2 Samuel 2:26 - Qullan Arunaka DC

²⁶ Ukat Abnerax Joab chachar art'äna: —¿Janit aka jiwarayäwix tukuskani? ¿Janit amuykta aka luräwix jan walt'añaki apanirapistani ukxa? ¿Kunapacharak jaqinakamar säta jilanakapar jan juk'amp arknaqxañapatakisti? —sasa.

Aymar Bibliia 1986

²⁶ Ucat Abnerajj Joab chacharojj art'araquïna: —¿Janit aca jiwarayäwejj tucuscani? ¿Janit amuycta aca luräwejj jan walt'añaqui apanirapistani ucjja? ¿Cunapachas jakenacamarojj ordenaraquïta jilanacaparu jan juc'ampi arcnakjjapjjañapataqui? —sasa.

Qullan Arunaca

²⁶ Ucat Abnerajj Joab chacharojj art'araquïna: —¿Janit aca jiwarayäwejj tucuscani? ¿Janit amuycta aca luräwejj jan walt'añaqui apanirapistani ucjja? ¿Cunapachas jakenacamarojj ordenaraquïta jilanacaparu jan juc'ampi arcnakjjapjjañapataqui? —sasa.

2 Samuel 2:26 Jak'a apnaqawi uñst'ayäwi

2 Samuel 11:25

Ukat Davidax khithat jaqirux säna: —Jichhax Joab chachar sarakim jan akanak tuqit sinti llakispati, nuwasïwinxa khitis jiwakispawa. Ukampis t'unjañkam wali ch'amampi markar katuntpan. Jumasti ch'amañchätawa —sasa.

2 Samuel 2:14

Ukat Abnerax Joab chachar säna: —Waynanak mistupxpan jiwas nayraqatan nuwasiñataki —sasa. —Walikiwa —sasaw Joab chachax sarakïna.

2 Samuel 2:16

Ukatsti sapa mayniw uñisiriparux p'iqit katuntasin espadamp jaraphit chhuqhuntäna, ukhamat taqini jiwarat uñjasipxäna. Ukat Gabaón marka jak'ankki uka chiqax “Espadanakan pampapa” sataxa.

2 Samuel 2:25

Ukan Benjaminankir jaqinakax Abnerar yanapt'añatak tantachasipxäna, ukatsti mä tamar tukusakiw qullu patan nuwasiñatak wakicht'asipxarakïna.

2 Samuel 2:27

Joab chachasti ukxaruw sarakïna: —Juramentompiw Dios nayraqatan arsurapsma, janitix uk qhanañchkasamän ukaxa, jaqinakaxax qhanjtaniñapkamaw jilanakapar arknaqaskakisapäna —sasa.

Salmos 4:2

2 (3) Jach'a jach'a tukur jaqinaka, ¿kunapachkamas jisk'achapxitäta?, ¿kunapachkamas jan walïki ukak munasipkäta?, ¿kunapachkamas sallqjañak munasipkäta?

Proverbios 17:14

Ch'axwañ qalltañax, jawir umas jilarkaspa ukhamawa; uka ch'axwañar janïr mantkasin jithiqtxañax juk'amp askiwa.

Isaías 1:20

nayatak sayt'asisipkakïta ukasti, mä nuwasïwin jiwarapxäta.” Pachpa Tatituw uk arsu.

Jeremías 12:12

Taqi wasar qullu patanakatsti, qhuru jaqinakaw jutantapxäna, ukampis naya, Tatitux mä espada ayt'atätwa, aka marksti uka espadax maysat maysa t'unjani, janirakiw khititakis suman sarnaqasiñax utjkaniti.

Jeremías 2:30

Inamayaw wawanakamarux mutuytxa, jan wali luratanakapatxa janiw kuttaniñ munapkiti, jumanakasti qhuru leonanakar uñtataw profetanakamarux jiwarayapxtaxa.

Jeremías 4:21

¿Kunapachkamas uñisirin wiphalap alayar aytat uñjäxa, trompetan atipt'äwi phust'asitapsa ist'arakïxa?

Jeremías 46:10

Aka urusti taqi ch'aman Tatitun urupawa, uñisirinakapat phuqsusiñ uruwa. Espadasti sist'asiñkamaw chhuxriñchjani, wilampis machjaskaspa ukhama. Tatitusti amsta tuqina, Éufrates jawira jak'an jaqinak jiwarayani.

Jeremías 46:14

“Akasti Egipton yatiyatäñapawa, Migdol, Menfis, Tafnes uka markanakan yatiyatäñapawa: ¡Soldadonaka, nuwantasiñatak wakicht'asipxam! ¡T'unjirimax niyaw jutantaski!

Oseas 11:6

Markanakapasti espadan tukjatäniwa, jupanakan pachpa amtatanakapatxa, sayt'asiñ pirqanakapas tukjatarakïniwa.

Hechos 7:26

Qhipürusti, Moisesax pani israelit jaqinakaruw nuwasiskir uñjäna, jupanakar sumankthapiyañ munasaw jupanakar säna: “Jumanakax jila puräpxtawa, ¿kunatarak jumanakpur nuwasipxtasti?” sasa.