2 Corintios 3:16 - Qullan Arunaca

¹⁶ Ucampis cunapachatï mä jakejj Cristor maqhatjje ucqhajja, uca velojj chhactjjewa.

Aymar Bibliia 1986

¹⁶ Ucampis cunapachatï mä jakejj Cristor maqhatjje ucqhajja, uca velojj chhactjjewa.

Qullan Arunaka DC

¹⁶ Ukampis kunapachatix mä jaqix Tatitur makhatki ukkhaxa, uka velox apaqatäxiwa.

2 Corintios 3:16 Jak'a apnaqawi uñst'ayäwi

Éxodo 34:34

Moisesasti Tatitumpi parlir mantañataquisti uca veljja ajanupat apakasiwayjjänwa mistuniñapcama. Ucatjja israelitanacarojj yatiyänwa cuntejj Tatitojj siscäna ucanaca.

Isaías 25:7

Aca kollunwa Tatitojj k'al t'unjani cuna velotejj marcanacaru imjjatcänjja uca, uqhamaraqui cuna mantotejj marcanacar imjjatcän ucsa.

Isaías 29:18

Uca urunacanjja okaranacajj ist'apjjaniwa cuntejj jupanacataqui maynejj leet'ani ucjja, juyqhunacas uñj-jjapjjaraquiniwa, jupanacataquejj janiw ch'amacas lajjas utjcjjaniti.

Isaías 54:13

Wawanacamarojj nayaw yatichä; take jupanacataquisti jach'a asqui sumancañaw utjani.

Jeremías 31:34

Nayar uñt'añataquejja janiraquiw waquiscjjaniti, yatichasipjjañanacapajj maynit maynicama amigonacaparusa, uqhamarac familianacaparusa, takeniraquiwa jisc'at jach'acama nayarojj uñt'apjjetani. Nayasti jupanacarojj ñankha luratanacapatjja perdonaraquïwa, jucha luratanacapatsti janiw mayampsa amtascjjaraquïti. Naya Tatituw ucjja arsta” sasa.

Lamentaciones 3:40

Sarnakäwinacasatjja suma amuythapisiñäni, ucatsti wasitat Tatitur maqhatjjañäni.

Romanos 11:23

Mä toketjja judionacatejj wastat iyawsapjjanejja, jupanacasti wasitat uca kokarojj ayrcatataraquïniwa, Diosasti uc lurañataquejj ch'amaniwa.

2 Corintios 3:15

Jichhacamasa, cunapachatï Moisesan leyip leet'apqui ucqhajja, mä velow jupanacan amuyunacapjja imantasqui.

Deuteronomio 30:10

jumanacatejj Tatitu Diosamar ist'apjjäta, aca libron kellkantat arunacaparu, leyinacaparu phokhapjjaraquïta, cuttanjjapjjaraquïta, take chuymamampi uqhamaraqui takpach jacañamampi.

Deuteronomio 4:30

Cunapachatï jumanacajj take uca t'akhesiñanaca, llaquisiñanaca pasapjjäta, uqhamaraqui Tatitu Diosarus cuttapjjäta, iyawsapjjaraquïta ucqhajj,