2 Timoteo 4:10 - Qullan Arunaca

¹⁰ Demas satajj jaytanucuwayjjetuwa, jupasti aca oraken yänacaparuw juc'ampi munäna, ucatwa Tesalónica marcaru sarawayjje. Crescentejj Galaciaruraquiw sarjje. Titosti Dalmacia ucsaruw sarawayjjaraqui.

Aymar Bibliia 1986

¹⁰ Demas satajj jaytanucuwayjjetuwa, jupasti aca oraken yänacaparuw juc'ampi munäna, ucatwa Tesalónica marcaru sarawayjje. Crescentejj Galaciaruraquiw sarjje. Titosti Dalmacia ucsaruw sarawayjjaraqui.

Qullan Arunaka DC

¹⁰ Demasax jaytanukuwayxituwa, jupasti aka uraqin yänakaparuw juk'amp munäna, ukat Tesalónica markar sarawayxi. Crescentex Galacia tuqiruw sarxi. Titosti Dalmacia tuqiruw sarxaraki.

2 Timoteo 4:10 Jak'a apnaqawi uñst'ayäwi

Mateo 12:32

Qhititejj Jaken Yokap contra parlcan ucajja, perdonatäniwa, ucampis qhititejj Kollan Ajayu contra jan walinac parlcanejja, janiw perdonatäcaniti, acapachansa ni qhäpachansa.

Mateo 26:56

Ucampis take acanacajj lurasisquiwa profetanacan arsutanacapajj phokhasiñapataqui —sasa. Ucapachaw Jesusan discipulonacapajj jaytarpayasin jaltjjapjjäna.

Lucas 14:33

Uqhamajja, cawquïritejj jumanacat take cunapsa jan jaytcani ucajja, janiw discipulojjäcaspati.

Lucas 16:13

“Janiw qhiti sirviris pä patronarojj sirvcaspati; maynirojj uñisiniwa, maynirusti munaraquiniwa; jan ucajj maynirojj sum arcchini, maynirusti janirac yäkcchiniti. Janiw sirvipcasmati Diosampiru kollkempirojja.”

Lucas 17:32

Amtasipjjam Lot chachan warmipata.

Hechos 13:13

Pablompi, Bernabeampi uqhamarac Juanampejj Pafos sat puertotjja, Panfiliancquis uca Perge tokeruw barcot sarjjapjjäna. Ucqhansti Juanajj jupanacar jaytjawayasinjja Jerusalenaruw cutt'anjjäna.

Hechos 15:38

Ucampis Pablojj janiw Marcosarojj irpañ muncjjänti, nayra saräwinjj jupanacamp sarcasinjja jupajj Panfiliat cutt'anjjäna, ucatsti janiw jupanacamp chic irnakerejj sarcjjataynati uca laycu.

Hechos 16:6

Kollan Ajayojj jupanacarojj Tatitun arunacapjja janiw Asia marcan parlayañ muncänti. Ucatwa jupanacajj Frigia, uqhamarac Galacia tokenacaru sarjjapjjäna.

Hechos 17:1

Pablomp Silasampisti Anfípolis, uqhamarac Apolonia sat marcanac pasasinjja, Tesalonicaruw puripjjäna. Ucansti judionacan mä sinagogapaw utjäna.

Hechos 17:11

Uca marcanquir judionacasti juc'amp suma chuymanïpjjänwa, Tesalonicanquir judionacat sipansa. Jupanacasti take chuymaw Pablompir Silasampirojj isch'uquipjjäna. Sapüruraquiw Kellkatanacsa yatjjatapjjäna —Uca arunacajj ¿chekapunïpachati janicha? —sasa.

Hechos 17:13

Ucampis Tesalonicanquir judionacajja, Pablon Berean Tatitun arunacap parlataparaquiqui yatisinjja, ucarojj sarapjjaraquiquïnwa. Ucatsti jakenacarojj ucanjj uqhamaraquiw ojjtayapjjäna.

