2 Samuel 21:1 - Qullan Arunaca

¹ Davidan urunacapansti mä jach'a mach'aw quimsa mara utjaraquïna. Ucatwa Davidajj Tatituru jisct'asïna, Tatitusti juparojj saraquïnwa: “Aca mach'ajj Saúl reyin juchanacap laycu, uqhamaraqui familiapan juchanacap laycuraquiw utji, jupanacan gabaonita jakenacar jiwarayapjjatap laycu” sasa.

Aymar Bibliia 1986

¹ Davidan urunacapansti mä jach'a mach'aw quimsa mara utjaraquïna. Ucatwa Davidajj Tatituru jisct'asïna, Tatitusti juparojj saraquïnwa: “Aca mach'ajj Saúl reyin juchanacap laycu, uqhamaraqui familiapan juchanacap laycuraquiw utji, jupanacan gabaonita jakenacar jiwarayapjjatap laycu” sasa.

Qullan Arunaka DC

¹ Davidan urunakapan mä jach'a mach'aw utjäna, ukasti kimsa maränwa. Ukat Davidax Tatitur jiskt'asïna, Tatitusti jupar sänwa: “Aka mach'ax Saúl reyin juchanakap layku, wila masinakapan juchanakap laykuw utji, gabaonita jaqinakar jiwarayapxatap layku” sasa.

2 Samuel 21:1 Jak'a apnaqawi uñst'ayäwi

Génesis 12:10

Uca tiempojj take ucsa tokenacanjja mä jach'a mach'aw utjäna, Abramasti mä kawkha tiempo Egiptor jaquiriw sarjjäna, cawqhantejj jaccäna ucan jan cuna mank'añas utjatap laycu.

Génesis 26:1

Uca tiemponsti mä jach'a mach'aw ucsa tokenacanjja utjäna, yakha mach'asti Abrahamajj jaccän uca urunacaraquiw utjänjja. Ucatwa Isaacajj Gerar tokeru sarjjäna, cawqhantejj filisteonacan Abimelec reyipajj jaccäna ucsaru.

Génesis 41:57

Take marcanacatwa Egiptorcama jutapjjäna, Joseat trigo alt'asiñataqui, janiraquiw cawqhansa cuna mank'añas utjcänti.

Génesis 42:5

Israelan yokanacapasti mayni saririnacampi chicaw trigo alt'asiri sarapjjaraquïna, mach'asti take Canaán oraken utjaraquïna.

Génesis 43:1

Mach'asti juc'ampiw uca marcanjja utjäna.

2 Samuel 16:8

Tatituw jumarojj mutuytam jakenac jiwarayatamata, Saulon familiapana, jupa lanti apnakaña munasina. ¡Jichhajj Tatitojj Absalón wawamaruw reyïñjja catuyjje, acajj jichhajj juman pachpa ñankha luratanacam laycu t'akhesiscaractajja, jumasti mä jake jiwayiritawa!” sasa.

2 Samuel 20:26

Jair marcanquiri, Ira sat jakesti Davidan sacerdoteparaquiquïnwa.

2 Samuel 21:5

Jupanacasti sapjjaraquïnwa: —Cawquïri jaketejj nanacaru tucjañ munapquitän, uqhamaraqui nanacaru k'al chhaktayañ amtcäna, jan Israel oraken jacapjjañanacajjataqui,

2 Samuel 24:1

Tatitusti wasitatwa israelitanac toke colerasiraquiquïna, ucatsti Davidaruraquiw jupanac toke amtayäna, mä censo aptañapataquiraquiw arsuraquïna, Israel marcata, Judá marcampita.

2 Samuel 5:19

Ucatwa Davidajj Tatituru yanapa mayiraquïna, jisct'asiraquïnwa: —¿Filisteo jakenacarojj nuwantiristti? ¿Jupanacarojj atipjayitätati? —sasa. Tatitusti juparojj saraquïnwa: —Jïsa, nuwantascaquim, nayaw jumarojj jupanacjjaru atipjaña churäma —sasa.

2 Samuel 5:23

Uqhamasti Tatituruw Davidajj wasitat sarasin jisct'asiraquïna, Tatitusti juparojj saraquïnwa: —Jani nayräjjatjja nuwantamti jan ucasti cunapachatejj bálsamo sat kokanacäquis uca chekaru purisinsti khepäjjata jupanacarojj muyuntam, ucatsti nuwantam.

1 Reyes 17:1

Elías profetajj Tisbe sat chekanquirïnwa, Galaad sat orakena, jupasti Acab reyerojj sänwa: “Juramentompiw arsta Israelan Tatit Diosap laycu, qhitirutejj yupaychcta, aca maranacanjja janiw jallojj purcaniti, ni sullasa cunapachatï nayajj siscä ucqhacama” sasa.

1 Reyes 18:2

Eliasasti sarasinjja Acab reyirojj uñstanïnwa. Samarianjja mank'at t'akhesiñajj sintipunïnwa.

