2 Samuel 14:11 - Qullan Arunaca

¹¹ Ucampisa warmejj sascaquïnwa: —¡Nayasti, jach'a rey, achict'assmawa, Tatit Diosatay mayirapita, cawquïri familiajjatejj wawajjar jiwayañ amtqui ucajj jan jiwayañapataqui, mayni wawajjan jiwatapat phoksusa! —sasa. Reyisti saraquïnwa: —¡Nayajj Tatitun sutipjjaruw arssma, janiw wawamarojj qhitis llamct'caniti ni mä ñic'utapas orakerojj jalakcaraquiniti! —sasa.

Aymar Bibliia 1986

¹¹ Ucampisa warmejj sascaquïnwa: —¡Nayasti, jach'a rey, achict'assmawa, Tatit Diosatay mayirapita, cawquïri familiajjatejj wawajjar jiwayañ amtqui ucajj jan jiwayañapataqui, mayni wawajjan jiwatapat phoksusa! —sasa. Reyisti saraquïnwa: —¡Nayajj Tatitun sutipjjaruw arssma, janiw wawamarojj qhitis llamct'caniti ni mä ñic'utapas orakerojj jalakcaraquiniti! —sasa.

Qullan Arunaka DC

¹¹ Ukampis warmix saskakïnwa: —Reyixay, achikt'asïma, Tatit Diosamaruy mayirapita, khiti wila masixatix mayni wawaxan jiwatapat phuqsusiñ amtki ukax, aka wawaxar jan jiwayañapataki —sasa. Reyisti sarakïnwa: —¡Tatitun sutipxaruw arsurapsma, janiw wawamarux kunas kamachkaniti, janirakiw mä ñik'utapas uraqirux jalaqtkaniti —sasa.

2 Samuel 14:11 Jak'a apnaqawi uñst'ayäwi

Génesis 14:22

Ucampis Abramajj saraquïnwa: —Alajjpacha, acapacha lurir jach'a Diosaruw juramentompi arsta,

Génesis 31:50

Phuchanacajjarutejj nuwäta, jan ucajj jupanacjjaru yakha warminacampi casarasïta, janis qhitis jumampi nayampi paninitaquejj testigojj utjcani, ucapachajj Dios quipcaw testigöscani —sasa.

2 Samuel 14:10

Reyisti saraquïnwa: —Qhititejj jumaru jan wali sätam ucarusti acaru irpanim, janiw juc'ampi jumarojj parljjaycjjätamti —sasa.

2 Samuel 14:12

Warmisti sascaquïnwa: —Jach'a rey, aca sirvirimajj mä arumpi arst'asiñ muni, arst'asëjjaya —sasa. —Arst'asiscaquim —sasaw reyejj saraquïna.

2 Samuel 14:21

Uqham lurasitapatsti reyejj Joab chacharojj saraquïnwa: —Ist'ita, jichhajj take aca amtäwinacajj asquichatäjjewa. Saram, ucatsti Absalón waynaru cuttayanjjam —sasa.

1 Reyes 1:52

Salomonasti ucjjarojj sänwa: —Jupatejj mä suma asqui jakjama sarnakani ucajja, janiw mä sapa ñic'utapasa oraker jalaktcaniti; ucampis cuna ñankhatejj jupata uñstchinejja, jiwaniwa.

Jeremías 4:2

sutejj-jja aytasiraquismawa juramento chekaparu lurasa, asquiru uqhamaraqui khanarusa. Sutejjasti marcanacataquejj asquïniwa, yupaychcañaraquïniwa” sasa.

Números 35:19

Jiwayatan jac'a familiapaw jiwayaraquini, cunapachatejj jupajj jicjjatani ucqhajja.

Números 35:21

uqhamarac uñisiñatsa nuwjani, ucasti jiwjjaraquini, juchanïqui ucajj juchañchasin jiwayatäniwa, jupan jake jiwayirïtap laycu. Jiwatan jac'a familiapaw uca jiwayirirojj jiwayaraquini, cunapachatejj jupajj jicjjatani ucqhajja.

Números 35:27

jiwayat jaken familiapajj marca ankäjjan jicjjatani, ucatsti jiwayani, ucqhajj janiw cunatsa juchañchatäcaniti.

Mateo 10:30

Ucampis jumanacatjja take ñic'utanacamasa mayat mayat suma jact'atawa.

Hechos 27:34

Cunanacsay mankt'asipjjam. Waquisiw ch'amañcht'asipjjañamajja khespiyasipjjañamataqui. Janiraquiw maynis jiwcaniti —sasa.

1 Samuel 14:45

Marcasti Saúl reyirojj saraquïnwa: —¡Cunjämaraqui Jonatanasti jiwanisti, jupajjay Israel marcarojj mä jach'a atipjäwi churchistojja! ¡Janiw jiwcaspati! ¡Tatitu laycu, janiw mä ñic'utapas orakerojj jalaktcaniti! Cuntejj jichhüru lurqui ucjja Diosan yanapapampiw luraraqui —sasa. Uqhamatwa marcajj Jonatanarojj jiwañat khespiyäna.

1 Samuel 20:42

Khepjjarusti Jonatanajj Davidarojj sänwa: “Jichhajj sumaqui sarawayjjam, cuna juramenttejja jiwas paninejj amttctan ucajja Tatitun sutipjjaru amtatawa. Uqhamarus mayiraquïyätanwa, jupajj jiwas taypincañapapuni, uqhamarac jumampi nayampi wawanacasan wawanacapataqui.” Ucatsti Davidajj sarjjänwa, Jonatanasti marcaruw cuttanjjaraquïna.

1 Samuel 28:10

Ucampisa Saúl reyejj juramentompi Tatitun sutipjjaru arsusinjja, saraquïnwa: —Nayajj Tatitun sutipjjaruw juramentompi arsusina sisma: Janiw cuna jan walis pascätamti aca luratamatjja —sasa.