2 Corintios 8:23 - Qullan Arunaca

²³ Inas maynejj Titor jan uñt'cchiti ucat yatiñ munchi ucarojja, sapjjam Titojj nayamp chicätapa uqhamarac nayampi chica irnakataparaqui jumanacar sirviñataqui. Mayni jilatanacata jisct'asipjjani ucqhasti sapjjaraquim: “Iglesianacan qhitanitawa, Cristoruraquiw jach'añchapjje” sasa.

Aymar Bibliia 1986

²³ Inas maynejj Titor jan uñt'cchiti ucat yatiñ munchi ucarojja, sapjjam Titojj nayamp chicätapa uqhamarac nayampi chica irnakataparaqui jumanacar sirviñataqui. Mayni jilatanacata jisct'asipjjani ucqhasti sapjjaraquim: “Iglesianacan qhitanitawa, Cristoruraquiw jach'añchapjje” sasa.

Qullan Arunaka DC

²³ Titosti nayampi chik sarnaqiriw sañ munapxsma, jupasti jumanakan askimatakiw nayampi chika irnaqi. Maynïr pä jilatanakax iglesianakat khithanitawa, jupanakasti Cristoruw jach'añchapxaraki.

2 Corintios 8:23 Jak'a apnaqawi uñst'ayäwi

Lucas 5:10

Zebedeon yokanacapa Jacobompi Juanampisa wali sustjatäpjjaraquïnwa, jupanacasti Pedromp chic irnakerinacänwa. Jesusasti Simón Pedrorojj siwa: —Jan ajjsaramti, jichhat ucsarojj jak catjjäta —sasa.

Lucas 5:7

Ucatwa señampi jawsapjjäna yakha botencasquirinacarojja, ucanacamp yanapt'ayasiñataqui. Jupanacasti jutapjjaraquïnwa, ucatsti maya botempiruw phokt'apjjäna, ucampis botenacajj niyapuniw umarojj utjantäna.

Juan 13:16

Khanacwa sapjjsma, janiw ni qhiti uywatas uywiripat sipanjja juc'ampïquiti, ni qhiti qhitatas qhitiripan ucatjja juc'ampïquiti.

1 Corintios 11:7

Chachajj janiw p'ekjja ch'okasiñapäquiti, jupajj Diosar uñtasitätap laycu, Diosan jach'a cancañaparacwa uñstayejja. Warmisti chachan jach'a cancañapwa uñstayaraqui.

2 Corintios 12:18

Titoruw jumanacar uñjt'añataquejj qhitanipjjsma, jupamp chicsti mayni jilataruraquiw qhitanipjjaracsma, ¿Titoch sallkjapjjtamjja? ¿Janit nanacasti panpachani jumanacan nayrakataman mä sapa amtañaniqui sarnakapctsti?

2 Corintios 7:6

Ucampis ch'ama thayjtatanacaru ch'amañchir Diosajj Titon purinitapampiw ch'amañchapjjetu.

2 Corintios 8:16

Ucampis Diosajj yuspagaratäpan, cuna llaquisiñatejj nayan jumanacatac utjcän ucracwa Titon chuymaparojj ucharaqui.

2 Corintios 8:18

Titomp chicsti mayni jilataruraquiw qhitanipjjta. Uca jilatatsti take iglesianacanjja wali sumwa parlapjje, Tatitun luräwipan suma irnakatap laycu.

2 Corintios 8:19

Janiw ucaquïcaraquiti, jan ucasti iglesianacajj juparuw ajllipjjaraqui nanac chica sarnakañapataqui uqhamata aca munasiñampi lurañan yanapt'asiñapataqui. Take ucanacsti Tatitur jach'ar aptañataquiw lurasipcta, uqhamarac jumanacan cusisitanacam uñstayañataqui.

2 Corintios 8:22

Jupanacamp chicsti yakha jilatamp cuna qhitanisipcaractjja. Uca jilatasti walja cutiw nanacarojj k'apha chuymapjja uñacht'ayapjjetu, jichhasti jupajj wali c'uchiquiw juti jumanacat sumanac yatisina.

2 Corintios 8:6

Ucatwa nanacajj Titoru achict'apjjta jumanac taypinjja apthapt'añapataqui aca munasiñ ofrendjja, cunjämtï nayrajj apthapt'apcataynajj uqhama.

Filipenses 2:25

Nayan amuyatajjatjja waquisisamacharaquiwa Epafrodito jilataru jumanacan ucaru qhitaniñajja, jupajj nayamp chica irnakeriwa, nayamp chicaraquiw ch'am tucu. Jumanacaraquiw nayar yanapt'añataqui juparojj qhitanipjjesta.

Filipenses 4:3

Jumarusti, wali munat nayampi chica irnakeri, achict'assmawa jumajj yanapt'amaya uca cullacanacarojja, jupanacajj nayampi chicaraquiw khespiyasiñ arunaca yatiyañanjja, irnakapjjänjja. Clementempi cunaraquiw irnakapjjänjja, uqhamarac mayni yanapirinacajjampi. Jupanacan sutinacapasti jacañ libron kellkatäjjewa.

Colosenses 1:7

Aca arunacsti jiwasan Epafras sat munat jilatasaw yatichapjjtamjja, jupasti nanac chicaw irnakaraqui, jumanacasti mä suma Tatitun sirviripatracwa juparojj uñt'asipjjtajja.

1 Tesalonicenses 2:2

Nayrajj Filipos marcanjj jisc'achatäpjjchïyätsa, uqhamarac chhojjriñchjatäpjjchïyätsa, jumanacajj ucjj yatjjapjjtawa, Diosaw nanacaru yanapapjjetu jupan khespiyasiñ arunacap take iyawsañampi jumanacar yatiyañataqui, jach'a t'akhesïw taypina.

2 Timoteo 4:10

Demas satajj jaytanucuwayjjetuwa, jupasti aca oraken yänacaparuw juc'ampi munäna, ucatwa Tesalónica marcaru sarawayjje. Crescentejj Galaciaruraquiw sarjje. Titosti Dalmacia ucsaruw sarawayjjaraqui.

Tito 1:4

Tito, iyawsäwi token wawajja, nayajj jumaruw kellkansma aca carta. Dios Awquisaraquiw bendicïtam, qhuyapt'ayätam, samarañ churaraquïtam, Jesucristo Khespiyiris toke.

Filemón 1:17

Uqhamasti nayarutejj juman jilamat uñt'aschista ucajja, nayarus catokquitasma uqhamay juparojj catokjjam.

Filemón 1:24

Uqhamaraqui nayar yanapquitus uca Marcosampi, Aristarcompi, Demasampi, Lucasampejj aruntanipjjaractamwa.

3 Juan 1:8

Ucatpï jiwasanacajj jupanacar uñjañasajja jupanacar yanapt'añataqui, Diosan cheka arunacap parläwina.