2 Reyes 1:2 - Qullan Arunaka DC

² Mä urusti Ocozías reyix Samaria markan reyi utapan utjir alay ventanat jalaqtäna, jupasti wali chhuxriñchjataw jikxatasïna. Ukatsti jupax Ecrón markankir Baal-zebub sat diosapar jiskt'ayiriw khithanak khithäna: “Waliptxiristti, janicha” sasa.

Aymar Bibliia 1986

² Ocozías reyisti palaciopana altos patatjja mä ventanatwa jalaktäna Samaria marcana, ucatsti wali chhojjriñchjatänwa. Ucatjja jupajj Ecronanquiri Baal-zebub sat diosar jisct'iriw qhitanaca qhitasïna: “Waliptjjeristti, janicha” sasa.

Qullan Arunaca

² Ocozías reyisti palaciopana altos patatjja mä ventanatwa jalaktäna Samaria marcana, ucatsti wali chhojjriñchjatänwa. Ucatjja jupajj Ecronanquiri Baal-zebub sat diosar jisct'iriw qhitanaca qhitasïna: “Waliptjjeristti, janicha” sasa.

2 Reyes 1:2 Jak'a apnaqawi uñst'ayäwi

1 Reyes 11:33

Salomonax nayar apanukutuwa, sidonionakan Astarté sat diosaparuw yupaychxi; moabitanakan Quemós sat diosaparu; amonitanakan Milcom sat diosaparuw yupaycharaki. Jupan luratanakapasti nayan nayraqataxan janiw sumäkiti, janirakiw kamachinakaxsa, arsüwinakaxsa phuqkiti, kunjämtix David awkipax lurkän ukhama.

1 Reyes 14:3

Jupatakisti, tunka t'ant'ampi, tortanakampi, mä wayucha misk'impi apxarusiwayam, ukatsti jupan ukaru saram, aka wawasax kunänisa uk yatxatiri —sasa.

1 Reyes 22:34

Ukampis mä soldadow inach'usar mä mich'i antutt'asin, Israelan Ahab reyipar wakt'ayäna, jark'aqasiñ isipan ch'ukupat mantayasa. Ukat reyix carro apnaqiripar säna: —Qhipar kutt'xam, aka nuwasiñ taypit apsxita, sinti jan wali chhuxriñchjatätwa —sasa.

1 Reyes 22:40

Ahab reyin jiwatapatxa, Ocozías yuqapaw jupa lantix marka apnaqäna.

2 Reyes 1:16

purisasti reyir akham säna: —Tatitux akham siwa: “Khithanak Ecronankir Baal-zebub sat diosar jiskt'ayasir khithatamata, Israelan janis Diosax jiskt'asiñatak utjkaspa ukham luratam laykux, ikiñamat janiw sartkxätati, jiwxätawa” —sasa.

2 Reyes 1:3

Ukampis Tatitun angelapaw Tisbé chiqankir Eliasarux säna: “Samariankir reyin khithatanakapar jikxatanim, jupanakar jiskt'arakim: ‘¿Janit Israelan Diosax utjki, Ecrón markankir Baal-zebub diosapar jiskt'asir sarasipkañamatakisti?’ ” sasa.

2 Reyes 1:6

Jupanakasti ukxaruw sapxäna: —Sarkiriruw mä chachax jikxatapxitu, ukat sapxitu: “Khithanipktam uka reyin ukar kuttapxam, jupar sapxarakim: ‘Akham siw Tatituxa: ¿Janit Israel markan Diosasti utjki, Ecronankir Baal-zebub diosar jiskt'ayir khithañamatakisti? Ukham luratamatsti, janiw ikiñamat sartkxätati, jiwxätawa’ ” —sasa.

2 Reyes 17:16

Tatit Diosapan kamachi arunakap apanukusasti, broncet pä vaca qallu lursusipxäna, ukhamarus Astarté diosar uñtatanak lurapxäna, ukatsti Baal diosaru, intiru, phaxsiru, warawaranakaruw yupaychapxäna.

