2 Timoteo 4:10 - Qullan Arunaka DC

¹⁰ Demasax jaytanukuwayxituwa, jupasti aka uraqin yänakaparuw juk'amp munäna, ukat Tesalónica markar sarawayxi. Crescentex Galacia tuqiruw sarxi. Titosti Dalmacia tuqiruw sarxaraki.

Aymar Bibliia 1986

¹⁰ Demas satajj jaytanucuwayjjetuwa, jupasti aca oraken yänacaparuw juc'ampi munäna, ucatwa Tesalónica marcaru sarawayjje. Crescentejj Galaciaruraquiw sarjje. Titosti Dalmacia ucsaruw sarawayjjaraqui.

Qullan Arunaca

¹⁰ Demas satajj jaytanucuwayjjetuwa, jupasti aca oraken yänacaparuw juc'ampi munäna, ucatwa Tesalónica marcaru sarawayjje. Crescentejj Galaciaruraquiw sarjje. Titosti Dalmacia ucsaruw sarawayjjaraqui.

2 Timoteo 4:10 Jak'a apnaqawi uñst'ayäwi

Mateo 12:32

Khititix jaqin Yuqapatak jan wal arskani ukarux pampachakiniwa; ukampis khititix Qullan Ajayur ñanqhachañatak jan wal parlkani juparux, akapachansa, khäpachansa janiw pampachatäkaniti.

Mateo 26:56

Ukampis taqi akanakax profetanakan arsutanakap phuqhasiñapatakiw lurasi —sasa. Ukapachaw yatiqirinakax Jesusar sapak jaytawayasin jaltxapxäna.

Lucas 14:33

Ukhamasti, jumanakat khititix taqi kunapsa jan jaytkani ukax, janiw nayan yatiqirixäkaspati.

Lucas 16:13

“Janiw khiti uywatas pä uywirir luqtkaspati; maynirux uñisiniwa, maynirusti munarakiniwa; jan ukax maynirux sum arkani, maynirusti janirakiw yäqkaniti. Janiw Diosaruraki, qullqiruraki luqtapksnati.”

Lucas 17:32

Amtasipxam Lot chachan warmipata.

Hechos 13:13

Pablompi, Bernabeampi, Juanampix, Pafos markat mä barcor mantasin Perge markaruw sarxapxi, Panfilia uraqina. Ukampis Juan Marcosax jupanakar jaytjawayasin Jerusalenaruw kutt'anxäna.

Hechos 15:38

Ukampis Pablox janiw Juan Marcosarux irpañ munkxänti, nayra saräwin jupanakamp sarkasin jupax Panfiliat kuttanxatayna, janiw jupanakamp chik irnaqirix sarkxataynati uka layku.

Hechos 16:6

Pablompi, jupamp chik saririnakampisti Tatitun arunakap Asia suyun parlañ yant'apxäna, ukampis Qullan Ajayuw jupanakar jark'äna. Ukat jupanakax Frigia, Galacia chiqanakar sarxapxäna.

Hechos 17:1

Pablompi Silasampix Anfípolis, Apolonia sat markanak sarakipawayapxäna, ukatsti Tesalónica markaruw puripxäna. Uka markan judionakan sinagogapaw utjäna.

Hechos 17:11

Uka markankir judionakasti Tesalónica markankir judionakat sipan juk'amp suma chuymanïpxänwa. Jupanakax taqi chuymaw suma yatiyäwi arunak isch'ukipxäna. Qillqatanaksa sapürurakiw yatxatapxäna, jupanakar yatichapki uka arunakax chiqati, janicha uk yatiñataki.

Hechos 17:13

Ukampis Tesalónica markankir judionakaxa, Pablon Berea markankatapa, ukan Tatitun arunakap parlataparaki yatisinxa, uka markaruw sarapxarakïna. Ukansti jaqinakarux uxtayañ qalltapxäna.

Hechos 18:23

Pablox Antioquía markan mä qawqha urunakakiw qamarawayi, ukatsti Galacia, Frigia chiqanakan utjir iglesianak mayat mayat tumpawayi, iyawsirinakar ch'amañcht'asa.

2 Corintios 2:13

Ukampis Tito jilataxampi jan jikisitax laykux chuymaxan wali llakitaw jikxatasïyäta. Ukat jupanakampi jikisiwayasin, Macedonia markaruw sarxta.

2 Corintios 7:6

Ukampis ch'ama thayjtatanakar ch'amañchir Diosax, Titon purinitapampiw ch'amañchapxitu;

2 Corintios 8:16

Diosax yuspagaratäpan, kuna llakisiñatix nayan jumanakatak utjkitu ukarak Titon chuymaparux uchi.

2 Corintios 8:23

Titosti nayampi chik sarnaqiriw sañ munapxsma, jupasti jumanakan askimatakiw nayampi chika irnaqi. Maynïr pä jilatanakax iglesianakat khithanitawa, jupanakasti Cristoruw jach'añchapxaraki.

2 Corintios 8:6

Ukat nanakax Titor achikt'apxta, jumanak taypin aka munasiñ yanapt'a apthapiñapataki, jupaw janïr apthapkasax churañ qalltäna.

Filipenses 2:21

Mayninakasti jupanakan yänakapatak llakisisipki, janiw kunatix Jesucristotak askïki uk thaqhapkiti.

1 Timoteo 6:10

Qullqir munañax taqi jan wali luräwinakan saphipawa; ukat mayninakax juk'amp munapxatap laykux iyawsäwit maysar saranukupxi, ukatsti jach'a t'aqhisiñanakaruw puripxi.

1 Timoteo 6:17

Aka uraqinkir qamirinakarux sañamawa: Jan jach'a jach'a tukupxpati, qamir kankañaparus janirak alkatasipxpati, ukanakasti tukusirikiwa. Nayraqatax jakkir Diosar katuyasipxpan, khititix taqi kunsa kusisit jakañasatak jilarkir churkistu ukaru.

2 Timoteo 1:15

Niy yattawa, Asia suyunkirinakax taqpachaniw jaytanukupxitu; Figelo, Hermógenes jilatanakamppachaw sapak jaytapxitu.

2 Timoteo 4:16

Kunapachatix jilïrinakan nayraqatapan arsuskäyät ukkhasti, janiw khitis yanapt'kitänti; taqiniw jaytanukuwayapxitu. Diosax janik uka luratapat juchañchaspati.

Tito 1:4

Tito, iyawsäwi tuqin wawaxa, nayax jumaruw aka qillqat apayansma. Dios Awkisampi, Jesucristo Qhispiyirisampiy jumarux khuyapayasiñapsa, samarañapsa churanpan.

Filemón 1:24

Marcosampi, Aristarcompi, Demasampi, Lucasampix aruntanipxaraktamwa, jupanakasti irnaqäwin yanapirinakaxawa.

2 Pedro 2:15

Chiqpach thakhit saranukupxi, chhaqhañ thakhin sarnaqapxi. Beor chachan Balaam yuqapan lurataparuw arkapxi, khititix ñanqha luras walja qullqi jikxatañ munkäna ukaru,