Amós 3:9 - Qullan Arunaka DC

⁹ Asdod markankir reyi utanakapan yatiyapxam, Egipto markankir reyi utanakapan yatiyapxarakim: “Samaria uraqin qullunakapar jutapxam; uka markan utjir jan walt'añanakampi, t'aqhisiyañanakampi uñjapxam.”

Aymar Bibliia 1986

⁹ Asdod marcan palacionacapana, uqhamarac Egipton palacionacapansa yatiyapjjam, “Samaria oraken kollunacapar jutapjjam, ucatsti uñjapjjam cuna jan walt'añanacampi, cuna t'akhesiyañanacampitejj ucan utjqui ucanaca.”

Qullan Arunaca

⁹ Asdod marcan palacionacapana, uqhamarac Egipton palacionacapansa yatiyapjjam, “Samaria oraken kollunacapar jutapjjam, ucatsti uñjapjjam cuna jan walt'añanacampi, cuna t'akhesiyañanacampitejj ucan utjqui ucanaca.”

Amós 3:9 Jak'a apnaqawi uñst'ayäwi

2 Samuel 1:20

Gat chiqan jan khitirus yatiyapxamti, janirak Ascalón marka thakhinakansa parlapxamti, filistea warminakan jan kusisipxañapataki, Tatitur jan uñt'ir warminakan kusisiñat jan sink'usipkañapataki.

Proverbios 1:13

Kunayman qamir yänak jikxatañäni, ¡lunthatat yänakampiw utasar phuqhantañäni!

Proverbios 11:16

Khuyapayasir warmix jach'ar aptatäñ katuqi, jan axsarir jaqisti qamir yänak jikxataraki.

Eclesiastés 4:1

Ukatsti aka uraqin kunjämtix t'aqhisiyapki ukanak uñjta. Ukat t'aqhisiyatanakan jachatanakap uñjarakta, ukampis janiw khiti chuymacht'iripas utjkiti; t'aqhisiyirinakapax ch'amampiw apnaqapxi, ukampis janiw jupanakar khiti chuymachirix utjkiti.

Jeremías 31:5

Samaria qullu tuqinakarusti wasitat uva alinak ayruntäta, uva yapunak yapuchasirinakasti, uka achunakat manq'asipxarakini.

Jeremías 46:14

“Akasti Egipton yatiyatäñapawa, Migdol, Menfis, Tafnes uka markanakan yatiyatäñapawa: ¡Soldadonaka, nuwantasiñatak wakicht'asipxam! ¡T'unjirimax niyaw jutantaski!

Jeremías 50:2

“Taqi markanak taypin aka arunak yatiyapxam. Yatiyäwi unañchanaksti uñstayapxam; jan kunsa imt'apxamti. Sapxarakim: ‘¡Babiloniax katuntatawa! ¡Bel diosax q'ala p'inqachjatawa, Marduc diosasti aliqakiw khathatxi! ¡Uka k'ari diosanakapasti laruskañ p'inqakïxapxiwa!’ sasa

Ezequiel 36:8

Ukampis, jumanakax israelitanaka, markamaru walja achunak churiri jach'a quqanakampi phuqhantata uñjapxäta, jumanakax niya kuttaniñampïsipktawa.

Ezequiel 37:22

Jupanakarusti aka uraqinsa, Israelan qullunakapansa mä sapa markarukiw tukuyxä, mä sapa reyinikïpxaniwa. Janipuniw wasitat payar t'aqjtat markäkxapxaniti.

Oseas 7:1

Nayax markaxaruw qhispiyañ munta, ukampis jupanakax walja juchanak lurapxi. Taqinis k'arikamakiwa; utanakar mantasin lunthatsupxi, marka thakhinakan jaqinakat lluch'supxi.

Amós 1:8

Asdod markan utjasirinakarux tukjäwa, Ascalón marka apnaqirirus q'al tukjrakï. ¡Taqi ch'amaxampiw Ecrón markatakix sartä, jan mayanipuniw filisteonakax jiwarapxani! Ukham siw Tatituxa.”

Amós 4:1

Samariankir qamir warminaka, aka arunak ist'apxam, jumanakax wajchanakaruw jachayapxtaxa, jan kunaniruw t'aqhisiyapxtaxa, chachanakamarusti, machañatak vino mayipxtaxa.

Amós 5:11

Janiw qalat lurasipkta uka suma utanakan jakapkätati, janirakiw uka suma uva yapunak yapuchasipkta ukatsa vino umapkätati, wajchanakar jisk'achapxatamata, trigotsa impuestonak apsupxatamata.

Amós 6:1

“¡Ay kunakïkan Jerusalén markan samarat jakirinakatakixa! ¡Ay kunakïkan Samaria markar katuyasit jakirinakatakixa, wali aytat markan jach'a jilïrinakaparu khitinakarutix israelitanakax yanap mayipki ukanakataki!

Amós 6:3

Jumanakax uka jan wali urutxa janiw amuyt'añ munapktati, jumanakpachaw jach'a t'aqhisiñanak mayisisipktaxa.

Amós 8:6

¡Jan kunaninakarux aynacht'ayapuniñäni, jupanakpacha jiwasar luqtirit aljasiñapkama, ukhamat manunakap phuqhañataki, mä paris wiskhuksa manüsipkpan ukasa! ¡Trigo achunaksti jipimppach aljañäni!” sasa.

Miqueas 6:10

Israelit jaqinaka, janiw nayatakix askïkiti jan wali jaqinakäpxañamaxa, luratanakamax janipuniw nayatakix askïkiti.

1 Samuel 5:1

Filisteonakax Diosan arcapa katuntasisinxa, Eben-ézer chiqat Asdod chiqaruw apapxäna;