2 Samuel 3:3 - Qullan Arunaca

³ ucjjarusti Quileab sataraquïnwa, ucasti Carmel token utjiri Nabal jaken ijmapa, Abigail warmin wawaparaquïnwa; ucjjaru, quimsïri wawapasti Absalón sataraquïnwa, Maaca warmin wawapa, uca warmisti Talmai jaken phuchapänwa, jupasti Gesur marcan reyiparaquïnwa.

Aymar Bibliia 1986

³ ucjjarusti Quileab sataraquïnwa, ucasti Carmel token utjiri Nabal jaken ijmapa, Abigail warmin wawaparaquïnwa; ucjjaru, quimsïri wawapasti Absalón sataraquïnwa, Maaca warmin wawapa, uca warmisti Talmai jaken phuchapänwa, jupasti Gesur marcan reyiparaquïnwa.

Qullan Arunaka DC

³ payïr wawapasti Quilab sutinïnwa, Carmel chiqan utjasir Nabal chachan ijmapäkän uka Abigail warmin wawaparakïnwa; kimsïri wawapasti Absalón satänwa, Maacá warmin wawapänwa, uka warmisti Guesur markan reyipa Talmai sat jaqin phuchhapänwa;

2 Samuel 3:3 Jak'a apnaqawi uñst'ayäwi

2 Samuel 13:1

Davidan wawapa, Absalonasti mä suma cullacanïnwa, wali suma uñnakt'ani, Tamar sat sutini. Uqhamïpansti Amnón sat jakejj, cawquïritejj Davidan yokapäcaraquïna ucajja, uca Tamar tawakorojj walpun munapayatayna,

2 Samuel 14:23

Ucatsti Joab chachajj ucspachaw sartasin Gesur marcaru saräna Absalonaru Jerusalén marcaru irptanjjañataqui.

2 Samuel 14:24

Ucampisa reyejj Joab chacharojj utaparu chekaqui sarjjañapataquiraquiw saraquïna, uqhamat jan reyin nayrakatapar uñstañapataqui, uqhamasti Absalonajj utapar chekaquiw sarjjäna, janiraquiw reyirojj uñstcänti.

2 Samuel 14:32

Absalonasti saraquïnwa: —Nayajj jumaruw jawsaysma, reyin ucar naya toket sart'añamataqui, ucatsti juparu sañamataqui: ‘Janiw cunataquis asquïquiti Gesur marcat jutatajjajja, waliquïsapänwa nayan uca pachpa marcaru kheparascañajjajja’ sasa. Nayasti reyiruw uñjañ munta, cuna juchajjas utjchi ucqhasti nayarojj jiwayitpan —sasa.

2 Samuel 15:7

Pusi mara pasjjatatsti Absalonajj reyirojj sänwa: —Nayajj achict'assmawa, jach'a rey, Hebrón chekaru cuntejj Tatituru arscäyätjja uca phokheri sarañajjataqui.

2 Samuel 15:8

Cunapachatejj aca sirvirimajj Gesur marcana, Siria orakena jaccän ucapachasti nayajj Tatiturojj sayätwa: ‘Jumatejj Jerusalén marcaru cuttayjjetäta ucapachajj, nayajj jumarojj yupaychämawa’ sasa, sasaw Absalonajj reyirojj säna.

2 Samuel 18:33

Reyisti chuymapwa ch'alljjtayasïna, ucatsti puncu patanccäna, uca utaru mantasinwa wali jachäna. Sarnakcasasti saraquïnwa: “¡Absalón, wawajja, Absalón wawajja! ¡Nayaw juma lanti jiwañjja muniriscäyäta! ¡Wawajja, Absalón wawajja!” sasaw jachäna.

2 Samuel 2:2

Uqhamasti Davidajj ucaruw pä warmipamp cuna sarjjäna: Ahinoam sat warmimpi, cawquïritejj Jezreel marcanquirïcäna, uqhamaraqui Abigail warmimpi, Carmel tokenquiri Nabal jaken ijmapäcaraquïna ucampi.

1 Reyes 1:6

Awquipasti janipuniwa take jacañapana jupa toke sayt'cänti, ni jisct'irïcänsa: “¿Cunatsa uqham lurtajja?” sasa. Adoniasasti suma uñnakt'anïnwa, jupasti Absalonjjaruw naciraquïna.

1 Reyes 2:15

Adoniasajj sänwa —Jumajj yattawa, reyïñajja nayaruw wact'itäna, uqhamaraquiw take Israel marcpachasa suyascaraquïna nayana reyïñajja. Ucampis reyïñajja jilajjaru churatäjjewa, uqhamjja Tatituwa wact'ayäna jupan reyïñapataqui.

1 Crónicas 3:1

Davidan wawanacapajj Hebrón chekan nacipcäna ucanacasti acanacänwa: jilïrejj Amnón satänwa, jupasti Ahinoam ucan wawapänwa, Jezreel chekanquiriraqui; payïristi Daniel satänwa, jupasti Abigail warmin wawapänwa, Carmel chekanquiriraqui;

1 Crónicas 3:2

quimsïristi Absalón satänwa, jupasti Maaca warmin wawapänwa, Gesur ucanquir reyin Talmai ucan phuchaparaqui; pusïristi Adonías satänwa, jupasti Haguit warmin wawanacapänwa;

Deuteronomio 3:14

(Manasés tribun Jair sutini yokapajj Argob sat orakenacwa catuntasjjäna, Gesur, Maaca orakenacampis korpasqui uca chekacama, ucatsti sutinchänwa Basán orakerojja Havot-jair sasa pachpa sutipampi, cawquïr sutimpitï jichhürunsa uñt'atäsqui uqhama.)

Josué 13:13

Ucampis israelitanacajj janiw Gesur sat marcarojj, uqhamaraqui Maaca sat marcarus jakonucupcänti jan ucasti Israel marca taypinjja jacasipcaquïnwa jichhürcama.

1 Samuel 25:3

Uca jakesti Nabal satänwa. Caleb chachat jutiriraquïnwa. Khoru jan wali jakeraquïnwa. Ucampisa Abigail warmipajja, wali suma uñnact'ani warmïnwa, wali ch'iqhiraqui.

1 Samuel 25:42

Ucanac sasinsti janc'aquiw apthapisiraquïna, ucatsti pheska uywatanacapa irpjjarusisinwa mä asnoru konjjatawayasinjja, Davidan qhitatanacapan khepapatwa sarjjäna. Ucatwa jupampi casarasiraquïna.

1 Samuel 27:8

Davidampi jakenacapampisti mistsupjjänwa, Gesur, Gezer, Amalec uca marcanacaru saqueyjañataqui. Uca marcanquirinacasti Talaim sisqui uca chekata, Shur tokeru sarañana, Egiptompi korpasqui, ucsa tokenwa jacapjjaraquïna.