2 Samuel 21:17 - Qullan Arunaka DC

¹⁷ Ukatsti, Seruiá jaqin Abisai yuqapaw Davidar yanapt'ir jaläna, ukatsti uka filisteo jaqirux nuwantasin jiwayäna. Uka qhipatsti israelita jaqinakax Davidarux jan mayampis jupanak chika nuwasir sarañapatakiw arsuyapxäna, ukhamat Israelan qhanapax jan jiwt'añapataki.

Aymar Bibliia 1986

¹⁷ Ucampisa Abisai, sata Sarvia jaken yokapasti Davidar yanapt'iriw sararaquïna, jupaw uca jach'a filisteo jakerojj nuwantasin jiwayaraquïna. Uqhamasti uca khepatjja israelita jakenacajj Davidarojj arsuyapjjaraquïnwa, jan mayampisa jupanac chica guerraru nuwasiri sarañapataqui, uqhamat Israelan khanapajj jan jiwt'añapataqui.

Qullan Arunaca

¹⁷ Ucampisa Abisai, sata Sarvia jaken yokapasti Davidar yanapt'iriw sararaquïna, jupaw uca jach'a filisteo jakerojj nuwantasin jiwayaraquïna. Uqhamasti uca khepatjja israelita jakenacajj Davidarojj arsuyapjjaraquïnwa, jan mayampisa jupanac chica guerraru nuwasiri sarañapataqui, uqhamat Israelan khanapajj jan jiwt'añapataqui.

2 Samuel 21:17 Jak'a apnaqawi uñst'ayäwi

2 Samuel 14:7

Jichhasti wila masinakaxax taqiniw nayatak sartapxi. Jilapar jiwaykatayna ukar nayan katuyañax munapxaraki, ukhamat jiwayatapat phuqsusiñataki, ¡jan wawani qhiparirista ukasa, janiw jupanakax nayat khuyapt'ayasipkitaspati! Uka wawaxarutix jiwayapxaspaxa, nayax sapakiw qhiparxirista, chachaxan sutipasti wiñayatakiw chhaqtxaspa —sasa.

2 Samuel 18:2

ukatsti taqpach ejercitorux kimsa tamaruw jaljäna. Mayïr tamarux Joab chachaw sarayäna; payïr tamarusti Joab chachan jilapa, Seruiá jaqin Abisai yuqapaw sarayäna; kimsïr tamarusti Gat markankir Itai jaqiw sarayäna. Uka qhipatsti Davidax taqpach ejercitoparuw sarakïna: —Nayax jumanakampi chikaw nuwasïwir sararakï —sasa.

2 Samuel 18:3

Jaqinakapasti ukxaruw jupar sapxäna: —Reyixay, jan uk luramti, uñisirisatakix janiw kunäkis nanakan jaltxapxañaxaxa, chikatpach jiwarapxañaxasa; ukampis jumax rey, tunka waranqa jaqinakat sipan juk'ampïtawa. Jumax markaruk qhiparaskam, ukhamat nanakatakix yanapirinak khithanipxitäta —sasa.

2 Samuel 22:19

Chijinkkipan nayarux chhukxatapxitu, Tatitusti yanapt'apampiw arxatitu,

2 Samuel 22:29

Tatay, jumaw nayan qhanaxätaxa, Diosaxay, jumaw arum ch'amakaxar qhantaytaxa.

1 Reyes 11:36

Yuqapatakisti mä aylluki jaytä, David luqtirixan qhanapax Jerusalén markan naya nayraqatan nakhaskakiñapataki, nayaw uka marka ajllista sutixan ukankañapataki.

1 Reyes 15:4

Ukampis Davidaru khuyapayasitap laykuw, qhanapa jan jiwt'añap munasin jupan qhipapat yuqapar utt'ayäna, Jerusalén markar ch'aman tukuyañataki;

Salmos 132:17

Ukawjan Davidan ch'amap wasitat sartayä. Ajllit reyixatakix mä qhana wakicharapï.

Salmos 144:10

Jumaw reyinakar atipjaytaxa; jumarakiw David luqtirimar qhispiytaxa, jiwayir espadat arxatita; yaqha markankir jaqinakan amparapat qhispiyita, khitinakatix k'ari arunak parlapki, kupi amparap aytas k'ari juramento lurapki ukanakata.

Salmos 46:1

1 (2) Diosaw imantasiñasaxa, juparakiw ch'amañchirisasa, jupaw chijinakan arxatirisaxa.

Jeremías 40:15

Ukhamasti Johanán jaqix Guedaliasar jamasat saraki: —Nay sarä Ismael chachar jiwayiri, ukatsti janiw khitis yatiñapäkiti khitin jupar jiwayatapsa. ¿Kunatsa jupan jumar jiwayañap ukhamak uñch'ukiñäni? Jiwayiristam ukaxa, kawkïr judionakatix juma jak'ar tantacht'asipki ukanakax ananukutaw uñjasipxaspa, ukatsti Judá markat jilt'irinakatakisti sinti jan walt'añapunïspawa —sasa.

Juan 5:35

Bautisir Juanan yatichäwipax mä qhanjamaw qhanäna, jumanakasti uka qhanapan mä juk'a pachakiw kusisiñ munapxäyätaxa.