Abdías 1:10 - Qullan Arunaca

¹⁰ “Jichhajj sinti p'enkachjataw uñjasïta, uqhamarac wiñayatac tucjatäyätawa, Jacob jilamaru chhojjriñchjatamata, uqhamarac jupar jiwayatamata.

Aymar Bibliia 1986

¹⁰ “Jichhajj sinti p'enkachjataw uñjasïta, uqhamarac wiñayatac tucjatäyätawa, Jacob jilamaru chhojjriñchjatamata, uqhamarac jupar jiwayatamata.

Qullan Arunaka DC

¹⁰ “Jumasti Edom, sinti p'inqachjataw uñjasïta, wiñayatak tukjataw uñjasirakïta, Jacob jilamar chhuxriñchjatamata, jupar jiwayatamata.

Abdías 1:10 Jak'a apnaqawi uñst'ayäwi

Génesis 27:11

Jacobosti taycaparojj saraquïnwa: —Jilajjan janchipajj wali t'arwararächejjaya, nayasti janiw jupjamäcti.

Génesis 27:41

Ucat ucsarusti Esaojja Jacoborojj uñisïnwa, awquipajj bendición churatapata, saraquïnwa: “Awquejjajj niya jiwjjani, uca khepatsti, Jacob jilajjarojj jiwayäwa” sasaw amtascäna.

2 Crónicas 28:17

Ucampisa Edom orakenquiri jakenacawa mantantanisa Judá marcar atipjasa mä kawkha jakenacar preso apapjjäna.

Salmos 109:29

Nayamp timasirinacajj p'enkamp aynacht'apjjpan. ¡P'enkajj isimpjam jupanacar llawuntpan!

Salmos 132:18

Timanacaparusti p'enk tucuñampiw isthapiyä, juparusti intjam c'ajayä” sasa.

Salmos 137:7

Tatay, Edom orakenquir jakenacan arsutap amtam. Jerusalén marcajj aynacht'cän ucürojj sapjjänwa: “T'unjapjjam, saphitpach tucjapjjam” sasa.

Salmos 69:7

Juma laycuw jisc'achat uñjasta, ajanojjas p'enkamp chhaktatawa.

Salmos 89:45

walja maranac jacañap apaktajja, p'enka tucuñampiw phokhantaractajja.

Proverbios 10:6

Asqui jakjjaruwa Tatitun bendicionanacapajj juti, ucampis ñankha jakerusti jan wali luräwinacawa aynacht'ayi.

Proverbios 17:5

Qhititejj pobre jaketa sawcasqui ucajja, jupan luririp Tatituruw jan wal lurasqui; qhititejj jake masipan aynacht'atapata larusqui ucajja, mutuyataw uñjasini.

Jeremías 12:14

Diosasti aqham siwa cawquïri marcanacatejj Israel marca jac'ancapqui uca ñankha marcanacarojja, cawquïrinacatejj aca orake t'unjapqui ucanacarojja, aca oraksti Diosaw marcaparu mä herenciäcaspas uqhama churaraqui: “Nayaw uca marcanacarojj orakenacapat jiq'inucü, Judá marcarusti jupanac taypitjja apsunjjaraquïwa.

Jeremías 3:25

Jichhajj amuqui p'enkasiñatsa alt'asipjjañäni, mä p'enkan imjjatatjama, jiwasasti wawatpacha jichhacamajja, awquinacasasa juchanacacwa Dios Tatitutaquejj lurtanjja, janiraquiw juparojj jaysctanti.”

Jeremías 49:13

Naya Tatituw juramentompi ucjja arsta. Bosra marcasti wasararu tucuyataw uñjasiraquini, k'ala t'unjataraqui, jakensa uñtcaña jisc'achjata, maldecitaraquiw uñjasini, yakha marcanacasti wiñayataqui t'unjataw uñjasiraquini” sasa.

Jeremías 51:51

Jumanacasti sapjjaractawa: “Cunjämtejj jan wali arunacampi jisc'achapjjestu ucanac ist'asajj p'enkastanwa. P'enkasiñaw ajanunacasa imantaraqui, jaya marcanquiri jakenacaraquiw mantapjje, templon kollanans Kollanapäquis uqhacama.”

Lamentaciones 4:21

¡Edom marca, jichhajj larusim, cusisiraquim; Uz sat oraken apnakeri! ¡Jumarojj t'akhesiña umañajj wact'araquïtamwa, ucatsti k'alala, machjataw uñjasiraquïta!

Lamentaciones 4:22

Sión marca, mutuyatamajj phokhasjjewa; Tatitojj janiw juc'ampi apanucuycjjätamti. Ucampisa Edom marca, jucha luratamatjja mutuyapunïtamwa, juchanacamsa khanaruw apsuraquini.

Ezequiel 35:9

Wiñayataqui wasararuw tucuyaraquïma, janipuniw qhitisa marcanacamanjja jaccjjapjjaniti. Ucapachaw jumanacajj yatipjjäta nayan Tatitütajja.

Ezequiel 7:18

Chhanqha isinacampiw isthapisipjjani uqhamat llaquisitanacap uñacht'ayañataqui, janchinacapas wali qhathatiraquini, p'enkasiñatsa ajanunacapajj wilaru tucusa, uqhamaraqui ñic'utanacapas mururata uqhamaw sarapjjani.

Joel 3:19

Egiptojj k'alaw tucusini, Edom orakesti wasarar tucuyataraquïniwa, Judá marcan utjasir jakenacar nuwapjjatap laycu, uqhamarac marcapansa jan juchan jaker jiwayapjjatapata.

Amós 1:11

Aqham siw Tatitojja: “Edom marcanquir jakenacajj wali ñankhanacpuni lurapjje, ucatsti janiw jan mutuyatäpcaspati, Israelita jilanacaparu jan qhuyapt'ayasisa espada ayt'ata arcnakapjjatap laycu. Jach'a colerasiñapasa, uñisiñapasa jilapataquejj jan tucusquirïnwa.

Miqueas 7:10

Uñisirejjas ucjja uñjaraquiniwa, ucasti p'enkachjataraquïniwa. Jupasti nayarojj saraquitänwa: ‘¿Cawquincaraqui Tatit Diosamasti?’ sasa, ucampis jichhajj juparojj callenquir ñek'er uñtata taquichasita uñjañajja nayataquejj sumäniwa.

Deuteronomio 23:7

“Ucat sipansa janiw jumanacajj edomitas sat jakenacarojj jisc'achapjjätati jupanacajj jumanacan familianacamätap laycu.

Deuteronomio 23:8

Ucatsti wawanacapan wawanacapatjja quimsïri wawäcjje ucanacajj Diosan tantachasïwipan catokatäñjja puedjjaraquiwa.