2 Reyes 21:7 - Qullan Arunaca

⁷ Uqhamaraquiw Tatitun templopana Asera diosan lantipa uchäna. Uca toketsti Tatitojj sänwa Davidaru, uqhamarac Salomón yokaparusa, aqham sasa: “Jerusalenan aca templo ajlliscta, ucjja Israelan take tribunacapatwa ajllista, sutejjajja wiñay ucancañapataqui.

Aymar Bibliia 1986

⁷ Uqhamaraquiw Tatitun templopana Asera diosan lantipa uchäna. Uca toketsti Tatitojj sänwa Davidaru, uqhamarac Salomón yokaparusa, aqham sasa: “Jerusalenan aca templo ajlliscta, ucjja Israelan take tribunacapatwa ajllista, sutejjajja wiñay ucancañapataqui.

Qullan Arunaka DC

⁷ Ukhamarakiw Tatitun utapan Astarté diosan lantip uchäna, uka tuqitsti Tatitux Davidaru, Salomón yuqaparus sataynawa: “Israelan taqi markanakapatxa, Jerusalén markaruw ajllista, ukan nayan utax uchañataki, ukan wiñay jakañatakiraki.

2 Reyes 21:7 Jak'a apnaqawi uñst'ayäwi

2 Samuel 7:13

Juparaquiw nayataquejj mä templo utacharapitani, nayasti reinopjja wiñayataquipuniw utt'ayaraquëjja.

1 Reyes 8:29

Aca templorojja urus arumasa uñch'uquipunimaya, cawqhantejj jumajj ucancaña arscta ucqhana. Jichhasti ist'amaya aca uywatamana oración luratapa.

1 Reyes 8:44

“Cunapachatï marcamajj uñisirinacapampi nuwasir sarcani, cawqharutejj jumajj qhitcäta; ucqhatpach jumarojj oracionan mayisïtam marcam toke uñtata, uqhamarac nayajj jumataqui templo lurcta uca uñtataraqui ucqhajja,

1 Reyes 9:3

Ucatsti sänwa: “Nayajj ist'smawa oración luratama, uqhamarac nayar mayisitamsa, nayasti k'omachtwa aca templo lurarapquista sutejja ucancañapataqui ucjja. Nayasti uñtanïwa, uqhamarac chuymajjasa ucancaraquiniwa.

1 Reyes 9:7

nayasti Israel marcarojj apakäwa orake churcta ucatjja, uca k'omachata templorusa nayan nayrakatajjatjja apanucüwa, uqhamarac Israel marcajja, yakha marcanacataquisa sapa cuti larusiñataquïniwa.

2 Reyes 16:11

Ucatjja Urías sacerdotejj mä altarwa lurayäna Acaz reyejj Damasco marcata plano apayancäna, take ucar phokhata lurasina, ucatjja tuct'ayatänwa cunapachatï Acaz reyejj Damasco marcata cutt'aniñapäqui ucataqui.

2 Reyes 21:4

Ucjjarusti Tatitun templopanjja altaranacwa lurayäna. Uca toketsti Tatitojj sänwa: “Jerusalenaruwa sutejj-jja uchäjja” sasa.

2 Reyes 23:27

Ucatwa Tatitojj yatiyäna jupan nayrakatapata apakaña Judá marcaru, cunjämtï Israel marcaru apakcatayna uqhama, apanucuñwa munäna ajllisit Jerusalén marcapa, uqhamarac cawquïr templontï sutipa ucancañapa muncäna ucsa.

2 Reyes 23:4

Ucatsti reyejj Hilcías sumo sacerdoterusa, payïri sacerdoterusa, uqhamarac puncu uñjirinacarusa aqham sänwa: “Tatitun templopatjja apsunipjjam Baal diosan, Asera diosan take yänacapa, uqhamarac alajjpachanquir warawaranacan yänacapsa” sasa. Ucatjja ucanacjja ninampiwa naqhantayäna Jerusalén marca ankäjjana Cedrón chekana, ucatsti Betel chekaruw khellanacapjja apjjäna.

