2 Reyes 15:5 - Qullan Arunaca

⁵ Tatitusti reyirojj lepra usumpiwa mutuyäna jiwañapa urucama, uqhamawa reyejja yakhachata utapan jacäna lurañanacap jaytasa. Ucatsti Jotam sat yokapawa sarayäna uqhamarac marcarus apnakaraquïna.

Aymar Bibliia 1986

⁵ Tatitusti reyirojj lepra usumpiwa mutuyäna jiwañapa urucama, uqhamawa reyejja yakhachata utapan jacäna lurañanacap jaytasa. Ucatsti Jotam sat yokapawa sarayäna uqhamarac marcarus apnakaraquïna.

Qullan Arunaka DC

⁵ Tatitux lepra usumpiw Azarías reyirux jiwañap urukam mutuyäna, ukhamaw reyix utapan yaqhachat jakäna, lurañanakap jaytasa, ukatsti Jotam sat yuqapaw lurañanak sarayäna, markarus apnaqarakïna.

2 Reyes 15:5 Jak'a apnaqawi uñst'ayäwi

2 Samuel 3:29

Take juchasti Joab jaken p'ekepjjaru puriscpan, uqhamaraqui take familiapjjarusa, utapansti utjaquipunpan maynisa wila apa usunejja, lepra usunisa, jan ucajj cojosa, jan ucasa jaken jiwayatasa, mank'ata pist'ayasiñasa” sasa.

2 Samuel 8:15

Davidasti take Israel marca apnakaraquïna, take jakenacarusti cheka cancañampi asquimpiraquiw apnakäna.

1 Reyes 3:28

Reyina uqham chekaparu uñjäwipjja take Israel marcpachawa yatipjjäna, ucatsti juparojj asquimpiwa uñjapjjäna, jupanacajj ajjsarapjjänwa Diosajj uca yatiñ cancaña churatapata chekaparu apnakañataqui uca laycu.

1 Reyes 3:9

Jichhasti churitaya yatiñ cancañ chuyma aca marcaru apnakañataqui, uqhamarac uñt'añataqui cunatejj asquïqui, jan walïcaraqui ucanaca; ¿qhitiraqui aca walja jakenacamarusti apnakaspasti?” —sasa.

2 Reyes 15:32

Cunapachatï Remalías chachan Peka yokapajj pä mara apnakascäna ucqhawa Uzías chachan Jotam yokapajj Judá marcjjaru apnakaña kalltäna.

2 Reyes 15:6

Ucat ucjjar Azarías reyin sarnakäwipasa, uqhamarac take luratanacapatsa kellkataw Judänquir reyinacan crónicas sat libropana.

2 Reyes 5:27

Ucampis Naamanan lepra usupaw jumaru maqhatätam, uqhamarac juman wawanacamarusa wiñayataqui. Ucatjja cunapachatï Giezi uywatajj Eliseota sarakawayjjäna ucqhajja, wali lepra usunëjjänwa, qhunur uñtata jank'oquiraquiwa uñtasïna.

2 Reyes 7:3

Uccañcamasti leprampi usuntata pusi chachanacawa jupanaccama parlasipjjäna marcaru mantañ puncuna, aqham sasa: —¿Cunsa lurasctan aca chekana kont'ata jiwaña suyasinjja?

1 Crónicas 5:17

Take jupanacasti kellkatäpjjänwa familiatcama Judá orakena Jotam sat reyin urunacapana, uqhamarac Jeroboam reyin urunacapanaraqui, jupasti Israel oraken reyiparaquïnwa.

Job 34:19

Jupajj janiw marca apnakerinacata arjjatasquiti, janiraquiw kamirinacarusa juc'ampi pobrenacat sipansa munasquiti, jupajjaya take jakerusa uscusiracchejja.

Salmos 72:1

Diosajjay, asqui cancañam reyir catuyam, chekapar uñjañam reyin yokapar churam:

Oseas 1:1

Tatitu Diosajj aca arunacwa Beerin Oseas yokaparu parläna, Uzías, Jotam, Acaz uqhamaraqui Ezequías reyinacan urunacapana; jupanacasti Judá marcan reyinacapänwa; Joás chachan Jeroboam yokapasti Israel marcan reyiparaquïnwa.

Levítico 13:46

Uca llaganacapan utjañapcamasti uca jakejj k'añut uñt'ataquipunïscaniwa, uca jakesti sapaquiraquiw campamentot ankäjjana jacani.

Miqueas 1:1

Aca arunacajj cuntejj Tatitojj Moreset chekan utjir Miqueasaru parljjaycän uca arunacawa. Tatitusti juparojj unañchäwi toket uñacht'ayäna Samariana, Jerusalenana cunanacatejj lurascani uca tokenacata, ucsti uñacht'ayänwa Jotam, Acaz, uqhamarac Ezequías reyinacajj Judá marca apnakcänjja uca urunacana.

Números 12:10

Cunapachatejj kenayajj carpat sarjjäna ucqhajj Mariajj lepra usumpiw uñstäna, take janchinacapas jank'or tucuta. Aaronajj Mariaru uñtasinjja lepra usunwa uñcatäna,

Números 12:14

Tatitu Diosasti ucjjarojj sänwa: “Awquipatejj ajanut thuscataspa ucqhajj pakallko uruw mä p'enka uñjasispa. Ucampisa jichhajj pakallko urunaca campamentotjja jakonucupjjam, ucatwa cutt'anjjapjjani” sasa.

Deuteronomio 24:8

“Uca lepra usunac toketsti sumpun levita sacerdotenacan yatichäwinacaparojj ist'apjjam. Ucanacsti jumanacajj lurapjjañamaw cunjämtï nayajj jupanacaru ewjjawaycta uqhamarjama.