2 Reyes 1:9 - Qullan Arunaca

⁹ Ucat ucspachawa jupar irptayaniri qhitäna mä capitanampi pheska tunca soldadompi. Cunapachatï jupanacajj puripjjäna ucqhasti, Eliasajj mä kollu patana kont'atäscänwa. Ucatjja capitanajj sänwa: —¡Profeta, reyejj: ‘Sarakanim’ sistamwa! —sasa.

Aymar Bibliia 1986

⁹ Ucat ucspachawa jupar irptayaniri qhitäna mä capitanampi pheska tunca soldadompi. Cunapachatï jupanacajj puripjjäna ucqhasti, Eliasajj mä kollu patana kont'atäscänwa. Ucatjja capitanajj sänwa: —¡Profeta, reyejj: “Sarakanim” sistamwa! —sasa.

Qullan Arunaka DC

⁹ Ukat ukspachaw jupax irptaniñapatak mä jilïrir khithäna phisqa tunka soldadonakampi. Puripkän ukkhasti, Eliasax mä qullu patan qunt'atäskänwa. Ukat capitanax jupar säna: —¡Profeta, reyix: “Saraqanpan” sistamwa! —sasa.

2 Reyes 1:9 Jak'a apnaqawi uñst'ayäwi

1 Reyes 17:18

Ucatsti ijma warmejj Eliasarojj sänwa: —¿Cuna lurañajjasa jumampejj utjitu, Diosanquir jake? ¿Jumajj juchanacajja amtayiriti juttajja, ucatjja wawajjaru jiwayiriraqui? —sasa.

1 Reyes 18:10

Nayajj juramento lurta Tatit Diosam laycu, utanejjajja jumarojj qhitanaca qhitasinwa thakaytam take marcanacana, reinonacansa; cunapachatï yatiyapjjäna jan jumana ucancatama ucqhajja, utanijjasti juramentwa lurayäna chekpachana jan jumar jicjjatapjjatapata.

1 Reyes 18:4

Cunapachatï Jezabel warmejj Tatitun profetanacaparu jiwayaña kalltäna ucqhajja, jupajj pataca profetanacaruw apthapïna, ucatjja payaruw jaljäna pheska tuncacama, pä puturuwa imantäna, ucatsti churänwa mank'aña jupanacataqui.

1 Reyes 18:42

Acab reyisti sarjjänwa mank'eri, umiri. Ucatjja Eliasajj Carmelo kollunjja wali alto chekaruwa maqhatäna, ucata kont'asisina p'ekepjja konkorinacap taypiruwa alintäna,

1 Reyes 19:2

Ucatsti Jezabel warmejj mä yatiyirwa Eliasan ucaru qhitäna yatiyaniñapataqui, aqham sasa: “¡Jumatejj Eliasästajja, nayajj Jezabelaraquïtwa! Ucatsti diosanacajj nayarojj walipuni mutuyitpan, kharürojj janitejj aca pachpa horasaru jumar lurcaraquïma, cunjämtï uca profetanacampi lurctajja uqhama ucqhajja” sasa.

1 Reyes 22:8

Israelan reyipasti Josafat reyirojj sänwa: —Maynimpiw utjasqui, jupa tokewa Tatiturojj jisct'aracsna. Ucasti Micaías satawa, Imla sat chachan yokapa. Ucampis nayajj juparojj uñistwa, jupasti janipuniwa nayarojj sumanacjja yatiyquituti, jan ucasti jan walinacaqui yatiyitu —sasa. Ucatsti Josafat reyejj sänwa: —Jan uqham samti —sasa.

2 Reyes 2:25

Ucatsti Eliseojj Carmelo sat kolluruwa sarjjäna uqhamaraqui Samaria chekaruraquiw cutjjaraquïna.

2 Reyes 4:25

Uqhamaw uca warmejj sarawayäna, ucatjja Carmelo sat kolluruwa purïna, cawquinccäntejj profetajj ucaru. Cunapachatï Eliseojj jayat jutir uñjäna ucqhasti, Giezi sat uywataparojj sänwa: —Uñjam, sunamita warmiraquisä.

Jeremías 35:4

Ucatsti temploruw jupanacarojj irparacta, Hanán sat jaken yokanacapan utaparuw irpantta, uca Hanán jakesti Igdalías sat jaken yokaparaquiwa, cawquïritejj Diosaru wali catuyataraqui. Uca utasti, templon jilïripäquis ucanacan utap jac'ancänwa, Salum jaken Maasías sat yokapan utap patana, qhititejj templo uñjiricän uca.

Amós 7:12

Ucatsti, Amasiasajj Amosarojj saraquïnwa: —¡Profeta, acatjj sarjjam! Jumatejj jutir urunacat parlas saranakañ munsta ucajj, Judá marcaru sarjjam;

Mateo 14:3

Uca Herodesaraquiw Juanarojj preso catuntayatayna, cadenampiraquiw cárcel mankhanjja chinuntayatayna. Uqham lurañapataquisti Herodías warmiw juchanïna, jupasti Herodesan Felipe jilapan warmipänwa.

Mateo 26:68

Ucat sapjjaraquïnwa: —Niyaquitejj jumajj Cristöstajja, sapjjeta qhititejj nuwctam uca —sasa.

Mateo 27:29

P'ekeparusti mä ch'aphi corona uscupjjaraquïna, cupi amparaparusti mä vara churapjjaraquïna. Ucatsti jupan nayrakatapar quillt'asisinjja wal larusipjjäna, sapjjaraquïnwa: —¡Jach'achatätaw judionacan Reyipa! —sasa.

Marcos 15:29

Uca cheka pasirinacasti Jesusarojj tokepjjänwa. P'ekenacap qhiwisaw sapjjäna: —¡Ah! Jumajj templo t'unjasin quimsürutac sayt'ayañjjay munchïyätajja.

Marcos 15:32

Jichhatejj Israelan Reyip Cristorojj crusat sarakanquiri uñjsnajja, ucqhapï juparojj iyawssnajja —sasa. Jupamp chic ch'accatatäquis ucanacas uqhamaraquiw tokepjjäna.

Lucas 9:54

Santiagompi Juanampejj uc uñjasinjja, sapjjänwa: —Tata, ¿muntati nanacan alajjpachat nina sarakayaniñajj-jja, ucat jupanacar naqhantañapjja, [cunjämtejj Elías profetajj lurcän uqhama]? —sasa.

Hebreos 11:36

Yakhepanacajj walja jisc'achäwinaca, mutuñanacarac t'akhesipjjäna, juc'ampis carcelanacan cadenanacamp chinuntataraquiw t'akhesipjjäna.

1 Samuel 19:21

Saúl reyisti ucanac yatisinjja, yakha jakenacampwa qhitäna, jupanacasti cunarutejj nayrïri qhitanacajj purcatayna ucaruraquiquiw puripjjataynajja, profetanacjama parlasaraquiqui. Quimsïri cutimpi Saúl reyejj jakenacarojj qhitascaquïnwa, jupanacarusti cunatejj mayninacampi lurascataynajja, ucaraquiquiw lurasïna.