2 Pedro 2:19 - Qullan Arunaca

¹⁹ “Khespita sarnakasiñ churapjjäma” sapjjewa, ucampis jupanacpachaw juchan esclavopäsipqui, sapakat jakeraquiwa cuna juchampitï atipjayasqui ucan esclavopajja.

Aymar Bibliia 1986

¹⁹ “Khespita sarnakasiñ churapjjäma” sapjjewa, ucampis jupanacpachaw juchan esclavopäsipqui, sapakat jakeraquiwa cuna juchampitï atipjayasqui ucan esclavopajja.

Qullan Arunaka DC

¹⁹ “Qhispita sarnaqasiñ churapxäma” sapxiwa, ukampis jupanakpachaw juchan t'aqhisiyat sarnaqasipki; sapaqat jaqirakiw kuna juchampitix atipjayaski uka juchampi t'aqhisiyat sarnaqaski.

2 Pedro 2:19 Jak'a apnaqawi uñst'ayäwi

Isaías 28:1

¡Ay Samaria, Efrainan jach'a jach'a tucuñapa, uqhamaraqui machiri marca; ancuntat pankaranacampi lurat pankar arco, uca suma valle patan utjasiri jakenacapas vinompi atipjata jakenaca!

Jeremías 23:9

Profetanac toketa arunaca: Chuymajjanjja mayjt'atapunïtwa, janchejjasti wal qhathatiraqui, machata jaker uñtatätwa, vinompi k'ala atipjatäquiristsa uqhama, Tatitun arunacap laycu, uqhamarac Tatitu laycu.

Levítico 13:8

Ucatsti sacerdotejj wasitata uñjjatasinjja, uca llagan juc'ampi take janchinjama akatatatapatjja, ucapachasti sacerdotejj uca jakerojj jan k'oma jaketwa khanañchjjani, uca jakejj lepra usunïtap laycu.

Juan 8:34

Jesusasti ucjjarojj sänwa: —Khanacwa sapjjsma, take jucha luririnacajj juchan esclavonacapawa.

Hechos 19:16

Uqham sasaw ñankha ajayun mantat chachajj jupanacar thokcatäna, ucatsti wali ch'amampiw jupanacarojj nuwanokäna. Uqham nuwjatasti, sinti usuchjataraquiw jupanacajj k'alalpach uca jaken utapatjja jaltjjapjjäna.

Gálatas 5:1

Cristojj libre sarnakasiñwa churistu, jiwasanacan uqham sarnakasiñasataqui. Jumanacajj ch'amampi uca khespiyat jacañan sarantapjjam, jan wasitampi esclavon jacäwiparu cutt'apjjamti.

Gálatas 5:13

Jumanacajj jilatanaca, khespiyat sarnakasiñaru jawsatäpjjtawa, ucampis jan uca libre sarnakasiñ tumpanejj janchin munañaparjam sarnakapjjamti, jan ucasti maynit maynicama yanapt'asipjjañamawa munasipjjatanacam laycu.

2 Timoteo 2:26

Uqhamata p'arjjtapjjañapataqui, ucatsti Supayan sipitapatsa jaltapjjañapataqui, cawquïritejj preso catjjäsqui uqhamarac cuntejj juparojj lurañ munqui ucata.

Tito 3:3

Jiwasajj nayrajj uqham jan amuyt'anïpjjaraquïyätanwa, Diosar jan jaysiri, chhaktata, uqhamarac cunayman jan wali munañanacan esclavopäyätanwa. Ñankha lurañanacana, envidiasiñanacana jacascaraquïyätan uñisita, uqhamaraqui jiwascam uñisisisa.

1 Pedro 2:16

Khespiyata sarnakasiñan jakenacjam sarnakapjjam, ucampis uca khespiyat sarnakasiñanacamasti janiraqui cuna jan wali lurañataquïpasa, jan ucasti Diosan esclavonacapjam sarnakapjjam.

2 Pedro 1:4

Ucanac toketaracwa, arsüwinacapsa churistojja, uca arsüwinacapasti wali jach'anacawa, wali asquiraquiwa. Uqhamata jumanacajj uca Diosan arsüwinacap toke cunatejj Diosan utjqui uca catokapjjañamataqui, acapach k'añu yänacatsti jaltjjapjjañamaraqui.

2 Pedro 2:20

Qhitinacatejj Tatit Jesucristo Khespiyiriru uñt'asin uca jan wali luräwinacat jaltanjjapjje, ucatsti khepatjja juchar cutt'asina jucha lurañanacampi atipjayasipjjaraqui ucanacajja, nayra jacañanacapat sipansa juc'ampi jan walëjjapjjewa.