2 Corintios 3:17 - Qullan Arunaca

¹⁷ Tatitusti Ajayuwa. Cawqhantï Tatitun Ajayupajj utjqui ucqhanjja khespiyat sarnakasiñaw utji.

Aymar Bibliia 1986

¹⁷ Tatitusti Ajayuwa. Cawqhantï Tatitun Ajayupajj utjqui ucqhanjja khespiyat sarnakasiñaw utji.

Qullan Arunaka DC

¹⁷ Tatitusti Ajayuwa; kawkhankkitix Tatitun Ajayupaxa, ukkhanxa qhispiyat sarnaqasiñaw utji.

2 Corintios 3:17 Jak'a apnaqawi uñst'ayäwi

Salmos 51:12

khespiyäw cusisiñam wasitat churjjeta, ch'aman ajayumamp thurt'ayita.

Juan 6:63

Ajayuw jacañ churi, janchejj janiw cunataquis asquïquiti. Cunanactï nayajj jumanacar parlapcsma ucajja chekpach ajayun jacañ churir arunacawa.

Juan 8:32

Uñt'apjjaraquïtawa cunatejj chekäqui ucjja, uca cheka cancañasti khespiyat sarnakasiñ churapjjaraquïtam.

Romanos 8:2

Ajayun jacañanjja, Cristo Jesús tokew nayarojj juchan munañaparjam sarnakañatjja khespiyitu, uqhamarac jiwañatsa.

1 Corintios 15:45

Diosan Arunacapasti saraquiwa: “Nayrïri Adán jakejj mä jacquir jakewa tucuwayjje” sasa, ucampis khepa Adanasti jacañ churir ajayuruw tucuraqui.

2 Corintios 3:18

Ucatpï jiwasanacajja, ajanunacasajj jan uca velompi imantatäjjatap laycojj mä espejor uñtatjamaw Tatitun jach'a cancañapatjja c'ajtanjja. Uqhamaraquiw jiwasajj juc'ampi juc'ampi Cristjama tucusctan juc'ampi khanapajj jiwasancatap laycu. Ucwa Ajayüquis uca Tatitojj jiwasanacataquejj luri.

2 Corintios 3:6

Jupasti aca machak arust'äwin jupar sirviñataquejj ch'am churapjjaraquituwa. Uca machak arust'äwisti janiw cuna mä kellkataru jaysañäquiti, jan ucasti Kollan Ajayu catokasina jacañawa. Kellkat leyinacajja jiwañaruquiw api, ucampis Ajayojj jacañwa churaraqui.

Gálatas 4:6

Uqhamajj jupan wawapätasa uñacht'ayañataquejja, Diosajj Yokapan Ajayupwa chuymanacasar qhitaniraqui, uca Ajayusti arsuwa: “¡Awquejja!” sasa.

Gálatas 5:1

Cristojj libre sarnakasiñwa churistu, jiwasanacan uqham sarnakasiñasataqui. Jumanacajj ch'amampi uca khespiyat jacañan sarantapjjam, jan wasitampi esclavon jacäwiparu cutt'apjjamti.

Gálatas 5:13

Jumanacajj jilatanaca, khespiyat sarnakasiñaru jawsatäpjjtawa, ucampis jan uca libre sarnakasiñ tumpanejj janchin munañaparjam sarnakapjjamti, jan ucasti maynit maynicama yanapt'asipjjañamawa munasipjjatanacam laycu.

2 Timoteo 1:7

Diosajj janiw ajjsarañ ajayu churquistuti, jan ucasti ch'amani, munasiñani, chekapar amuyt'aña ajaywa churistu.