2 Pedro 1:12 - Qullan Arunaca

¹² Ucatpï nayajj jumanacarojj take acanacjja amtayasinipcaquïmajja, yatipctas, uqhamarac iyawsapctas uca cheka arunacanjja suma sayt'asipcsta ucasa.

Aymar Bibliia 1986

¹² Ucatpï nayajj jumanacarojj take acanacjja amtayasinipcaquïmajja, yatipctas, uqhamarac iyawsapctas uca cheka arunacanjja suma sayt'asipcsta ucasa.

Qullan Arunaka DC

¹² Ukatpï nayax taqi akanak jumanakarux amtayasinipkakïmaxa, yatipkta ukasa, yatichapktam uka chiqa arunakar iyawsas sayt'asipkta ukasa.

2 Pedro 1:12 Jak'a apnaqawi uñst'ayäwi

Hechos 16:5

Uqhamat iglesianacajj wali ch'aman sayt'apjjäna iyawsäwinacapana. Tatitur iyawsirinacasti sapürunjamaw yapjjattaraquïna.

Filipenses 3:1

Jichhasti munat jilatanacajja, Tatituncjjasinjja cusisipjjam. Nayataquejj janiw cuna ch'amäquis jumanacar wasitat kellkaniñajja, ucasti jumanacataquejj asquiwa.

Colosenses 1:5

cuna suyt'äwtï jumanacajj suyasipcta uca laycu, ucasti jumanacataquejj alajjpachan imatäsquiwa. Uca suyt'äwsti jumanacajj catokapjjaractawa Diosan khespiyasiñ arunacap ist'apjjatam laycu.

Colosenses 2:7

Jumanacan jacañanacamasti jupan saphintatäñapawa, jupjjaru suma utt'atäpjjañamaraquiwa iyawsäwi laycu, cunjämatï yatichatäpcäyäta uqhama, Diosaru yuspagarasapuni.

1 Timoteo 4:6

Actejj yatichäta jilatanacarojja, Jesucriston mä suma sirviripäyätawa, ch'amañchasïtawa iyawsäwi arunacampi, suma yatichäwinac arcatamampi.

2 Timoteo 1:6

Ucatwa ewjjt'sma, jacatatayjjam cuna churäwtejj Diosajj churctam cunapachatejj nayajj amparajj jumjjaru lokjjatcäyätjja ucqha.

Hebreos 10:32

Ucampis amtasipjjaraquimay nayra urunacamjja, cunapachatejj Diosan khanap catokapcäyäta, uqhamarac llamp'u chuymampi nuwasiñanacan t'akhesipcäyäta ucanacatjja.

Hebreos 13:9

Janiy yakha jan uñt'cay yatichäwinacampejj apayasipjjamti. Waquisiwa chuymanacasaru munasir Diosan ch'amap catokañasajja, mank'añataquejj cunayman leyinacas utjchi ucasa. Take aca leyinacajja janipuniw cuna ascsa lurcänti arquirinacaparojja.

1 Pedro 5:10

Ucampis uca mä juc'a urunacana t'akhesipjjatama pasjjepansti, Diosajj jumanacarojj sumwa tucuyapjjätam, sum sayt'ayapjjaraquïtam. Uca Diosasti qhititejj take bendicionanac churquistu ucawa, uqhamarus Jesucristompi chicäñasataquiraquiwa jawsistu wiñayataqui.

1 Pedro 5:12

Silvanojj nayataquejj mä suma asqui jilatat uñt'atawa, juparaquiw aca cartjja jumanacatac apani. Nayasti ewjjt'apjjsmawa, ucatsti chekwa sapjjsma cuna bendicionanactejj Diosat catokapctas ucajj, Diosan cheka munasiñapwa uñacht'ayistu. Aca tokensti sumpun sayt'asipjjam.

2 Pedro 1:13

Nayataquisti amuyatajjatjja, waquisipuniwa jaccasinjja jumanacar amtt'ayañajja aca ewjja arunacampi.

2 Pedro 1:15

Ucampis cunjämatsa waquisiyäwa, jumanacajj jiwatajjat khepatsa aca arunacatjja amtasisipcañamataquipuni.

2 Pedro 3:1

Munat jilatanaca, acajj payïri cartwa kellkanipjjsma, paypach carta apayanipcsma ucanacanjja ewjjanac toke walwa amuyt'ayañ munapjjsma.

2 Pedro 3:17

Ucatpï munat jilatanaca, niyaquitejj jumanacajj acanacjja jichhatpach yatjjapjjstajja, ucatsti amuyasipjjam jan uca sallkjirinacampi apayasiñataqui, uqhamata walïcasin jan aynacht'añataqui.

1 Juan 2:21

Kellkanipjjsmaw cheka arunac uñt'apjjatamata, janiw jan uñt'apjjatam laycuti; jumanacajj asquiw yatipjjtajja janiw cuna c'aris jutcaspati cheka arutjja.

2 Juan 1:2

Munasipjjsmawa jumanacaru, cheka cancañajj chuymanacasan utjatap laycu, ucasti wiñayataquiw jiwasampiraquïni.

Judas 1:17

Ucampis munat jilatanaca, amtasipjjam jumanacajj nayratpach Tatit Jesucristosan apostolonacapajj sapcäyätam ucanaca.

Judas 1:3

Munat jilatanaca, walpun munapjjäyäsma cunatejj jumanacansa, uqhamarac nayans utjqui uca khespiyasiñ toket kellkaniñjja. Ucampis jichhajj waquisiw jumanacar aca carta kellkaniñajjajja, cunatejj mä cutejj Diosanquirinacarojj catuyatäcäna uca iyawsäw laycu nuwasipjjañamataqui.

Judas 1:5

Jumanacajj yatipcsta ucasa amtayañ munapjjsma, Tatitojj Egiptotsa Israel marcaparojj apsuncchïnsa, ucatsti t'unjaraquiwa qhitinacatejj jupanac taypitjja jan iyawsapcän ucanacarojja.