Job 31:3

¡Ñanqha jucharar jaqir wakt'ki uka t'aqhisiñaki!

Cantar de los cantares 2:9

Nayan munasitaxax mä tarujar uñtatawa, mä jisk'a taruja qallur uñtatawa. ¡Akaxay punku qhipäxankxiwa, ventanaruw makhatani, reja qhipäxat uñch'ukisisinki!

Isaías 19:3

Amuyunakap mayjt'ayä, amtatanakapsti t'unjarakïwa. Ukapachaw jiskt'asipxani: yaqha diosanakaru, layqanakaru, jiwatanakan ajayunakaparu, yatiri jaqinakaru.

Isaías 2:6

Tatay, wawanakamarux apanuktawa, Jacobun markaparus apanuktawa; markasti inti jalsu tuqit jutapki uka yatir jaqinakan phuqhantatawa, filisteo yatir jaqinakan phuqhantatawa, jaya markankir jaqinakampiw jan walitak arust'äwinak lurapxi.

Isaías 37:12

¿Nayra awkinakaxax aka markanakar t'unjkäna: Gozán, Harán, Résef, ukhamarak Bet-edén markankir jaqinakas Telasar chiqan jakapkäna ukanakarux diosanakapax qhispiyiti?

Isaías 37:19

diosanakapsa ninampiw nakhantayapxi, ukanakax janiw chiqpach diosäpkänti, jan ukasti lawata, qalata jaqin lurat diosanakakïnwa. Ukat t'unjapxixa.

Mateo 10:25

Mä yatiqiritix yatichiripjamäxchixa, ukampix kusisitakïxañapawa, mä uywatatix uywiripjamäxchixa, ukampix kusisitakïxañapawa. Utanirutix Beelzebú sas sutichapxchixa, juk'amp jan walinak utankirinakarux sapxani.

Marcos 3:22

Jerusalenat jutir kamachi yatichirinakasti sapxarakïnwa: “Aka jaqix Beelzebú jilïr ñanqha ajayun mantatäpachawa, ukatpï ñanqha ajayunakarux jaqinakat alissuxa” sasa.

Lucas 11:15

ukampis yaqhipanakax sapxänwa: “Aka jaqix Beelzebú sat jilïri supayan ch'amapampiw ñanqha ajayunak alissu” sasa.

Hechos 20:9

Eutico sat mä waynaw ventanan qunuskäna. Pablon wali arumkam parlatap laykusti, uka waynarux ikiw wal atipjäna, jupasti ikimp atipjayasisin kimsïr amsta utat pampar jalaqtäna, juparusti jiwat waytapxäna.

Josué 15:11

Uka chiqatsti Ecrón amsta qullunakanjam saraskakïna, Sicrón tuqir muytanisina, Jabneel chiqakama, Baalá qullu sarakipasa, ukat Mar Mediterráneo jach'a qutar puriñkama.

Jueces 11:24

Quemós diosamatix mä kunsa jumankañapatak churätam ukaxa, jumax ukanakxa jumankirit uñt'astaxa, ¿janich ukhamäkixa? Uka kipkarakiw nanakax kuntix Tatitux nanakar churapkitu ukanakxa, nanakankirit uñt'asxapxta.

Jueces 5:28

“Sísara chachan taykapax llakt'ataw uta ventanar jak'achasisin säna: ‘¿Kunatarak carropasti jan mäki purinisti? ¿Kunatarak nuwasiñ carropasti qhipt'pachasti?’ sasa.

1 Samuel 5:10

Ukhamïpansti filisteonakax Diosan arcap Ecrón markaruw apxapxäna; ukampis kunapachatix arcax uka markar purkäna ukkhasti, Ecrón markankirinakax wal arnaqasipxäna: “¡Israel markan Diosapan arcapxa taqi jiwasanakar jiwarayañatakiw apanipxi!” sasa.