2 Reyes 23:6

Tatitun templopanccäna uca Asera diosjja Jerusalenata ankäjjaruw apanucüna. Ninampiwa naqhantayäna khellar tucuyañcama Cedrón sat jawira umakatana, ucatjja uca khelljja willtänwa jakenacan amaya imäwipjjaru.

2 Crónicas 33:15

Ucjjarojj Tatitun templopatjja apakayaraquïnwa yakha marcanacanquiri diosanacaru, uqhamarac uca diosarusa, kollu patanquir templotwa apakayaraquïna c'ari diosanacataqui take altaranaca luraycäna ucanaca, uqhamarac Jerusalenatsa, ucatsti marcat ankäjjaruwa jakonucuyäna.

2 Crónicas 33:7

Ucjjarusti Tatitun templopana c'ari diosana uñnakapa luraycäna ucwa uchayäna, uca toketsti Diosajj Davidarojj ewjjänwa, uqhamarac Salomón yokaparusa, aqham sasa: “Israelana take tribupata ajlliscta, uca Jerusalenanquiri templonwa sutejjajj wiñayataqui ucancani.

2 Crónicas 6:6

ucampis nayajj Jerusalén marcaruw ajllista nayan sutejjajj ucancañapataqui, uqhamaraquiw Davidaru ajllisiracta Israel marcajjaru apnakañapataqui’ sasa.

2 Crónicas 7:12

Tatitojj arumaw juparojj uñstäna, aqham sasa: “Nayajj mayisitamjja ist'twa, uqhamarac aca cheksa templojjataqui, sacrificionacataquiw ajllisiracta.

2 Crónicas 7:16

nayajj aca templorojja ajllistwa, loktaractwa sutejjajj ucan wiñaya ucancañapataqui. Nayasti imäwa, uqhamarac amtasipuniraquïwa.

2 Crónicas 7:20

jumanacarojj apsupjjämaw cawquïr oraktejj jumanacaru churapcsma ucatjja, uqhamarac nayan nayrakatajjatsa apanucuraquïwa cawquïr templotejj nayajj yakhachascta ucjja, ucatsti aca chekjja sapa cuti larusitäñataquiw tucuyä take marcanac taypina.

Nehemías 1:9

ucampisa nanacatejj jumaru cutt'anjjapjjerisma, camachi arunacamaru phokhasina uqhamaru sarnakasaraqui, cawqui aca orake thiyacama jakonucutäcasasa, ucqhatpachwa wasitat apthapipjjetasmajja, kollana chhijllat lugaramaru cawqhantejj sutimajj jaccani ucqharu.

Salmos 74:2

Nayra pachatpach jicjjatasit marcamat amtasim, jumancañapatac khespiyat marcamat qhuyapayasim, utjäwim uchasit Sión kollut amtasiraquim.

Salmos 78:58

jucha lurañ altaranacapampiw Diosarojj k'apisiyapjjäna, acapach diosanacar yupaychatapampiw Diosan chuymap mayjt'ayapjjäna.

Jeremías 32:34

Nayaru catuyata templsa taquisipjjewa, uca ajjtascañ yakha diosanacap ucar uchasisajja.

Jeremías 7:30

Tatitusti siwa: “Judá orakenquir jakenacasti mä jan walwa lurapjje nayaru ñankhachquiri: uca ajjtascañ c'ari diosanacapwa nayar loktat templorojj uchasjjapjje, uqhamat templojja k'añuchapjje.

Ezequiel 23:38

Uqhamarusa acanacwa lurapjje: Mä urunacwa nayan kollan templojj taquisipjje, uqhamaraqui nayan samaraña urojjsa jisc'achapjjaraqui.

Deuteronomio 16:21

“Jan cuna kokanacsa ayrupjjamti yakha diosanacar jach'añchañataqui ni Diosaman altarap jac'arus ayrupjjamti.