2 Samuel 21:16 - Qullan Arunaca

¹⁶ ucatsti mä jach'a jakew juparojj jiwayañ munaraquïna, uca jach'a jaken sutipasti Isbi-benob sataraquïnwa. Lanzapasti quimsa tunca jila kilonacaw pesaraquïna, cinturaparusti mä machak espadampi warccatataraquïnwa.

Aymar Bibliia 1986

¹⁶ ucatsti mä jach'a jakew juparojj jiwayañ munaraquïna, uca jach'a jaken sutipasti Isbi-benob sataraquïnwa. Lanzapasti quimsa tunca jila kilonacaw pesaraquïna, cinturaparusti mä machak espadampi warccatataraquïnwa.

Qullan Arunaka DC

¹⁶ ukatsti Isbí-benot sat mä jach'a tansa jaqiw juparux niyapun jiwayäna. Uka jaqin lanzapax kimsa tunka kilot jilänwa, ukhamarus wak'aparux mä machaq espadampi warkkatatänwa.

2 Samuel 21:16 Jak'a apnaqawi uñst'ayäwi

Génesis 14:5

Khepa marasti Quedorlaomer reyejja, uqhamarac jupampïpcän uca reyinacasa Astarot Karnaim, tokeruw sarapjjäna, ucansti refaitanacaruw atipjapjjaraquïna, ucjjarusti Ham sisqui uca chekanjja zuzitanacaruw atipjapjjaraquïna, Save-quiriataim chekansti emitanacaruw atipjapjjaraquïna;

Génesis 6:4

Cunapachatejj Diosan wawanacapajj jakenacan phuchanacapampi wawanïñataqui mayachasjjapjjän ucqhajj wali jach'a jakenacaw orakenjja uñstäna, uca khepatsa uqhamaraqui, jupanacasti wali ch'amani jakenacänwa nuwasiñataquejja, wali aytata jakenacänwa uca nayra tiemponjja.

2 Samuel 21:18

Uca khepatsti Gob sisqui uca chekanjja yakha nuwasiñajj utjaquiraquïnwa, filisteo jakenacampi. Uca nuwasïwinsti, Sibecai sat husatita jakejj Saf sat jakeruw jiwt'ayaraquïna, uca Saf sat jakesti jach'a jakenacan yokaparaquïnwa.

2 Samuel 21:20

Gat sisqui uca chekansti, yakha nuwasïwiw utjaraquïna. Uca chekansti mä jach'a jakew utjäna pä tunca pusini luc'anani, sojjta luc'ana sapa amparana, uqhamaraqui sojjta luc'ana sapa cayuna. Uca jakesti uca jach'a jakenacan yokaparaquïnwa.

2 Samuel 21:22

Uca pusi jach'a jakenacasti Gat sisqui uca chekan utjiri Rifa sat jaken wawanacapänwa, ucampisa jupanacajj Davidan, uqhamarac jilïrinacapan amparaparuw jalt'apjjäna.

2 Samuel 5:18

Ucatsti filisteonacajj sarantasipcaquïnwa, take uca Refaim sisqui uca valle catuntapjjaraquïna.

Números 13:22

Néguev sat chekanjam mantasinjja Hebrón sat chekacamaw puripjjäna. Ucanwa jacapjjäna Ahimán, Sesai, Talmai, Anac chachanacan wawanacapajja. Hebronasti luratänwa pakallko mara nayräjja Egiptonquir Zoán marcat sipansa.

Números 13:28

ucampisa ucan jaquir jakenacajj wali ch'amanïpjjewa, marcanacapasa wali jach'anacawa sumawjana sayt'atäpjjaraquiwa. Ucat sipansa uñjanipjjaractwa Anac sat jach'a jaken wawanacapa.

Deuteronomio 1:28

Jichhasti ¿cawqharurac sarañäni? Jiwasan jilanacasasti sapjjewa wali ch'amani jach'a tansa jakenac utjatapa, uqhamaraqui jach'a perkanacani marcanaca utjatapa, Anac jaken yokanacapas ucancatapa. Take ucanacaw jiwasarojj wal ajjsarayapjjestu’ sasa.

Deuteronomio 2:10

(Aca orakesti nayrajj emitas sat jakenacan jacäwipänwa, jupanacasti jach'a tansa jakenacänwa, waljanïpjjaraquïnwa anaquitas sat jakenacjama.

Deuteronomio 2:11

Ucampis jakenacajj refaitanacaw sapjjänwa, moabitanacajj emitas sasa sutichapcchïn ucasa.

Deuteronomio 2:21

Uca zomzomeo marcasti jach'a marcänwa, jach'a tansa jakenacan cuna, anaquitas sat jakenacjama. Ucampisa Tatituw jupanacarojj t'unjäna, amonitas jakenac toke, ucatsti jupanacaraquiw uca orakenacanjja utjantasipjjäna,

Deuteronomio 3:11

(Og sat reyiquiraquiw refaítas sat jach'a tansa jakenacatjja kheparjjäna. Iquiñapasti hierrot luratänwa; largorojj pusi metro anchorusti pä metroraqui, cunjämatï ucajj jichhacama amonitanacan Rabá sat marcapancasqui.)

Deuteronomio 9:2

uca marcanacan jakenacapasti jach'a tansa jakenacawa, anaquitas sat jakenacjama, jumanacasti yatipjjaractaw aca säwi: ‘¿Qhitis uca anaquita sat jakenacampi nuwasispa?’ sasa.

Josué 11:22

Janiw Israel marcanjja mä anaquita jach'a jakes utjcjjänti, ucampis Gaza, Gat, Asdod marcanaqui utj-jjapjjäna.

Josué 15:14

Caleb chachajj uca chekatjja uca Anac chachan quimsa wawanacaparuw jakonucüna, ucanacasti Sesai, Ahimán, Talmai satäpjjaraquïnwa.

1 Samuel 17:7

Lanzapan tucuyapasti mä telar lawan tucuyapjamänwa, ucan hierro puntapasti sojjta kilow pesaraquïna. Nayrakatapsti yanapiripaw sararaquïna.