2 Reyes 15:4 - Qullan Arunaca

⁴ Ucampis janiw apakatäcänti alto chekan yakha diosanacan santuarionacapajja, jakenacasti ucanjja sacrificionacjja loktasipcaquïnwa, uqhamarac inciensonacsa naqhayasipcaquïnwa.

Aymar Bibliia 1986

⁴ Ucampis janiw apakatäcänti alto chekan yakha diosanacan santuarionacapajja, jakenacasti ucanjja sacrificionacjja loktasipcaquïnwa, uqhamarac inciensonacsa naqhayasipcaquïnwa.

Qullan Arunaka DC

⁴ Ukampis qullu patanakan yupaychañ chiqanakax janiw apaqatäkänti, markachirinakax uka altaranakan wilañchanak luqtasipkakïnwa, inciensonaksa nakhayasipkakïnwa.

2 Reyes 15:4 Jak'a apnaqawi uñst'ayäwi

1 Reyes 15:14

Janisa c'ari diosanacana santuario utanacapa apanucutäcchïna ucasa, Asajj Tatitumpejja suma asquinwa saräna.

1 Reyes 22:43

Josafat reyisti take sarnakäwipanjja cunansa chekapapuniw jacäna, Asa sat awquipjama. Jupan luratanacapasti Tatitun nayrakatapanjja chekapänwa. Ucampis yakha diosanacan santuario utanacapajja, cawqhantejj jakenacajj uca yakha diosanacaru sacrificionaca loktapjjerïna, uqhamarac inciensonacsa naqhantayapjjerïna ucanacasti, janiw apakatäcänti.

2 Reyes 12:3

Ucampis janiw apanucutäcänti alto chekan yakha diosanacan santuarionacapjja, jan ucasti marcajj ucanacanjja loktasipcaquïnwa, sacrificionaca, uqhamarac inciensonacsa naqhayasipcaquïnwa.

2 Reyes 12:4

Mä urusti Joasajj sacerdotenacarojj sänwa: “Jumanacajj apthapipjjam Tatitun temploparu apanipqui uca take ofrenda kollkenaca, sapa maynita cutsuyata kollkenaca cunjämatï mayitäcäna ucar phokhasa, uqhamarac sapa maynisa chuymaparjama Tatitun utaparu take kollke apanqui ucanacaraqui. Ucatsti imata kollkenaca apnakerinacar mayipjjam, templona take cunanacatejj waquisqui asquichaña ucanac lurayapjjañapataqui.

2 Reyes 14:4

Janiraquiw apakcänti alto chekan yakha diosanacar yupaychañ santuarionacjja, cawqhantejj jakenacajj sacrificionaca loktasipcaquïna, uqhamarac inciensonacsa naqhayasipcaquiraquïna.

2 Reyes 15:3

Azarías reyin luratanacapasti chekapänwa Tatitun nayrakatapanjja, cunjämatï Amasías awquipan luratanacapjamaraqui.

2 Reyes 15:34

Jotam reyin luratanacapasti chekapänwa Tatitun nayrakatapana, cunjämtï Uzías awquipana chekapäcäna uqhamaraqui.

2 Reyes 15:35

Jupasti lurayänwa Tatitun templopana patäjja puncupa. Ucampis janiw apakatäcänti alto chekan yakha diosanacan santuarionacapajja, ucansti jakenacajj sacrificionaca loktasipcaquïnwa, uqhamarac inciensonacsa naqhayasipcaquïnwa.

2 Reyes 18:4

Jupawa yakha diosanacar sirviñ alto chekan santuarionaca apakayäna, ajjsarata kalanacsa jisc'a jisc'a tucjayäna, Asera diosan lantinacapsa p'aquirayäna, uqhamarac Moisesajj bronceta mä catari lurcäna Nehustán sata ucsa tucjaraquïnwa. Israelitanacasti uca urunacanjja inciensonacjja uca catarir yupaychasinwa naqhayapjjäna.

2 Crónicas 17:6

Jupasti jach'a cancañampiwa Tatitojj uacht'aycäna uca thacjja saräna, ucatjja mayampwa Judá oraketa apakayäna yakha diosanacapan santuarionacapa, uqhamarac Asera diosan lantinacapsa.

2 Crónicas 32:12

¿Janiti Ezequiasasti apakayquisti Diosar yupaychaña chekanaca, altaranacsa, ucatjja Judá, Jerusalén orakenquiri jakenacarusa saraqui lurapjjañapataqui Diosar yupaychañataquisa, incienso loktañataquesa mä sapa altaranacjja?

2 Crónicas 34:3

Quimsakallko mara apnakascäna ucqhasti jupajj waynäscänwa, ucqharaquiwa nayra David awquipana Diosapar thaktäna. Cunapachatï tunca payan mara apnakascäna ucqhawa Judá orakeru k'omachayäna, uqhamarac Jerusalén marcarusa yakha diosanacan santuario utanacapata, Asera diosan lantinacapatsa, yakha diosanacatsa, uqhamarac hierrot umatatayasa lurat lantinacatsa.