2 Corintios 6:1 - Qullan Arunaca

¹ Nanacasti Diosan luräwipan irnakerinacjamajja, jumanacarojj achict'apjjsmawa, jan ina ch'usaru apt'apjjamti cuna qhuyapayasiñtï Diosajj uñacht'ayapctam ucjja.

Aymar Bibliia 1986

¹ Nanacasti Diosan luräwipan irnakerinacjamajja, jumanacarojj achict'apjjsmawa, jan ina ch'usaru apt'apjjamti cuna qhuyapayasiñtï Diosajj uñacht'ayapctam ucjja.

Qullan Arunaka DC

¹ Nanakasti Diosan luräwipan irnaqirinakjamax jumanakaruw achikt'apxsma, kuna khuyapayasiñtix Diosax jumanakar uñacht'ayapktam uk jan ina ch'usar tukuyapxamti.

2 Corintios 6:1 Jak'a apnaqawi uñst'ayäwi

Jeremías 8:8

Uqhamasti, ¿cunjämaraqui jumanacasti sapjjasmasti: ‘Take cunsa yattanwa, Tatitun leyipasti jiwasampiraquiwa’ sasasti? ¡Leyinac yatichirinacajj c'ari kellkanacapampiw maysaru k'ewiquipjjapjje!

Mateo 23:37

“¡Jerusalén, Jerusalén, jumawa profetanacarojj jiwaytajja, Diosan qhitanitanacaparusti kalampiraquiw c'upjaractajja! ¡Nayasti kawkha cutiraquiw jumanacarojj tantacht'añ munapjjäyäsmajja cunjämtï mä wallpajj jisc'a chhiwchhinacaparojj jawsthapqui uqhama, ucampis janiw munapctati!

Hechos 11:23

Antioquiar purisinjja, Bernabeajj wal cusisïna, cunjämtï Diosajj jupanacar bendiscatayna uc uñjasajja. Jupanacarusti ewjjt'awayiwa: “Take chuymamp Tatitur arcapjjam” sasa.

Hechos 14:3

Ucatwa Pablompi Bernabeampejj uca marcanjja jaypach urunac kamarapjjäna. Jan ajjsarasaraquiw parlapjjäna Tatitur catuyasisina, Tatituw jupanacarojj ch'am churaraquïna uñacht'äwinacampi milagronacampi lurapjjañapataqui. Uqhamatwa Tatitojj cuntejj jupanacajj Diosan munasiñapat parlapcäna uca arunacan chekätapjja khansuyi.

Romanos 12:1

Uqhamasti jilatanaca, Diosan qhuyapayasiñap laycuw achict'apjjsma, jumanacajj Diosarojj jacquir ofrendjamay loktasipjjam, Diosar cusisiyquiri loktata. Ucawa Diosataquejj ajayu token chekpach Diosar sirviñajja.

1 Corintios 3:9

Nanacajj Diosar sirviñanjja mayaquïpjjtwa, jumanacasti Diosan yapupäpcasmas uqhamäpjjtawa, mä utar uñtatäpjjaractawa, uca utjja Diosas utachcaspa uqhama.

2 Corintios 10:1

Naya Pablow jumanacarojj Tatitun munasiñap laycu achict'apjjsma. Cunapachatï jumanacampïcta ucqhajja: “Wali llamp'u jakew” sapjjetuwa. Ucampis jumanacat jayancjjta ucqhajja: “Khoru jakew” sapjjaraquituwa.

Gálatas 2:21

Janiw Diosan qhuyapayasiñapjja apanucuñ muncti. Maynitejj Diosampi catokatäspa leyiru ist'atap laycu ucajja, janiw cunataquis Criston jiwatapajj asquïcaspati.

Gálatas 3:4

¿Ucatak t'akhesitanacamajj inamayaquëjjeti? ¡Añchaquit mä cunataquis asquicaspa!

1 Tesalonicenses 3:5

Ucatpï nayajj jan juc'amp suyaña munasina, qhitantjja cunjämas iyawsäwinjja sarnakasipcta uc yatiñataqui. Llaquisiscäyätwa: “Supayajj jan wali thaquiruch pantjayqui ucat nanacan luräwinacajjajj ina ch'usaruch tuccani” sasa.

Tito 2:11

Diosasti uñachayistuwa qhuyapayasiñapjja khespiyasiñap apanisa take jaketaqui.

Hebreos 12:15

Amuyasipjjamay takenis Diosan yanapt'apa catokapjjañamataqui, jan jumanacata maynisa cunjämatejj mä jan wali c'asc'a korajj mayninaca jan walt'ayqui, uqhamäpjjamti.

Hebreos 12:25

Ucatwa amuyasipjjañamajja qhititejj parljjayquistu ucaru jan “Janiw” sañataqui. Janiw jaltapcänti Diosar “Janiw” sirinacajja, cunapachatejj aca orakenjja ewjjt'apcäna ucqhajja. Janiraquiw jiwasas jaltcañäniti alajjpachat ewjjt'anquistani uca arunacarutejj jan ist'cañäni ucqhajja.

Hebreos 4:1

Uqhamasti, Diosampi samarir mantañatac arsüwejj jiwasatac utjquipanjja amuyasirïñasawa, ucatarac jumanacat cawquïris jan mantcaspati.

1 Pedro 4:10

Sapa maynis cunjämtejj Diosat ch'am catokquejj uqhama maynirojj sirvpan, uqhamata take bendiciontï Diosajj churquistu ucajja sum apnakañasataqui.

1 Samuel 14:45

Marcasti Saúl reyirojj saraquïnwa: —¡Cunjämaraqui Jonatanasti jiwanisti, jupajjay Israel marcarojj mä jach'a atipjäwi churchistojja! ¡Janiw jiwcaspati! ¡Tatitu laycu, janiw mä ñic'utapas orakerojj jalaktcaniti! Cuntejj jichhüru lurqui ucjja Diosan yanapapampiw luraraqui —sasa. Uqhamatwa marcajj Jonatanarojj jiwañat khespiyäna.