2 Samuel 21:16 - Qullan Arunaka DC

¹⁶ ukatsti Isbí-benot sat mä jach'a tansa jaqiw juparux niyapun jiwayäna. Uka jaqin lanzapax kimsa tunka kilot jilänwa, ukhamarus wak'aparux mä machaq espadampi warkkatatänwa.

Aymar Bibliia 1986

¹⁶ ucatsti mä jach'a jakew juparojj jiwayañ munaraquïna, uca jach'a jaken sutipasti Isbi-benob sataraquïnwa. Lanzapasti quimsa tunca jila kilonacaw pesaraquïna, cinturaparusti mä machak espadampi warccatataraquïnwa.

Qullan Arunaca

¹⁶ ucatsti mä jach'a jakew juparojj jiwayañ munaraquïna, uca jach'a jaken sutipasti Isbi-benob sataraquïnwa. Lanzapasti quimsa tunca jila kilonacaw pesaraquïna, cinturaparusti mä machak espadampi warccatataraquïnwa.

2 Samuel 21:16 Jak'a apnaqawi uñst'ayäwi

Génesis 14:5

Qhipa marasti, Quedorlaómer reyimpi, jupampïpkän uka reyinakampix Astarot Carnaim tuqiruw sarapxäna, ukansti refaitanakaru, Ham sat uka chiqan zuzitanakar atipjapxäna; Savé-quiriataim chiqansti emitanakaruw atipjapxarakïna;

Génesis 6:4

Kunapachatix Tatit Diosan wawanakapax jaqinakan phuchhanakapampi wawanïñatak mayachasipxän ukkhaxa, wali jach'a tansa jaqinakaw aka uraqin uñstäna. Jupanakasti nuwasiñatakix wali ch'amani jaqinakänwa, wali aytata jaqinakat nayratpach uñt'atänwa.

2 Samuel 21:18

Uka qhipatsti, Gob chiqan filisteo jaqinakamp nuwasiñax utjarakïnwa. Uka nuwasïwinsti, Sibecai sat husatita jaqix Saf sat mä jach'a tansa jaqiruw jiwt'ayäna.

2 Samuel 21:20

Gat chiqansti, yaqha nuwasïwiw utjarakïna. Uka chiqansti mä jach'a tansa jaqiw utjäna, pä tunka pusin luk'ananïnwa, sapa amparan suxta luk'anani, sapa kayun suxta luk'anani, jach'a tansa jaqinakat saraqirirakïnwa,

2 Samuel 21:22

Uka pusi jach'a tansa jaqinakasti Gat chiqankir Refá sat jaqin wawanakapänwa, jupanakasti taqpachaniw Davidampina, yanapirinakapampin amparapar jalt'asin jiwapxäna.

2 Samuel 5:18

Filisteonakasti sarantasipkakïnwa, ukatsti Refaim sat qhirwa katuntapxäna.

Números 13:22

Négueb wasaranjam mantasin Hebrón chiqakamaw puripxäna. Hebrón markax Soan sat egipcio marka utt'ayaskän ukat paqallq mara nayraw utt'ayasitayna. Uka markan Ahimán, Sesai, Talmai chachanakax jakapxäna, jupanakasti Anac sat jach'a tansa jaqin wawanakapänwa.

Números 13:28

Ukampis ukan jakir jaqinakax wali ch'amaninakawa, markanakasti wali jach'anakawa, suma uyuchrantatarakiwa. Anac sat jach'a tansa jaqin wawanakaparus uñjanipxtwa.

Deuteronomio 1:28

Jichhasti, ¿kawkirurak sarañänisti? Jilanakasax sapxiwa, ukan wali ch'amani jach'a tansa jaqinak utjatapa, ukhamarak jach'a pirqanakan muyuntat markanak utjatapa, Anac jach'a tansa jaqin yuqanakaparus uñjapxataparaki. Taqi ukanakasti ch'am jiwt'ayapxitu’ sasa.

Deuteronomio 2:10

(Uka uraqix nayratpach emita sat jaqinakan jakäwipänwa, jupanakasti jach'a tansa jaqinakänwa, waljanïpxarakïnwa, Anac sat jach'a tansa jaqin wawanakapjam jach'a tansarakïnwa.

Deuteronomio 2:11

Chiqpachansa jaqinakax refaíta jaqinakat uñt'apxäna, moabitanakax emitanaka sasa sutichapkchïn ukasa.

Deuteronomio 2:21

Uka zamzumita markasti walja jaqinakani jach'a markänwa, jaqinakapas jach'a tansanakänwa, Anac sat jach'a tansa jaqin wawanakapjamänwa, ukampis Tatituw jupanakarux amonita jaqinak tuqi t'unjäna, ukatsti amonitanakaw uka uraqinakanxa utjantasipxäna.

Deuteronomio 3:11

(Og sat reyikiw refaíta sat jach'a tansa jaqinakat qhiparxäna. Ikiñapax hierrot luratänwa; sayt'urux pusi metronïnwa iranarusti pä metronïnwa. Uka ikiñasti jichhakamaw amonitanakan Rabá sat markapan utjaski.)

Deuteronomio 9:2

markachirinakapasti jach'a tansa jaqinakawa, Anac sat jach'a tansa jaqin saraqirinakapjama, jumanakasti aka säwi yatxapxtawa: ‘¿Khitirak Anac jach'a tansa jaqin wawanakapar saykataspasti?’ sasa.

Josué 11:22

ukhamïpansti janiw Israel markanxa Anac sat jach'a tansa jaqit saraqir wawapax maynis qhiparkänti. Jan ukasti kawkïrinakatix Gaza, Gat, Asdod uka markanakan jakapkäna ukanakakiw qhiparapxäna.

Josué 15:14

Caleb chachax uka chiqat Anac chachan kimsa wawanakaparuw jaqunuküna, Sesai, Ahimán, Talmai jupanakaru.

1 Samuel 17:7

Lanzapan lawapasti mä telar lawar uñtat jach'änwa, k'achipasti hierrot luratänwa, ukasti suxta kilotsa jilänwa. Jupan nayraqatapsti yanapiripaw saräna.