Hechos 18:23

Ucan mä kawkha urunac kamarasinsti, wasitatwa mistuwayi. Ucat iglesiat igleswa tumpawayi, iyawsirinacar ch'amañcht'asa, Galacia tokena, uqhamarac Frigia tokenacansa.

2 Corintios 2:13

Ucampis chuymajjajj wali llaquitänwa Tito jilatasajj jan ucancatap laycu. Ucatwa jupanacatjja: “Sarjjaquï” sas jutjjtjja, ucatsti Macedonia tokenacaruw sarjjaractjja.

2 Corintios 7:6

Ucampis ch'ama thayjtatanacaru ch'amañchir Diosajj Titon purinitapampiw ch'amañchapjjetu.

2 Corintios 8:16

Ucampis Diosajj yuspagaratäpan, cuna llaquisiñatejj nayan jumanacatac utjcän ucracwa Titon chuymaparojj ucharaqui.

2 Corintios 8:23

Inas maynejj Titor jan uñt'cchiti ucat yatiñ munchi ucarojja, sapjjam Titojj nayamp chicätapa uqhamarac nayampi chica irnakataparaqui jumanacar sirviñataqui. Mayni jilatanacata jisct'asipjjani ucqhasti sapjjaraquim: “Iglesianacan qhitanitawa, Cristoruraquiw jach'añchapjje” sasa.

2 Corintios 8:6

Ucatwa nanacajj Titoru achict'apjjta jumanac taypinjja apthapt'añapataqui aca munasiñ ofrendjja, cunjämtï nayrajj apthapt'apcataynajj uqhama.

Gálatas 1:2

Naya, uqhamarac cawquïri jilatanacatejj nayampïqui ucanacamp chicaw aca cartjja apayanïpjjsma Galacia tokenquir iglesianacaru.

Filipenses 2:21

Takenisa jupanacanquiricwa thakapjje, Cristo Jesusataquisti janiw cunsa thakapquiti.

1 Timoteo 6:10

Kollkeru munañajja take jan wali luräwinacan saphipawa; ucatwa mayninacajj juc'ampi munapjjatap laycu iyawsañatjja maysaru saranucupjje, pachpa jacäwinacaparuw t'akhesiñampi yapjjatasipjje.

1 Timoteo 6:17

Aca orakenquir kamirinacarojj sañamawa: “Jan jach'a jach'a tucupjjamti” sasa, janiraqui kamir cancañaparus alcatasipjjpati, ucanacasti tucusiriquiwa. Ucat sipanjja jacquiri Diosaru catuyasipjjpan, qhititejj take cunsa jilarquir churquistu cusisit jacañasataqui ucaru.

2 Timoteo 1:15

Yatiractawa takeniw Asia sat provincianquirinacajj jaytanucjjapjjetu; jupanacat maynïrinacajj acanacawa: Figelo uqhamarac Hermógenes.

2 Timoteo 4:16

Cunapachatejj nayrakat arsuscäyätjja autoridadanacan nayrakatapana ucqhajja, janiw qhitis yanapt'quituti; takeniw jaytanucupjjetu. Ucampis janic Diosajj jupanacar juchañchcpati.

Tito 1:4

Tito, iyawsäwi token wawajja, nayajj jumaruw kellkansma aca carta. Dios Awquisaraquiw bendicïtam, qhuyapt'ayätam, samarañ churaraquïtam, Jesucristo Khespiyiris toke.

Filemón 1:24

Uqhamaraqui nayar yanapquitus uca Marcosampi, Aristarcompi, Demasampi, Lucasampejj aruntanipjjaractamwa.

2 Pedro 2:15

Cheka thaquit sarakapjjatap laycuw chhaktat sarnakapjje. Beoran yokapa, Balaam profetan luratanacaparuw arcapjje, qhititejj jan walinac lurasa, kollke jicjjatañac muncänjja ucaru.