2 Reyes 6:25

Ucqhasti Samaria marcanjja mank'ata wali t'akhesiñawa utjäna, wali jist'antatätap laycusti mä asno p'ekejja quimsakallk tunca kollkewa alapänjja, uqhamarac cuarto kilo paloman wanupasa pheska kollkeraquiwa alapänjja.

2 Reyes 8:1

Eliseosti parlänwa cawquïr warmin wawaptï jiwatata jacatataycäna uca warmiru, aqham sasa: “Jumajj familiamampi yakha chekaru jaquir sarjjam, Tatitojj yatiyituwa: Aca orakenjja mach'awa utjani pakallk mara” sasa.

Job 10:2

‘¡Dios Tata, janiquiy nayarojj juchanit uñt'istati! Sitaya, ¿cunatraqui juchañchistasti?

Salmos 27:8

Chuymajjajj situwa: “Tatitun ajanup thakam.” Nayasti, Tatay, ajanum thakta.

Salmos 50:15

llaquincasin jawsanita; nayajj khespiyämawa, jumasti jach'aruw aptitäta” sasa.

Salmos 91:15

Nayar art'asitan ucapachajja, mayisitaparojj jaysäwa. Jupamp chicaw t'akhesiñancä, llaquisiñat irpsü, jach'aruw aptä;

Levítico 26:26

“Cunapachatejj nayajj jumanacaru mank'añjja menost'ayjjapjjäma ucapachasti, tunca warminacaw mä sapa t'ant'a jumanacataquejj mä hornon khatiyapjjani, ucatsti jumanacarojj uca t'ant'jja jisc'a jisc'a laquipjjätam, janiraquiw qhitis uca t'ant'ampejj sist'ascaniti, kawkhas mank'asipcätawa janiraquiw sist'asipcätati.

Números 27:21

Ucampisa Josué chachajj Eleazar sacerdoter uñstañapawa. Ucatsti Eleazar sacerdotew sutipampi jisct'ani, Urim sat toke. Josué chachaw israelitanacarojj apnakani take cuna lurañanacapansa.

Josué 7:1

Ucampis Israel marcajj janiw phokcänti cuntejj Diosajj siscatayna ucanacjja. Diosasti: “Janiw cunsa Jericó marcat aptasipjjätati” sänwa. Ucampis mä jakew utjäna Acán sat sutini, Judá tributa, jupasti Carmi sat jaken yokapänwa; Carmisti Zabdin wawaparaqui; Zabdisti Zaran wawaparaquïnwa. Aca jakesti Jericó marcatjja walja yänac jupatac apasinïna, cawquïrinactï Tatitojj take t'unjapjjät siscatayna ucanacatjja. Ucatwa Tatitojj Israel marcataqui wali colerasïna.

Josué 9:20

Jichhasti jaytañäni jupanacar jacaskiri, jan arunacasar phokcañäni ucqhajj Diosaw jiwasanacataquiw colerasispa —sasa.

Rut 1:1

Cunapachatejj Israel marcajj juezanacan apnakatäcäna uca maranacanjja, mach'aw utjäna uca chekanjja. Ucatwa Judänquiri Belén marcata Elimelec chachajj Moab sat orakeru jaquir sarjjäna. Jupamp chicajj sarapjjänwa: Noemí sat warmipa, uqhamarac pä wawanacapa, Mahlón, Quelión sutininaca. Take jupanacasti efrateo Belén marcat jutirïpjjänwa, uqhamaw puripjjäna Moab orakeru ucan jacañataqui.

1 Samuel 10:22

Ucatwa wasitat Tatituru jisct'apjjäna, Saúl waynajj ucanti jicjjatasi janicha uc yatiñataqui. Tatitusti Saúl waynan ucancascatapjja yatiyänwa, k'epinaca mankhan imantasiscatapa uñacht'ayaraquïna.

1 Samuel 23:11

¿Saúl reyisti jutapunpachäniti nayar thakeri, cunjämatejj nayajj ist'ta uqhamarjamajja? ¿Keila marcan utjir jakenacasti nayarojj catuyapjjpachïtaniti? ¡Tatitu, Israelan Diosapa, aca sirvirimasti achict'astamwa yatiyañamataqui! —sasa. Tatitusti saraquïnwa: —Saúl reyejj jutapuniniwa —sasa.

1 Samuel 23:2

jupajj sarasin Tatituruw uca toket jisct'asïna, aqham sasa: —Tata, ¿munasmati nayan filisteonac contra nuwasiri sarañajj-jja? Tatitusti saraquïnwa: —Jïsa, sarascaquim, Keila marcarusti khespiyaraquim —sasa.

1 Samuel 23:4

Uqhamasti Davidajj wasitatwa Tatiturojj jisct'asiscaquïna, Tatitusti saraquïnwa: —Jumajj sarascaquim Keila marcaru, nayaw amparamaru filisteonacjja catuyascäma —sasa.