2 Corintios 8:1 - Qullan Arunaca

¹ Jichhajj jilatanaca, nanacajj jumanacaruw yatiyañ munapjjsma, cunjämtï Diosan munasiñapajj Macedonia tokenquir iglesianacanjj uñstcäna uca toketa.

Aymar Bibliia 1986

¹ Jichhajj jilatanaca, nanacajj jumanacaruw yatiyañ munapjjsma, cunjämtï Diosan munasiñapajj Macedonia tokenquir iglesianacanjj uñstcäna uca toketa.

Qullan Arunaka DC

¹ Jichhax jilatanaka, kunjämtix Diosan munasiñapax Macedonia iglesianakan uñacht'ayaski ukxat yatiyañ munapxsma.

2 Corintios 8:1 Jak'a apnaqawi uñst'ayäwi

Mateo 25:22

Ucjjarusti pä warank kollke catokcataynas ucaraquiw purini. Jupasti saraquiwa: ‘Jumajj pä warank kollke churistajja, acajjay nayajj pä warankampwa jicjjatta.’

Hechos 11:23

Antioquiar purisinjja, Bernabeajj wal cusisïna, cunjämtï Diosajj jupanacar bendiscatayna uc uñjasajja. Jupanacarusti ewjjt'awayiwa: “Take chuymamp Tatitur arcapjjam” sasa.

Hechos 16:9

Ucansti Pablojj mä arumajj, mä unañchäwi uñjäna. Uca unañchäwinsti Macedonia tokenquiri mä chacharuw uñjäna sayt'ata, jupar aqham achict'asiri: “Macedoniar past'anisin yanapt'apjjeta” sasa.

Hechos 24:17

Mä kawkha maranaca yakha marcanacan sarnakasinsti, pachpa marcajjaruw cutt'jjta limosna churañataqui uqhamarac Tatiturus ofrendanac churañataqui.

Romanos 15:26

Macedonianquirinacajja, uqhamarac Acayanquirinacasa mä ofrenda apthapipjje Jerusalenancquis uca pist'at jilatanacataqui.

1 Corintios 15:10

Ucampis Diosan munasiñap laycuquiw cunäctejj ucätjja, munasiñapasti nayataquejj janipuniw inamayäquiti. Take apostolonacat sipan jilaracwa irnakawaytjja; ucsti janiw nayat irnakctjja jan ucasti Diosaw qhuyapayasiñapanjja nayamp chicäscaraquïna.

2 Corintios 11:9

Jumanacampïcäyät ucqhajja pist'ayasiñanacanwa sarnakäyätjja, ucampis janiw qhititaquis mä llaquïcäyätti, jan ucasti Macedonia toket jutir jilatanacaw cunatejj jan utjquitäna ucjja churapjjetäna. Jumanacatsti janiw cuns mayipcäyäsmati jan qhitirus llaquisiyascañ laycu, jichhas janipuniw mayipcämati.

2 Corintios 9:12

Aca yanapa jilatanacar churasajja janiw cunatejj jupanacan jan utjqui ucaqui churctanti, jan ucasti ucampejj Diosaruw jupanacarojj juc'ampi yuspagarayapjjtanjja.

2 Corintios 9:4

Inampisa Macedonia jilatanacajj nayamp chica jutaspan, ucatsti jumanacarojj jan waquicht'ata catjapjjeristam. Ucajj nanacarojj walpun p'enkasiyapjjetaspa nanacan jumanacar wali alcatasitanacajjata, uqhamarac jumanacataquis mä p'enkaraquïspawa.

Efesios 3:8

Diosancapqui uca jisc'anacat sipansa nayajj pisïtwa. Ucampis jupaw acqha suma yatiyañ churitu, jan judiöpquis ucanacaru Criston jan jact'cañ kamir cancañapat suma yatiyäwinac yatiyañajjataqui.

Colosenses 1:29

Ucataquiraquiw nayajj irnakta ch'am tucusa, cuntï Tatitojj churquitu uca ch'amampi.

1 Tesalonicenses 4:10

Uqhampunwa jumanacajj lurasipcta take Macedonianquiri jilatanacampejja. Ucampis achict'apjjsmawa jilatanaca, munasiñanacamajja juc'ampi utjpan.