2 Reyes 1:3 - Qullan Arunaca

³ Ucampis Tatitun angelapajj Tisbe chekanquir Eliasarojj sänwa: “Saram Samarianquir reyin qhitanacapar jicjjatiri, ucatsti jisct'am: ‘¿Janit Israel marcan Diosasti utjquisti, Ecronanquir Baal-zebub sat diosar jisqhiñataquisti?’ sasa.

Aymar Bibliia 1986

³ Ucampis Tatitun angelapajj Tisbe chekanquir Eliasarojj sänwa: “Saram Samarianquir reyin qhitanacapar jicjjatiri, ucatsti jisct'am: “¿Janit Israel marcan Diosasti utjquisti, Ecronanquir Baal-zebub sat diosar jisqhiñataquisti?” sasa.

Qullan Arunaka DC

³ Ukampis Tatitun angelapaw Tisbé chiqankir Eliasarux säna: “Samariankir reyin khithatanakapar jikxatanim, jupanakar jiskt'arakim: ‘¿Janit Israelan Diosax utjki, Ecrón markankir Baal-zebub diosapar jiskt'asir sarasipkañamatakisti?’ ” sasa.

2 Reyes 1:3 Jak'a apnaqawi uñst'ayäwi

1 Reyes 11:33

Salomonasti nayarojj apanucutuwa, ucatsti sidonios ucanacana Astarté sat diosaparuwa yupaychjje; ucatsti yupaycharaquïnwa moabitanacan Quemos sat diosaparuraqui; ucatsti yupaychänwa amonitanacan Milcom sat diosaparuraqui. Jupan luratanacapasti nayan nayrakatajjana janiw sumäquiti, janiraquiw leyinacajjsa, arsüwinacajjsa phokcaraquiti, cunjämatï David awquipajj lurcäna uqhama.

1 Reyes 17:1

Elías profetajj Tisbe sat chekanquirïnwa, Galaad sat orakena, jupasti Acab reyerojj sänwa: “Juramentompiw arsta Israelan Tatit Diosap laycu, qhitirutejj yupaychcta, aca maranacanjja janiw jallojj purcaniti, ni sullasa cunapachatï nayajj siscä ucqhacama” sasa.

1 Reyes 18:1

Maranacasti pasjjänwa. Ucatsti quimsa mara pasatatjja Tatitojj Eliasarojj sänwa: “Saram, ucatsti Acab reyin ucar uñstanim, nayasti jalljja puriyjjäwa aca orakerojja” sasa.

1 Reyes 18:36

Naqhantayas loktañ horasajja, Elías profetajj jac'achasisinjja art'änwa: “¡Tatay, Abrahamana, Isaacana, uqhamarac Israelan Diosapa: uñacht'ayasim jichhüruna jumajj Israelana Diosapätama, nayasti juman sirvirimätajjaraqui, uqhamarac take acanacjja lurctwa juman arumarjama!

1 Reyes 19:5

Ucatsti retama ali mankheru mantasinwa, icjawayjjäna. Ucampis mä angelaw purinisina llamct'äna aqham sasa: “Sartasim, ucatjja mank'asim” sasa.

1 Reyes 19:7

Ucampis Tatitun angelapajj payïri cutinwa jutäna, llamct'asinjja sänwa: “Sartasim, ucatjja mank'asim, thaqui sarañamajja wali jayäsquiwa jumataquejja” sasa.

1 Reyes 21:17

Ucatsti Diosajj Tisbe chekanquir Eliasarojj sänwa:

2 Reyes 1:2

Ocozías reyisti palaciopana altos patatjja mä ventanatwa jalaktäna Samaria marcana, ucatsti wali chhojjriñchjatänwa. Ucatjja jupajj Ecronanquiri Baal-zebub sat diosar jisct'iriw qhitanaca qhitasïna: “Waliptjjeristti, janicha” sasa.

2 Reyes 1:6

Jupanacasti sapjjänwa: —Mä chachawa sarquipana jicjjatapjjetu, ucatsti yatiyapjjetuwa cutt'jjapjjañanacajja qhitanipquitu uca reyin ucaru, ucatsti sapjjaraquituwa: Aqham siw Tatitojja: ‘¿Janit Israel marcan Diosasti utjquisti, Ecronanquir Baal-zebub diosar jisct'ir qhitañamataquisti? Uqham luratamatsti, janiw iquiñamata sartcjjätati, jan ucasti jiwjjätawa’ —sasa.

2 Reyes 1:8

Jupanacasti ucjjarojj sapjjänwa: —Uca chachajj t'awrarara isinïnwa, uqhamarac cinturapana lip'ichita lurat cinturonanïnwa —sasa. Reyisti ucjjarojj jach'atwa arsüna: —¡Tisbe chekanquir Eliasaraquisä! —sasa.

2 Reyes 5:15

Ucatsti jupasa, uqhamarac qhitinacatejj jupamp chica jutapcäna ucanacasa Eliseon ucaruw sarapjjäna. Purisinsti Naamán generalajj Eliseorojj sänwa: —¡Jichhajj yatjjtwa, take orakpachanjja janiw Diosajj utjquiti, jan ucasti Israelanacwa utji! Jichhasti achict'ssmawa mä wajjt'äwi catokt'ita aca juman sirvirimata —sasa.

2 Reyes 5:8

Eliseo profetajj reyin uca carta catokasina isipa ch'iyanokasitap yatisinjja, qhitänwa aqham siri: “¿Cunatsa isima ch'iyanokastajja? Uca chachajja nayar uñjir jutpan, ucatsti yatïtawa Israelana mä profeta utjatapa” sasa.

Salmos 76:1

Diosajj Judá oraken uñt'atawa, sutipajj Israel marcan wali aytatawa;

Isaías 8:19

Jakenacasti sapjjaraquïtamwa: ‘Jiwatanacan ajayunacapar jisct'asipjjam, uca yatiri jakenacarusti qhitinacarutejj jisc'at chhiphisisipqui ucanacaru. ¿Janit mä marcasti diosanacaparu jisct'ascaspasti, janit jiwirinacarusa, jaquirinacjjata suma amuyt'äwi arunaca maycaspa?

Jonás 2:8

Yakha diosanacar arquir jakenacasti janiw jumatacjamäcjjapjjeti.

Marcos 3:22

Jerusalenat jutiri ley yatichirinacajj sapjjaraquïnwa: “Aca jakejj Beelzebú jilïr ajayun mantatäpachawa, ucatpï ajayunacarojj jakenacat alissojja” sasa.

Hechos 8:26

Uca khepatsti, Diosan mä angelapaw Feliperojj parläna: “Sartam, ucatsti aynach toker sararaquim, Jerusalenat Gazar sarakquis uca thaqui cheka” sasa. Uca thaquisti wasar chekwa pasawayi.

1 Samuel 17:46

Jichhajj Tatitojj jumarojj amparajjaruw catuyitani, ucatsti jichhpachaw jiwt'ayäma, p'ekemsa apakaraquïmawa. Uqhamarac filisteonacan janchipsa alajjpach jamach'inacaruw mank'añanacapataqui churä, pampanquir animalanacaw mank'apjjaraquini. Uqhamatwa take jakenacajj yatipjjani, Israelanjja mä Diosajj utjatapa.