2 Pedro 2:19 - Qullan Arunaka DC

¹⁹ “Qhispita sarnaqasiñ churapxäma” sapxiwa, ukampis jupanakpachaw juchan t'aqhisiyat sarnaqasipki; sapaqat jaqirakiw kuna juchampitix atipjayaski uka juchampi t'aqhisiyat sarnaqaski.

Aymar Bibliia 1986

¹⁹ “Khespita sarnakasiñ churapjjäma” sapjjewa, ucampis jupanacpachaw juchan esclavopäsipqui, sapakat jakeraquiwa cuna juchampitï atipjayasqui ucan esclavopajja.

Qullan Arunaca

¹⁹ “Khespita sarnakasiñ churapjjäma” sapjjewa, ucampis jupanacpachaw juchan esclavopäsipqui, sapakat jakeraquiwa cuna juchampitï atipjayasqui ucan esclavopajja.

2 Pedro 2:19 Jak'a apnaqawi uñst'ayäwi

Isaías 28:1

¡Ay Samaria marka, Israel markan jach'a jach'a tukuñapa, machantat marka; ankuntat panqaranakampiw k'achachasta, uka suma qhirwan utjasiri marka, jaqinakapas vino umañamp atipjatanaka!

Jeremías 23:9

Profetanakxat arunaka: Tatituw mä aski yatiyäw churitu, ukat chuymaxax mayjt'at jikxatasi, janchixasti wal khathatiraki, machat jaqir uñtatätwa, vinompi q'ala machjatäkiristsa ukhama.

Levítico 13:8

Ukatsti sacerdotex wasitat uñxatasinxa, uka llixtitix juk'ampi taqpach janchipar aqatatatätap amuyxani ukkhasti, sacerdotex uka jaqirux q'añu jaqit qhanañchxani, uka jaqin lepra usunïtap layku.

Juan 8:34

Jesusasti jupanakarux sänwa: —Qhanak sapxsma, jucha luririnakax juchan uywatapawa.

Hechos 19:16

Ukspachaw ñanqha ajayun mantat chachax jupanakar thuqkatäna, ukatsti wali ch'amampiw jupanakar nuwanuqäna. Ukham nuwjatasti, sinti usuchjatarakiw jupanakax q'alalpach uka jaqin utapat jaltxapxäna.

Gálatas 5:1

Cristox qhispiyat jakasiñ churistu, jiwasanakan qhispiyat sarnaqasiñasataki. Ukalayku, jumanakax ch'amampi uka qhispiyat jakañan sarantapxam, jan wasitampi t'aqhisiyat jakañar kutt'apxamti.

Gálatas 5:13

Jilatanaka, Tatitux jumanakar qhispiyat sarnaqasiñaruw jawsapxtam; jumanakasti jan uka qhispiyat sarnaqasiñ tumpanix janchin munañaparjam sarnaqapxamti, jan ukasti, munasiñ laykuy maynit maynikam yanapt'asipxam.

2 Timoteo 2:26

p'arxtapxañapataki, ukatsti supayan sipitapat jaltapxañapataki, khititix katuntasin munañapar apnaqki ukata.

Tito 3:3

Nayrapachasti jiwasanakax ukham jan amuyt'anïpxäyätanwa, Tatitur jan jaysiri, chhaqtata, kunayman jan wali munañanakan t'aqhisiyatapäyätanwa. Ñanqha lurañanakana, munapayañanakana, uñisita, jiwaskam uñisis jakaskarakïyätan.

1 Pedro 2:16

Qhispiyat jaqinakjam sarnaqasipxam, ukampis uka qhispiyat sarnaqañ tumpampix janirak jan walinak lurapxamti, jan ukasti Diosan iyawsirinakapjam sarnaqapxam.

2 Pedro 1:4

Ukanak tuqiw arsüwinakapsa churistu, uka arsüwinakapasti wali jach'anakawa, wali askirakiwa, ukhamat jumanakax Tatitun arsüwinakap tuqi, akapach q'añu luräwinakat jaltxasin Diosan aski kankañap katuqapxañamataki.

2 Pedro 2:20

Khitinakatix Tatit Jesucristo Qhispiyirisar uñt'asin uka jan wali luräwinakat jaltxapxi, uka qhipatsti juchar kutt'asina jucha lurañanakampi atipjayasipkaraki ukanakax, nayra jakañanakapat sipansa juk'ampi jan walïxapxiwa.