2 Pedro 1:18 - Qullan Arunaca

¹⁸ Nanacaw alajjpachat jutir uca ar ist'apjjta, Tatitump chica uca kollan kolluncasipcäyät ucqha.

Aymar Bibliia 1986

¹⁸ Nanacaw alajjpachat jutir uca ar ist'apjjta, Tatitump chica uca kollan kolluncasipcäyät ucqha.

Qullan Arunaka DC

¹⁸ Nanak pachpaw alaxpachat jutir uka aru ist'apxta, Tatitump chika qullan qullunkasipkäyäta ukapacha.

2 Pedro 1:18 Jak'a apnaqawi uñst'ayäwi

Éxodo 3:1

Moisesasti Jetro sat awcch'ipan ovejanacapwa awatïna, uca awcch'ipasti Madián sat chekanjja sacerdotënwa. Ucampis mä urojja ovejanacwa wali jayaru wasaranjama anaquïna, Horeb sat Diosan kolluparu puriñcama.

Éxodo 3:5

Ucat Tatitojj saraquïna: —Jan jac'achanimti, wisqhuma cayumat apsusim cawqhanctatejj uca orakejja kollanawa.

Isaías 11:9

Nayan kollan kollojjansti janiw qhiti cuna ñankha luriris utjcaniti, cunjämatejj umajj k'al phokhantejja uqhamaraquiw Tatitun yatiñapajj take marcpacharu phokhantani.

Isaías 56:7

nayajj kollana kollojjaruw jupanacarojj apanëjja, oración lurañ utajjansti c'uchiquïpjjaraquiniwa. Sacrificionac loktasinipjjatanacapsti altarajjanjja catokaraquïwa, nayan utajjajj take marcanacataqui oración lurañ uta sataraquïniwa.”

Zacarías 8:3

Cutt'anïwa Jerusalenarojja, ucan jacañataqui. Ucqhaw Jerusalenajj Cheka Marca sutichatänejja; take ch'amani Tatitun kollupasa Kollana Kollu sataraquïnejja.

Mateo 17:6

Uc ist'asinjja discipulonacapajj oraker ajanup puriyañcamaw quillt'asipjjäna, walrac ajjsarapjjäna.

Josué 5:15

Diosan ejercitopan jilïripasti aqham sänwa: —Wisqhum cayumat apsusim, cawqha chekarutï tact'cta ucqhajj kollanawa —sasa. Ucatsti Josué chachajj uqhamwa luräna.