2 Pedro 1:12 - Qullan Arunaka DC

¹² Ukatpï nayax taqi akanak jumanakarux amtayasinipkakïmaxa, yatipkta ukasa, yatichapktam uka chiqa arunakar iyawsas sayt'asipkta ukasa.

Aymar Bibliia 1986

¹² Ucatpï nayajj jumanacarojj take acanacjja amtayasinipcaquïmajja, yatipctas, uqhamarac iyawsapctas uca cheka arunacanjja suma sayt'asipcsta ucasa.

Qullan Arunaca

¹² Ucatpï nayajj jumanacarojj take acanacjja amtayasinipcaquïmajja, yatipctas, uqhamarac iyawsapctas uca cheka arunacanjja suma sayt'asipcsta ucasa.

2 Pedro 1:12 Jak'a apnaqawi uñst'ayäwi

Hechos 16:5

Uksa chiqanakankir iglesianakasti wali ch'amampiw iyawsäwinakapan sayt'apxäna. Tatitur iyawsirinakasti sapüruw jilxattarakïna.

Filipenses 3:1

Munat jilatanaka, Tatitunkxasin kusisipxam. Nayatakix janiw kuna ch'amäkis jumanakar wasitat qillqaniñaxa, jumanakatakisti ukax wali askiwa.

Colosenses 1:5

kawkïr suyt'äwitix jumanakatak alaxpachan imatäski uka layku. Uka tuqitsti niyaw ist'apxta kunapachatix Diosan suma yatiyäwi arunakapax arsutäkän ukkhatpacha,

Colosenses 2:7

jupxan saphintata, iyawsäwi layku jupxan suma utt'ata, kunjämatix yatichatäpkäyät ukhamaru, ukatsti Diosar yuspagarasaraki.

1 Timoteo 4:6

Jumatix iglesiankirinakar akanak yatichätaxa, Jesucriston aski luqtiripäyätawa, iyawsäwi arunakamp ch'amañchata, aski yatichäwir arkatamamp thuruñchata.

2 Timoteo 1:6

Ukat nayax jumar maysma, Diosan aski churäwip juk'amp jach'aptayañamataki, uksti amparaxamp luqxatkäyäsma ukkhaw katuqtaxa.

Hebreos 10:32

Ukampis jumanakax nayra urunakat amtasipxam, kunapachatix jumanakax Diosan qhanap katuqapkäyäta, llamp'u chuymampi nuwasiñan t'aqhisipkäyäta ukkha.

Hebreos 13:9

Jumanakasti janiy yaqha jan uñt'at yatichäwinakampix apayasipxamti. Diosan munasiñapampi chuymar ch'amañchañax juk'amp sumawa, manq'añanakxat kunayman arsutanakar phuqhañat sipana, uka arsutanakax janiw kunapachas askïkänti.

1 Pedro 5:10

Ukampis uka mä juk'a urunakan t'aqhisipxatamatsti, Diosax jumanakarux chiqap tukuyapxätam, ch'amani jan unxtkay sayt'ayapxarakïtam. Uka Dios pachpaw jach'a munasiñapan jawsistu, Jesucristomp wiñayatak chikäñasataki.

1 Pedro 5:12

Silvanox nayatakix mä suma aski jilatat uñt'atawa, juparakiw aka qillqat lurañatak yanapt'itu, jumanakar iwxt'añataki, ukhamaraki kuna waxt'äwinaktix katuqapkta ukanakan Diosan chiqa munasiñapätap yatiyapxaraksma. Jupar churatäpan qhapaq kankañasa, munañan kankañasa, wiñayan wiñayapataki.

2 Pedro 1:13

Nayan amuyataxatsti, wakisipuniw jakkasin jumanakar aka iwxa arunakampi amtt'ayañaxa.

2 Pedro 1:15

ukampis kunjämatsa wakisiyäwa, jiwatax qhipat jumanakax aka arunakat amtasisipkañamataki.

2 Pedro 3:1

Munat jilatanaka, akampix payïr qillqat apayanipxsma. Paypach qillqatansti iwxanak tuqiw wal amuyt'ayañ munapxsma.

2 Pedro 3:17

Ukatpï munat jilatanaka, niyakitix jumanakax akanak jichhatpach yatxapxstaxa, amuyasipxam, uka sallqjirinakampi jan apayasiñataki, ukhamat walïkasin jan aynacht'añataki.

1 Juan 2:21

Janiw nayax janis chiqar uñt'apkasma ukham qillqanipksmati, jan ukasti jumanakax yatipxtawa; janiw kuna k'aris chiqäki ukat jutkaspati.

2 Juan 1:2

Chiqa kankañax chuymasan utjatap laykuw munasipxsma, ukasti wiñayatakiw jiwasampi chikäskani.

Judas 1:17

Ukampis munat jilatanaka, kuntix jumanakar nayratpach Tatit Jesucristosan apostolunakapax

Judas 1:3

Munat jilatanaka, walpun qillqaniñ munapxäyäsma, kunatix jumanakansa, nayansa utjki uka qhispiyasiñ tuqita; jichhax aka qillqatax tuqiw jumanakar achikt'apxsma, kuna yatichäwinaktix Tatitun qullan markapar katuyatäkäna, ukanak imapxañamatak wal ch'amachasipxam.

Judas 1:5

Jumanakax niy yatipxtawa, uksti amtayañ munapxsma, Tatitux Egiptot Israel markapar irpsunkäna ukkhasti, khitinakatix jupanak taypit jan iyawsapkän ukanakarux tukjänwa.