2 Samuel 21:1 - Qullan Arunaka DC

¹ Davidan urunakapan mä jach'a mach'aw utjäna, ukasti kimsa maränwa. Ukat Davidax Tatitur jiskt'asïna, Tatitusti jupar sänwa: “Aka mach'ax Saúl reyin juchanakap layku, wila masinakapan juchanakap laykuw utji, gabaonita jaqinakar jiwarayapxatap layku” sasa.

Aymar Bibliia 1986

¹ Davidan urunacapansti mä jach'a mach'aw quimsa mara utjaraquïna. Ucatwa Davidajj Tatituru jisct'asïna, Tatitusti juparojj saraquïnwa: “Aca mach'ajj Saúl reyin juchanacap laycu, uqhamaraqui familiapan juchanacap laycuraquiw utji, jupanacan gabaonita jakenacar jiwarayapjjatap laycu” sasa.

Qullan Arunaca

¹ Davidan urunacapansti mä jach'a mach'aw quimsa mara utjaraquïna. Ucatwa Davidajj Tatituru jisct'asïna, Tatitusti juparojj saraquïnwa: “Aca mach'ajj Saúl reyin juchanacap laycu, uqhamaraqui familiapan juchanacap laycuraquiw utji, jupanacan gabaonita jakenacar jiwarayapjjatap laycu” sasa.

2 Samuel 21:1 Jak'a apnaqawi uñst'ayäwi

Génesis 12:10

Uka urunakansti Canaán taqi uksa tuqinakan mä jach'a mach'aw utjäna, Abram chachasti uka chiqan jan kuna manq'añas utjatapatxa, Egipto markaruw mä qawqha pachatak jakir sarxäna.

Génesis 26:1

Uka urunakansti mä jach'a mach'aw uksa uraqinakan utjäna, kunjämatix Abrahaman urunakapan utjkäna ukhama. Ukat Isaac chachax Guerar markar sarxäna. Kawkhantix filisteonakan Abimélec reyipax jakkäna uksaru.

Génesis 41:57

Taqi markanakatsti Egiptorkamaw Joseat trigo alasiri jutapxäna, uka markanakan manq'añax jan utjatap layku.

Génesis 42:5

Israelan yuqanakapasti mayni saririnakamp chikaw trigo alasir sarapxarakïna, taqi Canaán uraqin mach'an utjatap layku.

Génesis 43:1

Mach'ax juk'ampiw Canaán markpachan utjäna.

2 Samuel 16:8

¡Tatituw jumarux mutuyasktam Saúl reyin wila masinakapar jiwarayatamata, jupa lanti marka apnaqañ munatam layku! ¡Jichhasti Tatitux Absalón wawamaruw markar apnaqañam katuyxi, juman pachpa ñanqha luratamatjamaw t'aqhisiskaraktaxa, jaqi jiwayirïtam layku! —sasa.

2 Samuel 20:26

Jair markankir Irá sat jaqisti Davidan sacerdoteparakïnwa.

2 Samuel 21:5

Jupanakasti sapxarakïnwa: —Khiti jaqitix nanakar Israelan uraqipan jan jakapxañaxatak tukjañ munapkitäna, nanakar q'al chhaqtayañ amtkäna,

2 Samuel 24:1

Tatitux wasitat israelitanakatak q'apisirakïna, ukatsti Davidaruw amtayäna, Israel markampita, Judá markampit jaqinak jakthapiñapataki.

2 Samuel 5:19

Ukat Davidax Tatitur yanap mayisin jiskt'asirakïna: —¿Filisteo jaqinakar katuntiristti? ¿Jupanakar atipjayitätati? —sasa. Tatitusti ukxaruw sarakïna: —Jïsa, katuntaskakim, nayaw jupanakar atipjañamatak yanapäma —sasa.

2 Samuel 5:23

Davidasti wasitat Tatitur jiskt'asïna, Tatitusti juparux sarakïnwa: —Janis jupanakar nayräxat nuwantkam, jan ukasti, jupanakar muyuntam, bálsamo quqanakäkis uka chiqar purisin qhipäxat jupanakar katuntäta.

1 Reyes 17:1

Elías profetax Galaad uraqinkir Tisbé markankirïnwa. Mä urusti jupax Ahab reyiruw säna: “¡Israelan Tatit Diosap laykuw juramentompi arsta, jupan luqtiripätwa, janiw aka maranakan jallusa, sullasa purxatkaniti, kunapachatix nayax siskä ukkhakama!” sasa.

1 Reyes 18:2

Eliasasti Ahab reyin ukaruw saräna. Samaria markan manq'atjam t'aqhisiñax sintipunïnwa.

