2 Samuel 14:11 - Qullan Arunaka DC

¹¹ Ukampis warmix saskakïnwa: —Reyixay, achikt'asïma, Tatit Diosamaruy mayirapita, khiti wila masixatix mayni wawaxan jiwatapat phuqsusiñ amtki ukax, aka wawaxar jan jiwayañapataki —sasa. Reyisti sarakïnwa: —¡Tatitun sutipxaruw arsurapsma, janiw wawamarux kunas kamachkaniti, janirakiw mä ñik'utapas uraqirux jalaqtkaniti —sasa.

Aymar Bibliia 1986

¹¹ Ucampisa warmejj sascaquïnwa: —¡Nayasti, jach'a rey, achict'assmawa, Tatit Diosatay mayirapita, cawquïri familiajjatejj wawajjar jiwayañ amtqui ucajj jan jiwayañapataqui, mayni wawajjan jiwatapat phoksusa! —sasa. Reyisti saraquïnwa: —¡Nayajj Tatitun sutipjjaruw arssma, janiw wawamarojj qhitis llamct'caniti ni mä ñic'utapas orakerojj jalakcaraquiniti! —sasa.

Qullan Arunaca

¹¹ Ucampisa warmejj sascaquïnwa: —¡Nayasti, jach'a rey, achict'assmawa, Tatit Diosatay mayirapita, cawquïri familiajjatejj wawajjar jiwayañ amtqui ucajj jan jiwayañapataqui, mayni wawajjan jiwatapat phoksusa! —sasa. Reyisti saraquïnwa: —¡Nayajj Tatitun sutipjjaruw arssma, janiw wawamarojj qhitis llamct'caniti ni mä ñic'utapas orakerojj jalakcaraquiniti! —sasa.

2 Samuel 14:11 Jak'a apnaqawi uñst'ayäwi

Génesis 14:22

Ukampis Abram chachax sarakïnwa: —Alaxpacha, akapach lurir jach'a Diosaruw juramentompi arsta,

Génesis 31:50

Phuchhanakaxarutix jan wal uñjäta, jan ukax jupanakxaru yaqha warminakamp jaqichasïta, janis khitis jiwas paninitakix qhanañchirix utjkani, ukapachax Tatit kipkaw qhanañchaskani —sasa.

2 Samuel 14:10

Reyisti sarakïnwa: —Khititix jumar axsaraykätam ukarux nayan ukaruw irpanïta, ukatsti janiw juk'ampsa jumar parlxaykxätamti —sasa.

2 Samuel 14:12

Warmisti saskakïnwa: —Reyixay, mä arumpi arst'asiñax munakimaya —sasa. —Arst'asiskakim —sasaw reyix sarakïna.

2 Samuel 14:21

Uka qhipatsti, reyix Joab chachar jawsayasin sarakïna: —Ist'ita, aka jan walt'äwix askichatäxiwa. Saramaya, Absalón waynar kuttayanxam —sasa.

1 Reyes 1:52

Salomonasti ukxaruw säna: —Jupatix mä suma aski jaqjam sarnaqani ukaxa, janiw mä sapa ñik'utapas uraqir jalaqtkaniti; ukampis ñanqha lurañ amtatapatix katjatäni ukaxa, jiwaniwa —sasa.

Jeremías 4:2

Kunapachatix nayan sutixar juramento luräta ukkhasti, nayampisa, taqinimpisa chiqa chuymampi luram. Ukhamat jumar munatax layku, taqi markanakarux askinakax churarakï, uka markanakasti nayaruw yupaychapxarakitani” sasa.

Números 35:19

Jiwayat jaqin jak'a wila masipaw jaqi jiwayirir jikxatasin jiwayani.

Números 35:21

jan ukax, uñisiñat nuwjasin jiwayani ukasti, juchanix jiwañapatak juchañchataw uñjasini, jupan jaqi jiwayirïtap layku. Jiwatan jak'a wila masipaw uka jiwayirirux jikxatasin jiwayarakini.

Números 35:27

jiwayat jaqin wila masipax jiwayaskaniwa, marka anqäxantix jiwayir jaqir jikxatkani ukkhaxa, janiw jupax jiwayatapat juchañchat uñjaskaniti.

Mateo 10:30

Ukampis jumanakatxa, ñik'utanakamas mayat mayat suma jakt'atawa.

Hechos 27:34

Jumanakatix qhispiñ munapxstaxa, kunaksay manqt'asipxam, wakisiw ch'amañcht'asipxañamaxa, ukhamata janiw maynis jiwkaniti —sasa.

1 Samuel 14:45

Markasti Saúl reyirux sarakïnwa: —¡Janiw wakiskiti Jonatanan jiwañapaxa, jupaw Israel markarux mä jach'a atipjäwi churistu! ¡Janiw jiwkaspati! ¡Tatit layku, janiw mä ñik'utapas uraqirux jalaqtkaniti! Kuntix jichhüru lurki uksti Tatitun yanapapampiw luraraki —sasa. Ukhamat markax Jonatanarux jiwañat qhispiyäna.

1 Samuel 28:10

Ukampis Saúl reyix Tatitun sutipxar juramentompi arsusin juparux säna: —Uk luratamat janiw kuna mutuyäwis jumxarux jutkaniti —sasa.