2 Corintios 8:23 - Qullan Arunaka DC

²³ Titosti nayampi chik sarnaqiriw sañ munapxsma, jupasti jumanakan askimatakiw nayampi chika irnaqi. Maynïr pä jilatanakax iglesianakat khithanitawa, jupanakasti Cristoruw jach'añchapxaraki.

Aymar Bibliia 1986

²³ Inas maynejj Titor jan uñt'cchiti ucat yatiñ munchi ucarojja, sapjjam Titojj nayamp chicätapa uqhamarac nayampi chica irnakataparaqui jumanacar sirviñataqui. Mayni jilatanacata jisct'asipjjani ucqhasti sapjjaraquim: “Iglesianacan qhitanitawa, Cristoruraquiw jach'añchapjje” sasa.

Qullan Arunaca

²³ Inas maynejj Titor jan uñt'cchiti ucat yatiñ munchi ucarojja, sapjjam Titojj nayamp chicätapa uqhamarac nayampi chica irnakataparaqui jumanacar sirviñataqui. Mayni jilatanacata jisct'asipjjani ucqhasti sapjjaraquim: “Iglesianacan qhitanitawa, Cristoruraquiw jach'añchapjje” sasa.

2 Corintios 8:23 Jak'a apnaqawi uñst'ayäwi

Lucas 5:10

Zebedeon yuqanakapa Santiagompi Juanampis wali mulljatäpxarakïnwa, jupanakasti Pedromp chik irnaqirinakänwa. Jesusasti Simón Pedrorux sänwa: —Jan axsaramti, jichhat uksarux jaqinak katüta —sasa.

Lucas 5:7

Ukat yaqha botenkaskirinakar khiwnaqas jawsapxäna, yanapir jutañapataki. Jupanakasti jutasinxa, paypach boteruw phuqt'apxäna, botenakasti niyapuniw umarux utjantäna.

Juan 13:16

Qhanak sapxsma, janiw khiti uywatas uywiripat sipan juk'ampïkiti, janirakiw khiti khithatas khithiripat sipan juk'ampïkiti.

1 Corintios 11:7

Chachax janiw p'iqip ch'uqt'asiñapäkiti, jupaw Diosan uñtasitapaxa, ukatsti Diosan jach'a kankañap uñacht'ayi. Warmisti chachan jach'a kankañap uñacht'ayaraki,

2 Corintios 12:18

Titoruw jumanakar tumpt'ir sarañapatakix mayta, jupampi chikasti mayni jilataruw khithanirakta, ¿Tito jilatach jumanakar sallqjapxtamxa? ¿Janit nanakasti panpachani mä amtañanik jumanak nayraqatan sarnaqapktsti?

2 Corintios 7:6

Ukampis ch'ama thayjtatanakar ch'amañchir Diosax, Titon purinitapampiw ch'amañchapxitu;

2 Corintios 8:16

Diosax yuspagaratäpan, kuna llakisiñatix nayan jumanakatak utjkitu ukarak Titon chuymaparux uchi.

2 Corintios 8:18

Titompi chikasti mayni jilataruw khithanipxsma, uka jilatatsti taqi iglesianakan wali sum parlapxi, Diosan suma yatiyäwi arunakap yatiyañan wali sum irnaqatap layku.

2 Corintios 8:19

Ukhamarus juparux iglesianakaw ajllisipxi, nanakampi chika sarañapataki, taqi akanaksti Tatitur jach'añchañatakiw lurasipkta, ukhamarak yanapt'añ munatanakax uñacht'ayañataki.

2 Corintios 8:22

Jupanakampi chikasti yaqha jilatasaruw khithanipxaraksma, jupasti taqi kunan q'apha chuymap uñacht'ayapxitu, jichhasti jumanakat yatisin wali k'uchikiw juti.

2 Corintios 8:6

Ukat nanakax Titor achikt'apxta, jumanak taypin aka munasiñ yanapt'a apthapiñapataki, jupaw janïr apthapkasax churañ qalltäna.

Filipenses 2:25

Amuyataxatxa, wakisisamachakiw Epafrodito jilatar jumanakan ukar khithaniñaxa, jupasti nayamp chika irnaqiriwa, nayamp chik ch'am tukurirakiwa, jumanakaw nayar yanapt'ir juparux khithanipxista.

Filipenses 4:3

Juma, nayampi chik irnaqiri, jumaruw uka kullakanakar yanapt'añamatak achikt'assma, jupanakasti nayamp chikaw qhispiyasiñ arunak yatiyañan irnaqapxäna, Clemente jilatampi, mayni yanapirinakaxampi kunaw irnaqapxäna. Jupanakan sutinakapasti wiñay jakañ qillqatan qillqantatäxiwa.

Colosenses 1:7

Epafras munat jilatasaw uk yatichapxäyätam, jupasti nanakamp chika irnaqirïnwa, Jesucristor munasitap laykuw jumanakarux Diosan suma yatiyäwi arunakap luqtapxtam.

1 Tesalonicenses 2:2

Ukat juk'ampsa, jumanakax niyaw yatipxtaxa, nayrapachax Filipos markan wali jisk'achjata, jan wali uñjatäpxayätwa, nanakarux Diosaw suma yatiyäwi arunakap jumanakar yatiyañatakix yanapapxitäna, taqi ch'amampi, kunayman ch'axwanak taypina.

2 Timoteo 4:10

Demasax jaytanukuwayxituwa, jupasti aka uraqin yänakaparuw juk'amp munäna, ukat Tesalónica markar sarawayxi. Crescentex Galacia tuqiruw sarxi. Titosti Dalmacia tuqiruw sarxaraki.

Tito 1:4

Tito, iyawsäwi tuqin wawaxa, nayax jumaruw aka qillqat apayansma. Dios Awkisampi, Jesucristo Qhispiyirisampiy jumarux khuyapayasiñapsa, samarañapsa churanpan.

Filemón 1:17

Ukhamasti nayarutix juman jilamat uñt'aschista ukaxa, nayarus katuqkitasma ukhamay juparux katuqxam.

Filemón 1:24

Marcosampi, Aristarcompi, Demasampi, Lucasampix aruntanipxaraktamwa, jupanakasti irnaqäwin yanapirinakaxawa.

3 Juan 1:8

Ukat jiwasanakax jupanakat amtasiñasa, ukhamat jupanakar chiqa kankañat arsutapat yanapt'añasataki.