2 Samuel 16:1 - Qullan Arunaca

¹ Davidajj ucqhaquiw uca kollutjja mä juc'ampi sartascäna, ucapachaw Mefi-boset jaken uywatapa Siba sat jakejj mistunïna juparu jicjjatiri: Pä asno ant'ata, uca asnonacasti wali qhumuntata, pä pataca t'ant'a, pataca tortanacampi, uca tortanacasti waña uvanacat lurataraquïnwa, patac frutanacampi, uqhamaraqui mä wayaka vinompi qhumjjatataraqui.

Aymar Bibliia 1986

¹ Davidajj ucqhaquiw uca kollutjja mä juc'ampi sartascäna, ucapachaw Mefi-boset jaken uywatapa Siba sat jakejj mistunïna juparu jicjjatiri: Pä asno ant'ata, uca asnonacasti wali qhumuntata, pä pataca t'ant'a, pataca tortanacampi, uca tortanacasti waña uvanacat lurataraquïnwa, patac frutanacampi, uqhamaraqui mä wayaka vinompi qhumjjatataraqui.

Qullan Arunaka DC

¹ Davidax ukkhakiw uka qullut mä juk'amp sartaskäna, ukapachaw Mefi-bóset jaqin uywatapa, Sibá sat jaqix jupar jikxatäna, pä asno ant'ata, uka asnonakasti pä patak t'ant'ampi, waña uvanakat lurat patak tortampi, patak muxsa achunakampi, vino lip'ichi wayaqampi khumxatatänwa.

2 Samuel 16:1 Jak'a apnaqawi uñst'ayäwi

2 Samuel 15:30

Davidasti Olivos kollu amsta maqhatascaraquïna; k'ara cayuquiw sararaquïna, jacht'asisa, p'ekepas ch'okt'ata llaquisitapa uñacht'ayañataqui. Take cawquïri jakenacatejj jupampi chica maqhatapcän ucanacasti p'ekenacapa ch'okt'atcamaquiw sarapjjaraquïna uqhamaraqui jacht'asisa.

2 Samuel 15:32

Davidasti kollu pataru purisinsti, cawqhantejj Diosaru yupaychapjjerïcäna ucawjana, arquitas sat tributa mayni jakew jicjjatiri jutäna, Husai satänwa, isinacapas ch'iyanokata, p'ekepas lak'ampi jach'jjatataraqui.

2 Samuel 19:17

Jupampi chicasti, Benjamín tributjja waranka jakenacaw sarapjjaraquïna. Uqhamaraqui Siba sat jakesa, cawquïritejj Saúl reyin familiapan uywatapäcaraquïna ucasa tunca pheskani yokanacapampi, pä tunca esclavonacapampi cunaraquiw Jordán jawira chekarojj purintanïna, janïra reyejj purinquipana.

2 Samuel 19:32

Uca jakesti sinti chuymanëjjataynawa, quimsakallko tunca maraniraqui, cunapachatejj reyejj Mahanaim chekanccäna ucapachasti reyirojj take cunwa churaraquitayna, wali kamirïtap laycu.

1 Crónicas 12:40

Uqhamaraquiwa jac'anquiri masinacapasa Isacar ucatsa, Zabulón, uqhamarac Neftalí ucatsa mank'jja apapjjäna asnonacata, camellonacata, mulanacata, uqhamarac orko vacanacatsa. Jupanacasti cunayman mank'añanacwa apapjjäna, jac'u, higota tortanaca, pasas, vino, aceite, uywanacatjja orko vacanaca, ovejanaca; take cunsa jilarquirwa apapjjäna, Israel marcpachana wali cusisiña utjatap laycu.

Proverbios 18:16

Mä wajjt'äwi churatapampejja cawqhacamas mantascaquispawa, uqham luratapampejja jilïrinacan ucarus puriscaquiwa.

Jeremías 40:10

Nayasti aca Mizpa sat chekaruraquiw khepararaquï jumanacat arsuñataqui caldeonac nayrakatana, cunapachatejj jupanacajj acaru jutapjjani ucapacha. Jumanacasti vino, aceite, achunaca apthapiñaru uscusipjjam uqhamaraqui ucanacjja wali imcatapjjam, uqhamanacwa jacapjjäta, cawquïri marcanactejj catusipjjta ucanacanjja” sasa.

Jeremías 40:12

Uqhamasti Judá orakercamaw cuttanjjapjjäna take chekanacata cawcsanacarutejj aywinucuwayapcatayna ucsanacata, ucatsti Gedaliasan nayrakataparuw uñstapjjäna Mizpa chekana. Jupanacasti uqhamaraqui walja vino, uqhamaraqui achunaca imcatapjjaraquïna.

Amós 8:1

Tatitojj aqhamwa uñacht'ayitu. Utjänwa mä canastan pokorat achunaca.

Miqueas 7:1

“¡Ay cunaquïcan! nayataquejja cosech apthapitat jilt'anaca thakasirjamätwa, janiraquiw cunsa jicjjatcti, ni uva ni higo, uva achunaca mank'añ munasina.

1 Samuel 10:3

Juc'ampi sarcasinsti, Tabor koka sisqui uca chekar purcäta ucqhasti, quimsa chachanacaraquiw jumar jicjjatir mistunipjjani, jupanacasti Betel marcaruw maqhatasipcaraqui Diosaru yupaychañataqui. Maynïrejja quimsa cabrito irpt'atäniwa, maynïristi quimsa t'ant'a apt'ataraqui, maynïristi mä lip'ichi wayakaru vino apt'ataraquïniwa.

1 Samuel 16:20

Ucat Isaí chachajj David yokaparojj Saúl reyin ucaruw qhitanïna. Jupampi chicasti mä asno irpayaraquïna, t'ant'as qhumt'ata, mä lip'ichi wayaka vinompi, mä cabritompi cuna.

1 Samuel 25:18

Ucatsti Abigail warmejj janc'aquiw pä pataca t'ant'a catüna, pä lip'ichi wayaka vinompi, pheska oveja cancatampi, pusi tunca kilo grano jamp'itampi, pataca uva pasasampi torta luratampi, higo pasasampi torta luratasti pä patacaraqui; ucatsti take ucanacjja janc'aquiw asnonacaru qhumjjatawayi.