2 Samuel 14:33 - Qullan Arunaca

³³ Uqhamasti Joab chachajj reyin ucwa saräna, cuntejj Absalonajj siscän ucwa yatiyaraquïna, ucatwa reyejj Absalonarojj jawsayaniraquïna. Absalonasti reyin nayrakataparu purinisinsti orakcamaw p'ekepa alt'asïna. Reyisti jamp'att'asaraquiw catokäna.

Aymar Bibliia 1986

³³ Uqhamasti Joab chachajj reyin ucwa saräna, cuntejj Absalonajj siscän ucwa yatiyaraquïna, ucatwa reyejj Absalonarojj jawsayaniraquïna. Absalonasti reyin nayrakataparu purinisinsti orakcamaw p'ekepa alt'asïna. Reyisti jamp'att'asaraquiw catokäna.

Qullan Arunaka DC

³³ Ukat Joab chachax reyin ukar saräna, Absalonax siskatayna uk jupar yatiyarakïna, reyisti Absalonar jawsayanïnwa. Absalonasti reyin nayraqatapar purisax uraqkamaw p'iqipa alt'asïna. Reyisti jamp'att'asaw katuqarakïna.

2 Samuel 14:33 Jak'a apnaqawi uñst'ayäwi

Génesis 27:26

ucatsti saraquïnwa: —Jutam, wawa, jamp'att'ita —sasa.

Génesis 33:4

Ucampis Esaú jilapajj jicjjatiriw jaläna, khomantasinsti jamp'att'araquïnwa. Panpachaniw jachapjjaraquïna.

Génesis 45:15

Ucjjarusti Joseajj take jilanacaparuw khomantäna, jacht'asisaw jamp'att'araquïna takpachaniru. Ucatwa jilanacapajj parlañ kalltapjjäna.

2 Samuel 15:5

Uqhamarusa, cunapachatejj maynejj juparu aruntañataqui jac'achasïna ucapachasti, Absalonajj suma khomantasa, jamp'att'asaraquiw catokäna.

2 Samuel 19:39

Take jakenacaraquiw Jordán jawirjja maqhatanjjapjjäna. Cunapachatejj reyejj maqhatanjjaraquïn ucapachajja Barzilai jakerojj jamp'att'asaw qhitanucjjäna. Uqhamasti Barzilai jakejj cawqhantejj jacascän uca chekaruw cuttawayjjäna.

1 Reyes 1:53

Ucspachawa Salomonajj: —Altarata sarakam sasaw yatiyanïna. Ucatwa Adoniasajj sarasinjja reyin nayrakatapanwa alt'asïna, reyisti juparojj: —Utamar sarjjam —sänwa.

Lucas 15:20

Ucatwa sartasin cuttanjjäna awquipan ucaru. “Awquipasti jayancquipanwa juparojj uñjäna, ucatwa jupat qhuyapt'ayasisin jicjjatirejj jali, juparusti khomantasa jamp'att'asaraquiw catokäna.