2 Reyes 6:25

Ukham muyuntat uñjasipan, Samaria markan manq'at t'aqhisiñax utjäna, mä asno p'iqi alasiñax kimsaqallq tunka qullqïnwa, paloman mä juk'a wanup alasiñas phisqa qullqirakïnwa.

2 Reyes 8:1

Eliseox khitin wawaparutix jiwatat jaktaykatayna uka warmiruw parläna, akham sasa: “Jumax utamankirinakamp yaqha chiqar jakir sarxam; Tatituw aka uraqin, paqallqu jach'a mach'a maranak utjañap yatiyi” sasa.

Job 10:2

¡Dios Tatay, janikiy nayar juchanit uñt'istati! Sitaya, ¿kunatarak juchañchistasti?

Salmos 27:8

Chuymaxax situwa: “Tatitur thaqtam.” Nayasti, Tatay, jumaruw thaqtsma.

Salmos 50:15

Llakitäkät ukkhax nayar jawsita; nayasti qhispiyämawa, jumax jach'aruw aptarakitäta” sasa.

Salmos 91:15

Nayar art'asitan ukapachaxa, mayisitaparux jaysäwa. Jupamp chikaw t'aqhisiñankä, llakisiñat irpsü, jach'aruw aptä;

Levítico 26:26

“Kunapachatix jumanakan trigo yapunakam q'al tukjkä ukapachasti, tunka warminakaw mä sapa hornon jumanakatak t'ant'a qhatiyapxani, ukatsti jisk'a jisk'a lakinuqapxätam, qawqsa uka t'ant'xa manq'asipkätawa, ukampis janiw sist'asipkätati.

Números 27:21

Josué chachax Eleazar sacerdoten nayraqataparuw uñstañapa, Eleazarasti Urim tuqiw sutipxar nayar jiskt'itani. Josué chachaw israelitanakar apnaqani taqi kuna lurañanakapansa —sasa.

Josué 7:1

Israel markax kuntix Diosax siskatayna ukanakxa, janiw phuqkänti, tukjatäñatak satäkäna uka yänak katusisaw jan walir puripxäna. Judá ayllu taypin mä jaqiw utjäna Acán sutini, jupasti Carmí chachan yuqapänwa, Zabdí chachan allchhipa, Zérah jaqin allchhiparaki. Uka jaqisti Jericó markat walja yänak jupatak apasinïna, kawkïr yänaktix Tatitux taqi t'unjapxäta siskatayna ukanakat apaqäna. Ukat Tatitux Israel markataki wali q'apisïna.

Josué 9:20

Janiw jiwayañasäkiti, juramento luratarutix p'akintañäni ukaxa, Tatitux jiwasatakiw q'apisispa —sasa.

Rut 1:1

Israel markax jilïr jaqinakan apnaqatäkäna ukapachaxa, taqi uksa tuqinakan mach'aw utjäna, uka maranakan janiw manq'añax utjkänti. Ukhamïpansti, Judá markankir Belén markata, Elimélec chachax Moab jach'a markaruw warmipampi, pä wawapamp jakir sarxäna. Warmipax Noemí sutinïnwa, maynïr wawapax Mahlón sutini, maynïristi Quelión sataraki. Jupanakax Belén jisk'a markankirïpxänwa, Moab markar purisasti ukan jakxapxarakïna.

1 Samuel 10:22

ukat Tatiturux wasitat jiskt'apxäna, Saúl waynax ukankaskpachati janicha uk yatiñataki. Tatitusti Saúl waynan q'ipinak manqhan imantatäskatap uñacht'ayäna.

1 Samuel 23:11

¿Kunjämtix nayax yatkta ukhamarjamax Saúl reyix nayar katjirix jutapunpachäniti? ¿Queilá markankirinakasti Saúl reyin amparaparut katuyapxpachïtani? ¡Tatay, Israelan Diosapa, aka luqtirimar yatiyañamatakiw achikt'assma! —sasa. Tatitusti sarakïnwa: —Saúl reyix jutapuniniwa —sasa.

1 Samuel 23:2

jupax Tatituruw jiskt'asïna, akham sasa: —Tatay, ¿nayax filisteonakampi nuwasir sariristti? —sasa. Tatitusti sarakïnwa: —Jïsa, saraskakim, Queilá markarusti qhispiyarakim —sasa.

1 Samuel 23:4

Ukhamasti Davidax wasitat Tatiturux jiskt'asïna, Tatitusti sarakïnwa: —Jumax Queilá markarux saraskakim, nayaw filisteonakarux amparamar katuyäma —sasa.