2 Corintios 6:1 - Qullan Arunaka DC

¹ Nanakasti Diosan luräwipan irnaqirinakjamax jumanakaruw achikt'apxsma, kuna khuyapayasiñtix Diosax jumanakar uñacht'ayapktam uk jan ina ch'usar tukuyapxamti.

Aymar Bibliia 1986

¹ Nanacasti Diosan luräwipan irnakerinacjamajja, jumanacarojj achict'apjjsmawa, jan ina ch'usaru apt'apjjamti cuna qhuyapayasiñtï Diosajj uñacht'ayapctam ucjja.

Qullan Arunaca

¹ Nanacasti Diosan luräwipan irnakerinacjamajja, jumanacarojj achict'apjjsmawa, jan ina ch'usaru apt'apjjamti cuna qhuyapayasiñtï Diosajj uñacht'ayapctam ucjja.

2 Corintios 6:1 Jak'a apnaqawi uñst'ayäwi

Jeremías 8:8

Ukhamasti, ¿kunjämarak jumanakasti sapxasmasti: ‘Taqi kunsa sum yattanxa, Tatitun kamachipasti jiwasampïskiwa’ sasasti? ¡Kamachinak yatichirinakax k'arikamak yatichapxi, ukatsti, Qillqatax ukham siwa sasaw sarnaqapxaraki!

Mateo 23:37

“¡Jerusalén, Jerusalén, profetanakar jiwayir marka, Diosan khithanitanakapar qalampi k'upjir marka! ¡Qawqha kutiw nayax wawanakamar anthapiñ munäyäta, kunjämtix wallpax chhiwchhinakap chhiqha manqhipar anthapiski ukhama, ukampis jumanakax janiw munapktati!

Hechos 11:23

Antioquiar purisinsti, Bernabeax wal kusisïna, Diosan jupanakar aski waxt'äwinakamp phuqt'katayna uk uñjasa. Jupanakarusti iwxt'arakïnwa, taqi chuymamp Tatitur arkapxañapataki.

Hechos 14:3

Ukat Pablompi Bernabeampix jaypach urunak Iconio markan qamarapxäna, Tatitur katuyasisin jan axsarasaw Tatitun munasiñapat arsupxäna. Tatituw jupanakarux ch'am churarakïna uñacht'äwinakampi muspharkañ luräwinakamp lurapxañapataki, ukhamat Tatitux kuntix jupanakax Diosan munasiñapat sapkäna uka arunakan chiqätap qhansuyi.

Romanos 12:1

Ukhamasti munat jilatanaka, Diosan khuyapayasiñap laykuw achikt'apxsma, jumanak pachpay jakkir waxt'äwjam luqtasipxam, qullana, ukhamarak Diosar kusisiykir luqtjama. Uka luqtäwiwa chiqpach yupaychäwixa.

1 Corintios 3:9

Jiwasanakax Diosan luräwipan irnaqir masinakapäpxtanwa, jumanakasti yapuchat yapunakäpxtawa, Diosan utachat utäpxaraktawa.

2 Corintios 10:1

Naya Pablow jumanakar Criston suma munasiñap layku achikt'asipxsma, jumanak taypin jikxataskta ukkhax “wali axsarir jaqiw” sapkchitu ukasa, jumanakat jayan jikxataskta ukkhasti “wali qhuru jaqiw” sapkchitu ukasa.

Gálatas 2:21

Janiw Diosan khuyapayasiñap apanukuñ munkti; kamachinakar ist'atas laykukitix Tatitux katuqistaspaxa, janiw kunatakis Criston jiwatapax askïkaspati.

Gálatas 3:4

¿Ukataq t'aqhisitanakamax inamayakïxiti? ¡Janiw ukax inamayatakïkaspati!

1 Tesalonicenses 3:5

Ukat nayax janiw juk'ampi suyañ munkti, jumanakax kunjämäsipktas iyawsäwin uk jiskt'añatakiw khithanta, inampis yant'irix yant'apxiristam ukat wal llakisïyäta, ukhamäspa ukasti nanakan irnaqataxax inamayakïspawa.

Tito 2:11

Tatitusti khuyapayasiñapxa, taqi jaqitak qhispiyasiñap apanisaw uñacht'ayistu.

Hebreos 12:15

Janiy khitirus Diosan munasiñapax pist'pati, ukhamat jan maynis mä k'ask'a qurar uñtat jaqinakar jan walt'ayaskañapataki.

Hebreos 12:25

Kunapachatix Diosax qhuru arumpi arxayapkätam ukkhax amuyasipxam. Jan “janiw” sapxamti, israelitanakasti nayra pachax janiw ist'apkänti, ukat mutuyatäpxäna.

Hebreos 4:1

Ukhamasti, Diosan samarañapar mantañatak arsüwi utjkipan wal amuyasiñasawa, inampis jumanakat kawkïris jan mantkaspa.

1 Pedro 4:10

Sapa mayniw Diosat kuna luräwinaksa katuqapxtaxa. Uka luräwimpix taqinir yanapt'apxam.

1 Samuel 14:45

Markasti Saúl reyirux sarakïnwa: —¡Janiw wakiskiti Jonatanan jiwañapaxa, jupaw Israel markarux mä jach'a atipjäwi churistu! ¡Janiw jiwkaspati! ¡Tatit layku, janiw mä ñik'utapas uraqirux jalaqtkaniti! Kuntix jichhüru lurki uksti Tatitun yanapapampiw luraraki —sasa. Ukhamat markax Jonatanarux jiwañat qhispiyäna.