2 Samuel 17:16 - Qullan Arunaca

¹⁶ Uqhamat janc'aqui Davidaru yatiyapjjañapataqui, uca arumajj jan uca wasara pampanacan kheparañapataqui, jan ucasti Jordán jawirat qhurcataru maqhatjjañapa, uqhamat jan juparusa ni jakenacaparusa jiwarayapjjañapataqui.

Aymar Bibliia 1986

¹⁶ Uqhamat janc'aqui Davidaru yatiyapjjañapataqui, uca arumajj jan uca wasara pampanacan kheparañapataqui, jan ucasti Jordán jawirat qhurcataru maqhatjjañapa, uqhamat jan juparusa ni jakenacaparusa jiwarayapjjañapataqui.

Qullan Arunaka DC

¹⁶ ukhamat Davidar jank'ak yatiyapxañapataki, uka arumax jan wasar pampankaskañapataki, jan ukasti Jordán jawirat khurkatar makhatxañapataki, ukhamat Davidasa, jaqinakapasa jan jiwarayat uñjasipxañapataki.

2 Samuel 17:16 Jak'a apnaqawi uñst'ayäwi

2 Samuel 15:14

Uqhamasti Davidajj janc'aquiw Jerusalenan jupampi chicäcän uca take yanapirinacaparojj saraquïna aqham sasa: —¡Jichhpacha Jerusalén marcat jaltjjañäni, jan ucasti janiw Absalonat khespcañäniti! ¡Janc'aqui sarjjarupjjam, inampis jupajj purinisin takeniru espadampi jiwarayistaspa, uqhamat mä jach'a jan wali jiwasar lurasa!

2 Samuel 15:28

Uccañcamasti nayajj aca wasara pampa tokenacanwa khepararaquï, jumanacat cuna yatiyäwinacay purinchini uca ist'añcama —sasa.

2 Samuel 15:35

ucansti Sadoc uqhamaraqui Abiatar sacerdotenacaw ucancascaraqui. Uca laycu, nayarusti yatiyapunita cuntejj palacion ist'cäta take ucanacjja.

Salmos 35:25

Janiquiy jupanacajj amuyapjjpati, janirac sapjjpasa: “¡Waliquipuniwa! ¡Ucpï uñjañ munäyätanjja! Jichhajj jan mayampitaquiw aynacht'aytanjja” sasa.

Salmos 55:8

cunayman jach'a thayanacataquiw imantasjjerista, mank'antir tutucataquiw jaltjjerista, jach'a thayampita, jallumpit khespjjerista” sasa.

Salmos 56:2

Jan karjasisaw timasirinacajj arcnakapjjetu, waljaniw jach'achasiñamp jaljjatapjjetu.

Salmos 57:3

Jupaw alajjpachat khespiyäwip apayanitani, jupaw nayar jiwayañ munirinacarojj pejjtuntani, qhuyapayasiñapamp, cheka cancañapamp apayanitani.

1 Corintios 15:54

Tucusir janchisajja jan tucusirimpi isthapitäjjaniwa, uqhamarac jiwir janchisasa wiñayatac jaquir cuerpompi isthapitäjjaraquiniwa. Ucapachaw ucajj phokhasjjani cunatejj Diosan arupan kellkatäqui: “Jiwajj atipjäwimp mank'antataw uñjasi.

2 Corintios 5:4

Aca oraken jaccasajja t'akhestanwa, ucatsti aykoractanwa. Janiw k'alaläña munctanti, jan ucasti isthapitäñwa muntanjja, uqhamata cunatejj jiwirïqui ucajj machak jacañampi chhaktayatäñapataqui.

1 Samuel 20:38

Jonatanajj mayamp uywatarojj art'ascaquïnwa: —¡Apurac jaltanim, jan kheparamti! —sasa. Jonatanan uywatapasti flechanac apthapinisajja, uywiriparuw catuyjjäna.