2 Reyes 1:3 - Qullan Arunaka DC

³ Ukampis Tatitun angelapaw Tisbé chiqankir Eliasarux säna: “Samariankir reyin khithatanakapar jikxatanim, jupanakar jiskt'arakim: ‘¿Janit Israelan Diosax utjki, Ecrón markankir Baal-zebub diosapar jiskt'asir sarasipkañamatakisti?’ ” sasa.

Aymar Bibliia 1986

³ Ucampis Tatitun angelapajj Tisbe chekanquir Eliasarojj sänwa: “Saram Samarianquir reyin qhitanacapar jicjjatiri, ucatsti jisct'am: “¿Janit Israel marcan Diosasti utjquisti, Ecronanquir Baal-zebub sat diosar jisqhiñataquisti?” sasa.

Qullan Arunaca

³ Ucampis Tatitun angelapajj Tisbe chekanquir Eliasarojj sänwa: “Saram Samarianquir reyin qhitanacapar jicjjatiri, ucatsti jisct'am: ‘¿Janit Israel marcan Diosasti utjquisti, Ecronanquir Baal-zebub sat diosar jisqhiñataquisti?’ sasa.

2 Reyes 1:3 Jak'a apnaqawi uñst'ayäwi

1 Reyes 11:33

Salomonax nayar apanukutuwa, sidonionakan Astarté sat diosaparuw yupaychxi; moabitanakan Quemós sat diosaparu; amonitanakan Milcom sat diosaparuw yupaycharaki. Jupan luratanakapasti nayan nayraqataxan janiw sumäkiti, janirakiw kamachinakaxsa, arsüwinakaxsa phuqkiti, kunjämtix David awkipax lurkän ukhama.

1 Reyes 17:1

Elías profetax Galaad uraqinkir Tisbé markankirïnwa. Mä urusti jupax Ahab reyiruw säna: “¡Israelan Tatit Diosap laykuw juramentompi arsta, jupan luqtiripätwa, janiw aka maranakan jallusa, sullasa purxatkaniti, kunapachatix nayax siskä ukkhakama!” sasa.

1 Reyes 18:1

Kimsa maraw jallux jan purkxataynati, Samaria markansti taqiniw manq'atjam t'aqhisisipkäna, janiw manq'añax utjkänti. Ukapachaw Tatitux Eliasar säna: “Ahab reyimp parlir saram, nayasti aka uraqir jallu puriyxäwa” sasa.

1 Reyes 18:36

Nakt'at wilañcha luqtañäki ukapachasti, Elías profetax jak'achasisin jach'at art'asïna: “¡Tatay, Abrahamana, Isaacana, Israelan Diosapa: jichhürun juman Israelan Diosapätama, nayasti juman luqtirimätam taqin yatipxpan, ukhamaraki juman arsutamarjam taqi akanak lurataxsa!

1 Reyes 19:5

Ukatsti retama ali thiyan ikjawayxäna. Ukampis mä angelaw purinisin llamkt'äna akham sasa: “Sartasim, ukat manq'asirakim” sasa.

1 Reyes 19:7

Ukampis Tatitun angelapax payïr kutin jutäna, ukatsti jupar llamkt'asin säna: “Sartasim, ukat manqt'asim, thakhi sarañamax wali jayäskiwa” sasa.

1 Reyes 21:17

Ukapachaw Diosax Tisbé chiqankir Eliasar säna:

2 Reyes 1:2

Mä urusti Ocozías reyix Samaria markan reyi utapan utjir alay ventanat jalaqtäna, jupasti wali chhuxriñchjataw jikxatasïna. Ukatsti jupax Ecrón markankir Baal-zebub sat diosapar jiskt'ayiriw khithanak khithäna: “Waliptxiristti, janicha” sasa.

2 Reyes 1:6

Jupanakasti ukxaruw sapxäna: —Sarkiriruw mä chachax jikxatapxitu, ukat sapxitu: “Khithanipktam uka reyin ukar kuttapxam, jupar sapxarakim: ‘Akham siw Tatituxa: ¿Janit Israel markan Diosasti utjki, Ecronankir Baal-zebub diosar jiskt'ayir khithañamatakisti? Ukham luratamatsti, janiw ikiñamat sartkxätati, jiwxätawa’ ” —sasa.

2 Reyes 1:8

Jupanakasti ukxaruw sapxäna: —Uka chachax t'awrarar isinïnwa, lip'ichit lurat wak'ampi wakt'atänwa —sasa. Reyisti jach'at arsüna: —¡Tisbé chiqankir Eliasarakisä! —sasa.

2 Reyes 5:15

Ukat jupampi, jupa chik jutirinakampisa, Eliseon ukaruw sarapxäna. Jupan ukar purisinsti, Naamanax sänwa: —¡Jichhax yatxtwa, taqi uraqpachan janiw Israelan Diosapjam yaqhax utjkiti! Jichhasti achikt'asïma, mä churäwiy naya, luqtirimat katuqt'asita —sasa.

2 Reyes 5:8

Eliseo profetasti reyin uka qillqat katuqasin isip ch'iyanuqasitap yatisinxa, mayniruw reyir sañapatak khithäna: “¿Kunatarak isim ch'iyanuqastasti? Uka chachax nayan ukar jutpan, ukhamat yatini, Israel markan mä profetan utjatapa” sasa.

Salmos 76:1

1 (2) Diosax Judá uraqin uñt'atawa; sutipax Israel markan wali aytatawa.

Isaías 8:19

Jaqinakasti sapxarakïtamwa: “Jiwatanakan ajayunakapar jiskt'asipxam, jisk'at chhiphisisipkir layqa jaqinakar jiskt'asipxam. ¿Janit mä markasti diosanakapar jiskt'askisti, janirakit jiwatanakarusa, jakirinakxat suma amuyt'äwi arunak mayiskisti,

Jonás 2:8

8 (9) Yaqha diosanakar arkir jaqinakax janiw jumatakjamäkxapxiti;

Marcos 3:22

Jerusalenat jutir kamachi yatichirinakasti sapxarakïnwa: “Aka jaqix Beelzebú jilïr ñanqha ajayun mantatäpachawa, ukatpï ñanqha ajayunakarux jaqinakat alissuxa” sasa.

Hechos 8:26

Uka qhipatsti, Diosan angelapaw Feliper säna: “Wasaranjam sarañatak wakichasim, aynach tuqiruw saräta, Jerusalenat Gaza markar saraqkis uka thakhinjama” sasa.

1 Samuel 17:46

Jichhasti Tatitux amparaxaruw jumar katuyitani, ukatsti jichhpachaw jiwt'ayäma, p'iqimsa apaqarakïma, filisteonakan jiwata janchipsa alaxpach jamach'inakana, pampankir animalanakan manq'antañapatakiw churä. Ukhamat taqinis yatipxani, Israel markan mä Diosan utjatapa,