2 Samuel 2:26 - Qullan Arunaca

²⁶ Ucat Abnerajj Joab chacharojj art'araquïna: —¿Janit aca jiwarayäwejj tucuscani? ¿Janit amuycta aca luräwejj jan walt'añaqui apanirapistani ucjja? ¿Cunapachas jakenacamarojj ordenaraquïta jilanacaparu jan juc'ampi arcnakjjapjjañapataqui? —sasa.

Aymar Bibliia 1986

²⁶ Ucat Abnerajj Joab chacharojj art'araquïna: —¿Janit aca jiwarayäwejj tucuscani? ¿Janit amuycta aca luräwejj jan walt'añaqui apanirapistani ucjja? ¿Cunapachas jakenacamarojj ordenaraquïta jilanacaparu jan juc'ampi arcnakjjapjjañapataqui? —sasa.

Qullan Arunaka DC

²⁶ Ukat Abnerax Joab chachar art'äna: —¿Janit aka jiwarayäwix tukuskani? ¿Janit amuykta aka luräwix jan walt'añaki apanirapistani ukxa? ¿Kunapacharak jaqinakamar säta jilanakapar jan juk'amp arknaqxañapatakisti? —sasa.

2 Samuel 2:26 Jak'a apnaqawi uñst'ayäwi

2 Samuel 11:25

Ucatwa Davidajj qhitatarojj saraquïna: —Jichhajj Joab chacharojj saraquim jan acanac toketjja sinti llaquispati, guerranjja ucanacajj lurasipuniraquiwa. Ucampisa marcarojj wali ch'amampi nuwantaracpan k'ala t'unjañcama. Jumasti saram juc'ampi ch'amañcht'araquim —sasa.

2 Samuel 2:14

Ucat Abnerajj Joab chacharojj saraquïna: —Waynanacajj nanacat nayräjja mistupjjpan nuwasiñataquejja —sasa. —Waliquiwa —sasaw Joab chachajj saraquïna.

2 Samuel 2:16

Sapa mayniw uñisiriparojj p'eket catuntasin, mä espadampi puracapat chhokhontäna, uqhamat takeni jiwarata uñjasipjjäna. Ucatwa uca chekajj, cawquïritejj Gabaón marcancqui ucajj Helcat-hazurim satajja.

2 Samuel 2:25

Ucanwa benjaminitas sat jakenacajj Abneramp tantacht'asipjjäna, ucatsti mä ejército waquicht'asisinjja kollu pata tokenacaruw utjnokapjjäna.

2 Samuel 2:27

Joab chachasti ucjjarojj saraquïnwa: —Nayajj juramentompiw Dios nayrakatana arsurapsma, janitejj aca khanañchcasamän ucqhajj, jakenacajjajj khanjtaniñapcamaw jilanacaparojj arcnakaraquisapäna —sasa.

Salmos 4:2

Jach'a jach'a tucur jakenaca, ¿cunapachcamarac jisc'achapjjetätasti?, ¿cunapachcamarac c'arir munasipcaquïta, sallkarus thakasipcaquïtasti?

Proverbios 17:14

Ch'ajjwaña kalltañasti, umasa jilarcaspa uqhamawa; uca ch'ajjwañata jithektañasti juc'ampi asquiwa.

Isaías 1:20

ucampis nayataqui sayt'asisipcaquïtajja, guerranjj jiwarapjjaquipunïtawa.” Pachpa Tatituw ucjja arsu.

Jeremías 12:12

Take wasara kollu patanacatsti, khoru jakenacaw jutantapjjäna, ucampisa naya Tatitojj mä espada ayt'atätwa, aca marcsti maysat mayswa t'unjanï, janiraquiw qhititaquis suman sarnakasiñajj utjcaniti.

Jeremías 2:30

Inamayaw jumanacan wawanacamarojj mutuytjja, janiraquiw jan wali luratanacapat cuttaniñsa munapcaraquiti, jumanacasti mä khoru leonanacar uñtataraquiw pachpa profetanacamarojj jiwarayapjjtajja.

Jeremías 4:21

¿Cunapachcamas wiphala altor aytata uñjäjja? ¿Uqhamaraqui trompetan phust'asitapsa ist'araquëjja?

Jeremías 46:10

Aca urusti take ch'amani Tatitun urupawa, aca urunsti uñisirinacapatwa phoksusiraquini. Espadasti sist'asiñcamaw chhojjriñchjaraquini, wilampis machjascaspa uqhama. Tatitusti amsta tokenwa jiwarayaraquini, Eufrates jawira jac'ana.

Jeremías 46:14

“Egipton yatiyapjjam, Migdol, Menfis, Tafnes sisqui uca chekanacansa; ¡takenisa, janc'aqui suyt'apjjam! ¡Espadasti juma thiyanacanjja k'alwa tucjasqui!

Oseas 11:6

Marcanacapasti espadan tucjataraquïniwa, sayt'asiñ perkanacapasti tucjataraquïniwa, jupanacan pachpa amtatanacap laycu.

Hechos 7:26

Khepürusti Moisesajj pani israelit jakenacaruw nuwasir uñji. Ucatsti jupanacarojj sumancthapiyañ munäna ‘¡Jumanacajj jila puräpjjstajjaya! ¿Cunatrac jumanacpura nuwasipjjtasti?’ sasa.