2 Reyes 1:9 - Qullan Arunaka DC

⁹ Ukat ukspachaw jupax irptaniñapatak mä jilïrir khithäna phisqa tunka soldadonakampi. Puripkän ukkhasti, Eliasax mä qullu patan qunt'atäskänwa. Ukat capitanax jupar säna: —¡Profeta, reyix: “Saraqanpan” sistamwa! —sasa.

Aymar Bibliia 1986

⁹ Ucat ucspachawa jupar irptayaniri qhitäna mä capitanampi pheska tunca soldadompi. Cunapachatï jupanacajj puripjjäna ucqhasti, Eliasajj mä kollu patana kont'atäscänwa. Ucatjja capitanajj sänwa: —¡Profeta, reyejj: “Sarakanim” sistamwa! —sasa.

Qullan Arunaca

⁹ Ucat ucspachawa jupar irptayaniri qhitäna mä capitanampi pheska tunca soldadompi. Cunapachatï jupanacajj puripjjäna ucqhasti, Eliasajj mä kollu patana kont'atäscänwa. Ucatjja capitanajj sänwa: —¡Profeta, reyejj: ‘Sarakanim’ sistamwa! —sasa.

2 Reyes 1:9 Jak'a apnaqawi uñst'ayäwi

1 Reyes 17:18

Ukat ijma warmix Eliasar säna: —Tatitun profetapa, ¿kunatarak nayamp katxatasistasti? ¿Jucha luratanakaxata amtayirit jumax utaxar jutta, wawaxan jiwatapampi mutuyañti munistaxa? —sasa.

1 Reyes 18:10

Nayax Tatit Diosam laykuw juramento lurta, uywirixax taqi markanakan walpun jumarux thaqhaytam; kunapachatix jan ukankatam yatiyapxäna ukkhasti, uywirixax juramento lurayäna, chiqpachan jumar jan jikxatapktam ukata.

1 Reyes 18:4

Kunapachatix Jezabel warmix Tatitun profetanakapar jiwarayañ qalltkän ukkhaxa, Abdiasax profetanakat patakaniruw jawsthapitayna, ukatsti phisqa tunkanitkam tamachasinsti, pä puturuw jupanakar imantatayna, ukatsti jupaw manq'añsa, umañsa churatayna.

1 Reyes 18:42

Ahab reyisti manq'iri, umiriw sarxäna. Ukampis Eliasax Carmelo qullun wali amsta chiqaruw makhatäna, ukatsti killt'asisin ajanup qunqurinakap taypir puriyañkamaw alintäna,

1 Reyes 19:2

Ukat Jezabel warmix maynir khithäna Eliasar akham sañapataki: “Nayax jiwayämawa, kunjämtix jumax Baal diosan profetanakapar lurkta ukhama. Janitix qharür akapachax jumax jupanakjam jiwat uñjaskät ukaxa, diosanakax jan khuyapt'ayasis nayar jiwayitpan” sasa.

1 Reyes 22:8

Israelan reyipasti Josafatar sänwa: —Mayniw utjaski, jupa tuqiw Tatiturux jiskt'araksna. Jupasti Micaías satawa, Imlá chachan yuqapawa. Ukampis nayax jupar walpun uñista, jupax janipuniw suma yatiyäwinak yatiykituti, jan ukasti jan walinakak yatiyitu —sasa. Josafat reyisti sänwa: —Jan ukham samti —sasa.

2 Reyes 2:25

Uka qhipatsti Eliseox Carmelo sat qulluruw sarxäna, uka chiqatsti Samariaruw kuttxarakïna.

2 Reyes 4:25

Ukhamaw uka warmix sarawayäna, ukatsti Carmelo sat qulluruw purïna, kawkinkkäntix profetax ukaru. Eliseosti jayat warmir jutir uñjasin, Guehazí uywataparux säna: —Uñjam, sunamita warmirakisä.

Jeremías 35:4

ukatsti Tatitun utaparuw jupanakar irpta, Hanán sat jaqin yuqanakapan utaparuw irpantta, uka Hanán jaqisti Igdalías sat jaqin yuqapänwa, Tatitur wali katuyatarakïnwa. Uka utasti, Tatitun utapan jilïrinakapäkis ukanakan utap jak'ankänwa, Salum jaqin Maasías sat yuqapan utap patana, khititix Tatitun utapar mantañ punku uñjirïkän uka.

Amós 7:12

Ukatsti Amasías sacerdotex Amós profetarux sarakïnwa: —¡Profeta, akat jayar sarxam! Jumatix jutir urunakat parlas sarnaqañ munsta ukaxa, Judá markar sarxam;

Mateo 14:3

Herodes reyipï Bautisir Juanarux katuntayasin carcelar apantayataynaxa. Ukham lurañapatakisti Herodías warmiw juchanïna, khititix Filipo jilapan warmipäkän uka,

Mateo 26:68

akham sasa: —Niyakixay jumax Cristöstaxa, ¡sapxita, khitis nuwtam! —sasa.

Mateo 27:29

p'iqiparusti ch'aphit lurat pillumpiw uskupxäna, kupi amparaparusti mä suqusa lawa ayxaruyapxäna. Ukatsti jupan nayraqatapar killt'asisin wal larusipxäna, sapxarakïna: —¡Jach'achatäpan judionakan Reyipaxa! —sasa.

Marcos 15:29

Uka chiq saririnakasti Jesusarux tuqipxänwa, p'iqinakap khiwisaw sapxäna: —¡Jumax Tatitun utap t'unjasin kimsürut sayt'ayañakxay munchïyätaxa,

Marcos 15:32

¡Israelan Reyip Cristox cruzat saraqanpan, uk uñjasin jupar iyawsañäni! —sasa. Jupamp chik ch'akkatatäpkän ukanakas ukhamarakiw tuqipxäna.

Lucas 9:54

Santiagompi Juanampix uk uñjasin Jesusarux sapxänwa: —Tatay, ¿alaxpachat nina saraqayaniñanakaxti munta, ukat jupanakar nakhantañapataki, kunjämtix Elías profetax lurkän ukhama? —sasa.

Hebreos 11:36

Yaqhipanakasti sawkch'ukita, jawq'jata, cadenanakampi ñach'antata, carcelanakar jist'antataw t'aqhisipxäna.

1 Samuel 19:21

Saúl reyisti ukanak yatisinxa, yaqha jaqinakamp khithäna, jupanakasti mayni khithanakjamarakiw profetanakjam parlapxäna. Kimsïri kutimpi Saúl reyix jaqinakarux khithaskakïnwa, jupanakarusti kunatix mayninakampi luraskatayna, uka kipkarakiw lurasïna.