2 Corintios 8:1 - Qullan Arunaka DC

¹ Jichhax jilatanaka, kunjämtix Diosan munasiñapax Macedonia iglesianakan uñacht'ayaski ukxat yatiyañ munapxsma.

Aymar Bibliia 1986

¹ Jichhajj jilatanaca, nanacajj jumanacaruw yatiyañ munapjjsma, cunjämtï Diosan munasiñapajj Macedonia tokenquir iglesianacanjj uñstcäna uca toketa.

Qullan Arunaca

¹ Jichhajj jilatanaca, nanacajj jumanacaruw yatiyañ munapjjsma, cunjämtï Diosan munasiñapajj Macedonia tokenquir iglesianacanjj uñstcäna uca toketa.

2 Corintios 8:1 Jak'a apnaqawi uñst'ayäwi

Mateo 25:22

Ukxarusti pä waranqa qullqi katuqiriw purinïna, jupasti sarakïnwa: ‘Tatay, jumax pä waranqa qullqi katuyistaxa, akaxay nayax yaqha pä waranqa qullqimp jikxatarapsma’ sasa.

Hechos 11:23

Antioquiar purisinsti, Bernabeax wal kusisïna, Diosan jupanakar aski waxt'äwinakamp phuqt'katayna uk uñjasa. Jupanakarusti iwxt'arakïnwa, taqi chuymamp Tatitur arkapxañapataki.

Hechos 16:9

Uka arumasti Pablox mä unañchäwi uñjäna. Uka unañchäwinsti Macedonia markankir mä chacharuw sayt'ata uñjäna, jupar achikt'asiskiri: “Macedonia markar jutam, nanakar yanapt'iri” sasa.

Hechos 24:17

“Mä qawqha maranak yaqha markanakan sarnaqasinsti, markaxaruw kutt'xta, jan kunaninakar qullqi churiri, Tatitur waxt'äwinak luqtiri.

Romanos 15:26

Macedoniankirinakampi, Acayankirinakampix mä yanap apthapiñatakiw taqi chuymamp amtasipxi, ukat Jerusalenankir pist'at jilatanakar apayañataki.

1 Corintios 15:10

Ukampis Diosan khuyapayasiñap laykukiw kunäktix ukätxa; munasiñapasti nayatakix janiw inamayäkiti. Jan ukasti, nayax taqi apostolunakat sipan juk'amp irnaqawayta; janiw nayat irnaqktxa, jan ukasti, Diosawa, jupasti munasiñapan nayarux yanapitu.

2 Corintios 11:9

Jumanak taypinkkasasti pist'añan jikxatasta, ukampis janiw khitirus maykti; Macedoniat jutir jilatanakaw kunatix jan utjkitän uk churapxitu. Janiw nayat llakisipxañam munkäyätti, akat qhiparus janipuniw mayipkämati.

2 Corintios 9:12

Aka yanap jilatanakatak apkasasti, janiw kunatix jupanakan jan utjki ukak churktanti, jan ukasti ukampix Diosar yuspagarañ chuyma jupanakar utjaytanxa.

2 Corintios 9:2

jumanakan suma chuymanïpxatam niy uñt'xapxsmawa. Macedoniankir jilatanakarux kusisitaw arsta: “Acayankir jilatanakax maymäratpach jank'akïpxiw yanapt'asiñataki” sasa, ukatsti Macedoniankir jilatanakatxa waljaniw jumanakan suma chuymanïpxatam laykux yanapt'asiñ munapxaraki.

2 Corintios 9:4

inampis Macedoniankirinakat yaqhipanakax nayampi chik jutasin jan wakicht'at jikxatapxiristam. Ukax nanakatak mä p'inqäspawa, nanakan jumanakar wal alkatasitaxata, jumanak pachpatakis mä p'inqarakïspawa.

Efesios 3:8

Nayasti qullan markapankirinakat wali sullkakïtwa; ukampis jupaw aka suma irnaqäwi churitu, jan judiöpkis ukanakar Criston jan jakt'kay qamir kankañapat suma yatiyäwi yatiyañaxataki.

Colosenses 1:29

Ukatakiw nayax ch'am tukus irnaqta, kuna ch'amtix Tatitux churkitu uka ch'amampi.

1 Tesalonicenses 4:10

Jumanakasti Macedonia markan jakir jilatanakarux ukham munasisipktaxa. Ukampis jilatanaka, nanakax achikt'apxsmawa, munasiñamax juk'amp jilxatpan.