqui suyt'apjjam! ¡Espadasti juma thiyanacanjja k'alwa tucjasqui!

Jeremías 50:2

“Aca arunac yatiyapjjam, take marcanac taypina. Yatiyäwi unañchanacsti aptapjjaraquim; jan cunsa imt'apjjamti. Sapjjaraquim: ‘¡Babiloniajj catuntatawa, Marduc diosasti alekaquiw qhathatjjaraqui! ¡Yakha diosanacapasa c'ari diosanacapasti laruscaña p'enkaquëjjapjjewa, ajjsarañan phokhantatäjjapjjaraquiwa!’ sasa

Ezequiel 36:8

Ucampisa, jumanacajj, Israelanquir kollunaca, jumanacajj walja achunacani jach'a kokanacaniw uñjasipjjaraquïta Israel marcajjataquejja, jupasti niyaw cuttaniñampïsqui.

Ezequiel 37:22

Jupanacarusti aca orakenjja mä sapa marcacwa tucuyjjaraquëjja, Israelan kollunacapana, mä sapa reyiquiraquiw jupanacataquejj utjaraquini. Janipuniw wasitata payaru t'akjtata marcäcjjapjjaniti, janiraquiw payaru jaljtata reinöcjjapjjanisa.

Oseas 7:1

cunapachatejj marcajjar kolljjañ munta, Efrainampiru, Samariampiru ucqhajja, juchapampi jan wali luratanacapampiquiw uñsti. Takenis c'aricamaquiwa; lunthatanacjamaw, utanacarus mantasipcaqui, callenacansa jakenacatjja lluch'susipcaquiwa.

Amós 1:8

Asdod marcan uyuparusa tucjaraquïwa, uqhamaraqui qhititï Ascalón marca apnakqui ucarusa. ¡Take ch'amajjampiw Ecrón marcataquiw sartäjja, jan marcanipuniw filisteonacajj jiwarapjjanejja!” siw Tatitojja.

Amós 4:1

Ist'apjjam aca arunaca, Basananquir kamir warminaca, qhitinacatejj Samaria kollunacan utjapjjta ucanaca, jumanacasti pobrenacarojj jachayapjjtawa, jan cunanirusti t'akhesiyapjjaractawa, chachanacamarusti “vino apanipjjam umañataqui” sapjjaractawa.

Amós 5:11

Janiw kalat lurasipcta uca suma utanacan jacapcätati, janiraquiw uca suma uva yapunac yapuchasipcta ucats vino umapcätati. Pobrenacar taquichasipjjatamata, uqhamarac trigotsa impuesto apsupjjatamampitjja.

Amós 6:1

¡Ay, cunjaquïcani Sión marcan samarata jaquirinacataquejja! ¡Cunaquïcani Samaria kolluru confiata jaquirinacataquejja, marcanacan jach'a jilïrinacaparu qhitinacarutejj israelitanacajj sart'apqui ucanacaru!

Amós 6:3

Jumanacajj uca jan wali urutjja janiw amuyt'añ munapctati, ucampisa jumanacpachaw mä jach'a t'akhesiñanaca mayisipctajja.

Amós 8:6

¡Pobrenacarojj aynacht'ayapuniñäni jupanacpacha jiwasaru esclavot catuyasiñapcama manunacap phokhañataqui, mä paris wisqhuquisay manüscpan ucasa! ¡Trigo achunacsti jipimppachwa aljasiñäni!”

Miqueas 6:10

Ñankha jaken utapanjja lunthatat yänacampi, uqhamarac cuntejj nayajj uñiscta uca c'ari pesanacampiquiw utji.

1 Samuel 5:1

Diosan arcapa catuntasinjja, filisteonacajj Eben-ezer chekatjja Asdod sat uca chekaruw apjjapjjäna.